قصة اغتصبوا حياتي من الجزء 1 الى الجزء 10

عن قصة حقيقية 

قصة اغتصبوا حياتي

الجزء 1

فصل الخريف....🍃🍃🍃

يا خريف خرفتي و بين الشجر توهجتي مخليتي الغالي و لا النفيس إلا و طيحتي ...

اسمي وفاء عمري 14سنة اقطن بمدينة أكادير،قصتي بدات او بالاحرى عقلي عقل من نهار كانت عندي 6سنوات كبرت فحضن أبي و امي 2 إخوة و 2 أخوات،كانت حياتنا شبه طبيعية و كنسكنو فالدوار بنواحي اكادير تا النهار اللي غادي يتوفى فيه الاب عن عمر يناهز أنذاك 40عام في حادثة سير لانه كان سائق طاكسي .معقلتش على تفاصيل وجهو او حتى شكلو فقط صور و ذكريات غابرة،و معمشة مع مرور الزمان، ماما رحلاتنا لاكادير وسك المدينة و خويا الاكبر مني شد عمل الواليد و اصبح هو سائق طاكسي كان هادش1989 ،كبرت حتى وصلت للأولى إعدادي و مقدرتش نكمل دراستي، اخواتي تزوجو عن سن صغير و كنت انا هي الصغيرة فيهم، تا لواحد النهار سمعت الدقان و مشيت نحل الباب و لقيت ماما سبقاتني ......

الأم :مرحبا مرحبا باللا صفية نهار كبير هذا زيدو، 

اللاصفية:لهلا يخطيك الالة محجوبة 

الأم:وفاء وفاء جيبي أتاي ابنتي، 

وفاء:واخا امي هي الاولة

اللاصفية:تبارك الله تبارك الله على البنية كبرات و زيانت

الام:الله يخلي ليك السي أنس الغزال 

اللاصفية:ايوا اتاي و شربنا و الكعك و كلينا و ندخلو للمعقول، انا جيت طالبة راغبة يد بنتك لسيدي انس 

الام:و خبار الخير و مرحبا بيك و لكن البنية صغيرة يلاه 14 عام عندها و عرفتيها يلاه خرجات تتعلم شوية دالخياطة و خوتها موحال يقبلو 

اللاصفية: (بعصبية )ايوا خليت ليك الراحة امكن معجبناكش 

الام:الرجوع الله اللا صفية حنا خوت و عرفناك بغيا غير الخير و لللا صفية و اللا صفية ...

هداك النهار كنت خايفة ماما تقبل و لكن كانت مرزنة و عاقلة انا باقي بغيت نلعب و انذاك مكنعرف تا للزواج اشناهو ،مشيت للنادي و عمرت بيه وقتي تعلمت للخياطة و كان عقلي صغير و بالزربة كنتعلم... و لكن تشتهي الرياح بلا متهوى القلوب... و وقع ما لم يكن بالحسبان...

قصة اغتصبواحياتي

الجزء 2

كبير :الوالدة كاين شي غدا 

الام:اييه اوليدي كنتسناوك غير تدخل، وفااااء عاف بنيتي عيطي على رشيد 

كبير:و مراتي فيناهي 

الام:امم راها فييتها غضبانة 

كبير:و علاش مالكم عاوتاني 

وفاء:والو مبغاتش تغسل الماعن

مجيت فين نكمل هضرتي تا تضربني بونية لوجهي، ديما كيضربني و ماما كتسكت معندها مدير كبير هو اللي خدام علينا و هو الكيير و مزوج و لكن مراتو شريرة و ديما كتشريليا الصداع معاه و لكن هاد المرة غيكون صداع كبير 

الام:جلس اوليدي صافي جلس تغدا و نعل الشيطان، خرج و هو غضبان و كيغوت و كيتوعدني باللي غادي يوريني الضد كيف داير،مديتهاش فيه و جلست تغديت و فالعشية كنت خارجة تالقيت كبير و معاه واحد الراجل سلمت عليه و مردش السلام دفعني و سولني فين غادية كان غيضربني مرة اخرى و لكن داك السيد عتقني و شدو طلعت للبيت عند مي و بكيت عليها، بقات حاضناني تسمعات كبير كيعيط ،نزلات عندو 

الام:نعام اوليدي اش كاين 

كبير:اجي اميمتي انا جبت معايا واحد السيد 

الشخص:السلام اميمتي معرفتنيش؟

الام:بالعما اوليدي تسنا نجيب نضاضري مبقيتش نشوف، بلااي اتا ولدي انس لا خفت نكذب مرحبا لوليدي زيد

انس:ترحب بيك الجنة الوالدة

كبير:الوالدة راه انس جا خطب من عندي وفاء و انا عطيتها ليه 

الام:اوليدي ااااا و لكن وفاء باقي

كبير:(هز يديه الفوق)ما كاين ما ولكن وجدي السيمانة الجاية يعقد عليها الدرية كبرات و خاصها تمشي لدار راجلها حسن ليها من خيطي بيطي فالزناقي ، سمعت هاد الكلام و ندمت علاش خرجت من البيت غير سمعتو و طحت فالارض كبير خرج هو داك السيد و انا جلست تنبكي و نوح معرفتش لا اشنو وقع ، طفلة صغيرة انا، باقي كنبغي ماما معرفاش انذاك حتى حاجة و ياريتني مت قبل منعرف...

قصة اغتصبواحياتي

الجزء 3

فصل الخريف....🍃🍃🍃

داز عليا اسبوع و انا فالدار مافاهمة ما عالمة والو، شي يجري هنا و شي يجري لهيه، كنا ناس بسطاء معندناش و مخصناش، النادي نسيتو و مبقياش عتبت الباب، كيقولي خويا حتى نتزوج و ديك الساعة ندير اللي بغيت، فواحد العشية كنا جالسين و بقات يومين على عقد القران ديالي انا و انس ولد اللا صفية اللي كان اكبر مني ب20سنة 

كيير:شوفي اختي انا كنبغيك و كتعزك و انتي اللي عندي، شوفي راه الزواج زوين 

وفاء:و فيه صحاباتي رقية و خديجة .

كبير:اه فيه كلشي غير كوني ضريفة و سمعي للكلام و متبقايش تديري هاد الفعايل اللي كديري فالدار

فرحت منين سمعت هاد الكلام من خويا حيت وخا مكيحملنيش و لكن عزيزة عليه، و هادشي اللي قالي كلو ثيقتو و تبعتو...

انا:ماما فين غادية اجي كولي معانا

الام:غا كولي ابنيتي انا شبعت و طالعة نركد شوية 

طلعات ماما و حسيت بيها مقلقة و لكن مشيت كنتفرج فالرسوم و خليتها ترتاح

عند الام (الله ابنيتي الله،كون باقي المرحوم ميوقعش ليك هادشي ، رزاوني فيك و غيضيعو طغولتك،اش عندي مندير و اش عند الميت ميدير قدام غسالو)بكاء و حسرة 

دق دق دق 

الام:ادخل اشكون 

رشيد:غير انا رشيد مالك امي اش بيك 

الام: لا والو اوليدي مالك 

رشيد:حدر راسو و بدا يتكلم، امي واخا ماشي وقتها و لايني منين وفاء غتزوج تانا بفيت نكمل نص ديني 

الام:راك تدوي من نيتك؟

رشيد:واييه امي، حشمان

الام:و انت عاد بديتي خدمتك مزال الحال على الزواج حتى شهر مكملتيه فالمقاطعة هههه و شكون هاد بنت الناس و لا نختار لك انا ؟

رشيد :لا امي انا شفت حبيبة انسانة ضريفة و خدامة انا بغيت نبدا من الصفر و نعيش انا وياها على الحلوة و المرة و راني تافقت معاها غير يسالي هادشي دوفاء و نتزوجو مغنديرو لا عرس لا والو 

الام:اييه اييه اوليدي ايه ايوا علاش جيتي و انت قاديتي و صاوبتي كلشي ؟بلا خباري و لا شواري ؟

رشيد:رضاتك اميمتي هي علاش جيت 

الام:ايوا سير اوليدي الله يرضي عليك و يهديك 

وصل نهار عرسي و كلشي تكلفو بيه تزوجت بالفاتحة و من بعد قالولي باللي غادي يحررو عقد رسمي، لبسوني البيض ودارولي الخلخال و الدبالج و حناولي شعري و ضفروه و دارولي عروش الحبق و الزيتون و ركبوني فوق عاود بيض و شدني انس من وراه عجباتني الركبة و حوطني بيديه كنبان قدامو صغيورة بجسمي الهزيل ،وصلنا و تمنيت تطوال الطريق،العيالات يلعبو و يغنيو و يشطحو، دخلوني لبيت و قالولي باللي بيتي و هناغنعيش عمري كلو و يا ريت نرجع عند ماما...و هنا غادي تتغير حياتي...

قصة اغتصبواحياتي

الجزء 4

فصل الخريف....🍃🍃🍃

انس:واش غنبقاو هاد الليلة هنا؟ طلقيني

انا: (برعشة و خوف)اشنو ىنا مفهمتش 

انس: بالغوات واش انتي مكلخة و لا مالك و منين مكتفهميش علاش خاسر عليك فلوسي؟ و علاش زوجوك ليا 

أنس:عمو انس انا مافهمت والو انا عجبني هادشي وعجبونب الحوايج و عحبني كلشي ، بغيت نحيد هاد الحنا و بديت كنحك فراسي

انس:شدني من يدي الصغيورين و جرني...

انا:طلق مني بغيت نمشي عند ماما 

انس:على دخول الحمام بحال خروجو

رماني فوق السرير و حيد لي حوايجي، خلاني عريانة كنقفق بالخلعة و الف سؤال كيدور فبالي

انا:عافاك اش كتدير اعمو ،احشومة غبعذبني الله و انا باقي صغيورانس على فم الحمل انتي راك حضاي اش باقي ههه و ا نا راجلك ماشي عمك و هز يديه تا الفوق و صرفقني و خرج فيا عينيه، فرق ليا رجلي و اللي كان كان....

بعد ساعات....

انس:الى سلامتك امراتي الحبيبة،البنة يا سلام ،جبدني من يدي و انا عريانة نهش لي لحمي و كلاع كنتقطع و مقدراش نوقف، دفعني نلبس حوايجي

انس:لبسي حوايجك و سيري غسلي ديك الحنا كاع عمراتني يلاه سربي

انا:كيفاش و دموع تنهمر لانني حسيت بوجع تحت بطني الصغير .

معرفت اشنو واقع سوى انني جردت من ملابسي، و انس كذلك لم اكن أريد لكن كان ضربني خفت و درت كاع داكشي اللي بغا، و فلحضة حسيت بالسخفة و زادتني واحد الطرشة من انس اللي كملات عليا و سخفت فقت على صوت ماما حبيبتي، غير شفتها و ترميت على حضنها

انا:ماما اهيء اهيء ديني معاك معجبنيش هنا خايب

ماما:لا ابنتي مكاين والو مبروك عليك راكي وليتي امراة دالزمان خاصك تصبري و غديري وليداتك هنا و معندك فين تمشي 

انا:عافاك اماما ىنا مبغيتش نكون امرأة و مبغيتش وليدات انا بغيت نمشي معاك بغيت نمشي لدارنا ضربني عمو انس و انا مدرت والو اللي قالها كنديرها ليه

ماما:لا غير كان شارب ابنتي و راه اعتذر على غلطو صافي غير نعسي غدا يصبح و يفتح و راه جابوليك الفلوس كثيرة، جابلتلي صينية فيها سروال فيه الدم و فلوس فوقو بالعرام و باقي الشطيح و الرديح برا،

غفيت و مشات ماما و خلاتني مفاهمة والو،سوى انو كل مرة فالليل كيجيني حريق كنصبر ليه و كنرجع نغمض عيني بكثرة الارهاق، دازو الايام و بديت كنتعود على كل نهار نتعرا من حوايجي و اي حاجة تطلبات مني نديرها باش منتضربش،كانت اللا صفية تاهي كتعطيني العصا حيت كنهرس الكيسان و الطباسل، و انس كيجي من خدمتو عيان كانت خدمتو عبارة على مندوب ديال مبيعات شركة للادوية،كان قصير و لونو سمر و عندو لحية حرشة،كان ابشع راجل عرفتو فحياتي،هو و مو اللا صفية، تا لواحد النهار اللي غادي نعرف الدنيا...

اللاصفية:واش ابنيتي انتي جبناك تجلسي نوضي تخبزي داك الخبز

انا:واخا اماما هاني غادية 

انس:وفاء اجي لهنا وفااااء

اللاصفية: هاني اولدي مالك اولدي داخل بعجاجتك

انس:فين ديك البرهوشة 

اللاصفية:وقول مالك بعدا اش واقع راها مشات تخبز الخبز يعطيها موصيبة 

انس:جراو عليا من الخدمة ولاد الحرام و بغيتها تجي تدلك ليا رجليا

اللاصفية:الله اربي اش درتي امسخوط الوالدين

كنت فالكوزينة كنخبز الخبز اا سمعت انس و مو صوتهم كيتسمع مشيت كنجري و غير وقفت عليهم و جات تضربني و تاهو كمل عليا و زرقو لياا لحمي، سبوني و عابروني و دفلو لي على وجهي، لاموني على أشياء مدرتهاش، اتاهموني باللي انا نحس و من نهار دخلت عليهم و رجعو ا اللور ،مزال مكملت شهر عندهم و لكن ضعافيت و مبقاش الضو كيبان فيا، خليتهم حتى بردو دمهم و مزال غنشوف الويل،دخلني للبيت و مارس عليا شهوتو بحال الحيوان و كان فعقلي غير ... يا اما نهرب لشي مكان ميعرفني فيه و لا نهي حياتي...

قصة اغتصبوا حياتي

الجزء 5

فصل الخريف....🍃🍃🍃

خليتهم تاتغداو و خرجت تنتسلت مديت معايا تاحاجة و معرفاش مزيان الطريق مشيت للمحطة على رجليا و انا كنبكي و معرفا منقدم و لا نوخر، طلبت من مول الطاكسي يديني عند ماما و كذبت عليه باللي انا هربانة من عن شي ناس خدامة عندهم و تكرفصو عليا بقيت فيه و وريتو فين يمشي و يسول، و فعلا مسكين عمرني نسا خيرو عمي سعيد،للان محفور اسمو فذاكرتي، دق الباب و دخلت عند ماما لقيتها ملهية بالخطبة ديال خويا رشيد و انا مفراسي ميتعاود، بكيت على حالي و لقيت راسي نضجت فاقل من شهر، ماما بكات معايا و شداتني من يديا و رجعاتني ف الطاكسي، حطاتني عندهم و طلبات السماحة واخا هما اللي غلطو فحقي و فهماتني باللي هادشي كلو لصالحي ، ضحكو عليا هو و مو واستفزوني، دوزت عندهم عام و نصف دالعذاب و المرار،و مفكرتش مزال باش نهرب حيت ولاو كيسدو عليا، و التلفون مرة فالسيمانة نهدر فيه مع ماما ،ضاعت احلامي و ذبت و معرفتش اش نكون حسيت باللي انا مجرد حيوان كيرميو ليه بقايا الاكل و كيتضرب فاش يدير ابسط خطا او بدون خطأ، تا لواحد النهار غتنزل معايا دم و هنا غنعرف باللي انا حاملة و انا عمري 15عام و نصف، معرفتش اشناهو الحمل او للوحم،كنت غير كننعس و كنموت فالنعاس، و لكن انس ملقا لا خدمة و لا ردمة عايش على ضهر باه و مو اللي كتعبدو استغفر الله و كل نهار كيتكرفص عليا و على حياتي عمرو ما حاول يحن عليا او نبقا فيه ، تا لواحد النهار تاصلت بمي حيت تشهيت كسكسو بداز و جابتولي ماما و هنا غتعرف ماما باللي راني كنعيش المرار، و هي جالسة و انا كناكل نوضاتني حمااتي باش ندير اتاي و ندير الغدا، قالتليها مي باللي الخير شايط و جاوبتتا باللي منقدرش نطيب غير كتشم ريحة الطياب كنتقيا حتى يخرجو عينيا، و لكن جا انس فاخر لحضة و كان غيضربني قدام مي، تخبيت وراها، خلاوني مع مي و عاودتليها كلشي نصحاتني بالصبر و باللي غير نولد وليد و لا بنية غادي نولي بخير و غادي يبفيوني، جمعت مع مي و فرحت و عمرات عليا نهاري، غير خرجات و مشيت لبيتي بقيت كنبكي على زهري، تحطمت و انكسرت،و طاح عليا ضيم الدنيا و الاخرة 

انس:ياك قلتليك غا تطيحي فيدي اجي لهنا و شدني من شعري و بدا كيصرفق فيا، هادي اول مرة مبكيتش فيها بقيت ساكتة و ماحدي انا ساكتة و مكندير تاشي ردة فعل كيزيد الالم و الضرب، خرج هو فحالو و كيبكي و مو جابت موس و كواتني قالتلي باللي الا ضساريت قدام مي غادي تحد ليا هاد الفعايل، كنتكوا و انا صابرة معرفتش علاش صابرة، جاتني وجعة و محسيت بوالو باقي تافقت فالصبيطار، دخلات عندي ماما و هي عيانة مسكينة غير شفتها و عنقتها و لاان الدموع نشفو من عيني ، هزات يديا و بقات كتشوف التشواط دالموس و كتضرب ففخادها و تولول

انا:ماما عافاك مبقيتش بغيت نمشي عندهم انا بغيت نمشي معاك، متخلنيش معاهم

ماما:لا ابنيتي عمرك مزال ترجعي ليه واخا على قبري يمشيو، و راه ولدك اجرك الله ابنيتي

هنا غادي نبكي و معرفتش علاش بكيت على لحيمة طاحت مني امكن بديت كنفهم فالدنيا و لا ربما فهمتها بالعكس، تالمت و خرجت من الصبيطار مشيت مع مي و قابلاتني،و هو جاىشحال من زرة يطلب السماحة سسرب تالنصاثات الليل و يجي يغوت شحال من زرة تضارب مع كبير ، رجعو يديوني و لكن ماما و خويا كبير رفعو دعوة دالطلاق و طلقني بكل سهولة و معطاوني تاشي حقوق و لا الفلوس حيت انا تنازلت على كلشي و كنت طالبة غير السلاكا ، دفنت حياتي القديمة و نسيت كل ناداز عليا من انس و مو ،رشيد تزوج و مشا كرا بعيد علينا و كبير طلب مني السماحة و بقا مريض لاكثر من 3 سنين كان عندو مشكل فالمعدة مخلا لا طبيب و لا عشوب و معرفوش دواه ولاو عندو 2 وليدات بنية شيماء و ولد زكريا، عشت معاهم و مشيت لجمعية تقيدت فيها و تعلمت الحلوى، رحلنا لمراكش...و هناىغتبدا معاناتي الثانية...و مغنكون دايرة لحساب لالف حكاية و حكاية، و غدر الزمان...

قصة اغتصبوا حياتي

الجزء 6

فصل الخريف....🍃🍃🍃

خليتهم تاتغداو و خرجت تنتسلت مديت معايا تاحاجة و معرفاش مزيان الطريق مشيت للمحطة على رجليا و انا كنبكي و معرفا منقدم و لا نوخر، طلبت من مول الطاكسي يديني عند ماما و كذبت عليه باللي انا هربانة من عن شي ناس خدامة عندهم و تكرفصو عليا بقيت فيه و وريتو فين يمشي و يسول، و فعلا مسكين عمرني نسا خيرو عمي سعيد،للان محفور اسمو فذاكرتي، دق الباب و دخلت عند ماما لقيتها ملهية بالخطبة ديال خويا رشيد و انا مفراسي ميتعاود، بكيت على حالي و لقيت راسي نضجت فاقل من شهر، ماما بكات معايا و شداتني من يديا و رجعاتني ف الطاكسي، حطاتني عندهم و طلبات السماحة واخا هما اللي غلطو فحقي و فهماتني باللي هادشي كلو لصالحي ، ضحكو عليا هو و مو واستفزوني، دوزت عندهم عام و نصف دالعذاب و المرار،و مفكرتش مزال باش نهرب حيت ولاو كيسدو عليا، و التلفون مرة فالسيمانة نهدر فيه مع ماما ،ضاعت احلامي و ذبت و معرفتش اش نكون حسيت باللي انا مجرد حيوان كيرميو ليه بقايا الاكل و كيتضرب فاش يدير ابسط خطا او بدون خطأ، تا لواحد النهار غتنزل معايا دم و هنا غنعرف باللي انا حاملة و انا عمري 15عام و نصف، معرفتش اشناهو الحمل او للوحم،كنت غير كننعس و كنموت فالنعاس، و لكن انس ملقا لا خدمة و لا ردمة عايش على ضهر باه و مو اللي كتعبدو استغفر الله و كل نهار كيتكرفص عليا و على حياتي عمرو ما حاول يحن عليا او نبقا فيه ، تا لواحد النهار تاصلت بمي حيت تشهيت كسكسو بداز و جابتولي ماما و هنا غتعرف ماما باللي راني كنعيش المرار، و هي جالسة و انا كناكل نوضاتني حمااتي باش ندير اتاي و ندير الغدا، قالتليها مي باللي الخير شايط و جاوبتتا باللي منقدرش نطيب غير كتشم ريحة الطياب كنتقيا حتى يخرجو عينيا، و لكن جا انس فاخر لحضة و كان غيضربني قدام مي، تخبيت وراها، خلاوني مع مي و عاودتليها كلشي نصحاتني بالصبر و باللي غير نولد وليد و لا بنية غادي نولي بخير و غادي يبفيوني، جمعت مع مي و فرحت و عمرات عليا نهاري، غير خرجات و مشيت لبيتي بقيت كنبكي على زهري، تحطمت و انكسرت،و طاح عليا ضيم الدنيا و الاخرة 

انس:ياك قلتليك غا تطيحي فيدي اجي لهنا و شدني من شعري و بدا كيصرفق فيا، هادي اول مرة مبكيتش فيها بقيت ساكتة و ماحدي انا ساكتة و مكندير تاشي ردة فعل كيزيد الالم و الضرب، خرج هو فحالو و كيبكي و مو جابت موس و كواتني قالتلي باللي الا ضساريت قدام مي غادي تحد ليا هاد الفعايل، كنتكوا و انا صابرة معرفتش علاش صابرة، جاتني وجعة و محسيت بوالو باقي تافقت فالصبيطار، دخلات عندي ماما و هي عيانة مسكينة غير شفتها و عنقتها و لاان الدموع نشفو من عيني ، هزات يديا و بقات كتشوف التشواط دالموس و كتضرب ففخادها و تولول

انا:ماما عافاك مبقيتش بغيت نمشي عندهم انا بغيت نمشي معاك، متخلنيش معاهم

ماما:لا ابنيتي عمرك مزال ترجعي ليه واخا على قبري يمشيو، و راه ولدك اجرك الله ابنيتي

هنا غادي نبكي و معرفتش علاش بكيت على لحيمة طاحت مني امكن بديت كنفهم فالدنيا و لا ربما فهمتها بالعكس، تالمت و خرجت من الصبيطار مشيت مع مي و قابلاتني،و هو جاىشحال من زرة يطلب السماحة سسرب تالنصاثات الليل و يجي يغوت شحال من زرة تضارب مع كبير ، رجعو يديوني و لكن ماما و خويا كبير رفعو دعوة دالطلاق و طلقني بكل سهولة و معطاوني تاشي حقوق و لا الفلوس حيت انا تنازلت على كلشي و كنت طالبة غير السلاكا ، دفنت حياتي القديمة و نسيت كل ناداز عليا من انس و مو ،رشيد تزوج و مشا كرا بعيد علينا و كبير طلب مني السماحة و بقا مريض لاكثر من 3 سنين كان عندو مشكل فالمعدة مخلا لا طبيب و لا عشوب و معرفوش دواه ولاو عندو 2 وليدات بنية شيماء و ولد زكريا، عشت معاهم و مشيت لجمعية تقيدت فيها و تعلمت الحلوى، رحلنا لمراكش...و هناىغتبدا معاناتي الثانية...و مغنكون دايرة لحساب لالف حكاية و حكاية، و غدر الزمان...

قصة اغتصبواحياتي

الجزء 7

فصل الشتاء🍀🍀🍀🍀

فصل التجدّدً للشجر ،فصل الغيوم الراعدة

ثوب الثلوج الواعدة،فرح يهدي السهول الجائدة

في مراكش ... 1999

عمري الآن 16سنة، تألقلمت مع جو مراكش و مناخها الجاف، شرينا دار فالمدينة القديمة و خرجنا منها حانوت، اتفقت مع ماما باش نديرو فيها الحلوى منها نعاونو خويا اللي مريض و منها منبقاوش جالسين طول النهار، كانت مراتو ديما مخاصمة معانا و لكن مبقاش كيدي عليها و عرف باللي هي اللي منها الخطأ كان كبير كل نهار كيبكي عليا و كينعسني فكتافو و كيطلب مني السماحة، كان عارف باللي قريب يغادر الحياة و فعلا ف 2002.23.07كانت تاريخ الوفاة ديالو تأزم عليه الحال و خلانا لا حنين لا رحيم، مراتو مشداتش حق الله و ماما تصابت بانهيار عصبي كنت مجبورة انني نقابل مي و نقابل ولاد خويا اللي تخلات عليهم أمهم و هربات مع صاحبها أنذاك، يا للعار، تبعنا خويا رشيد و انتقل لمراكش رغم انو بعيد و لكن قرب لينا،كبرت قبل من الوقت و حاولت نتحدى هاد الدنيا اللي من نهار حليت عيني عليها و هي ضالماني،و شفت باللي الحلوى مغادي دير لينا والو و تعرفت بصديقة كانت هي اللي غادي تساعدني و ليها الفضل فبزاف، اقترحات عليا ندير الخياطة و فعلا درت الخياطة و لكن ديال الصالونات و المخاد و الطلوقان، كنت اول وحدة ربما تزاول هاد المهنة،خدمت معايا هاد الصديقة المخلصة اللي اسميتها سناء ، و حاولت نفتح متجر اخر و نحط فيه راجل اللي يعاوني و كان عمر ولد جيرانا أب ل 3 اطفال و مفحالوش اقترحت عليه باللي الربح غادي يكون مقسم بينتنا حنا ب3 سناء و انا و هو ،كانت حياتي عادية كتدوز فالخدمة على طول النهار و الطياب و للاهتمام ب ولاد خويا و مي اللي مزال مقتنعت باللي خويا مات، تا لواحدالنهار اللي غادي نتفجر فوجه ماما حيت كثار عليا الحمل و الدق، و ماحيلتي للخدمة و لا هاد الوليدات اللي محتاجين لجداهم و مهم اللي سمحات فيهم،بقات حياتي غادية عادية و كنربح شوية ناكل شوية و نخلص الما و الضو و نكسي ولاد خويا حتى من الضحية انا كنشريها و حت الطاكسي بعنا الكريما ديالو و خبينا الفلوس اولاد خويا لانه حقهم و هادشي كنعرفو غير انا و مي،جات ايام صعيبة عليا و لكن حفرت راسي و ذاتي فمشاغل الحياة و همومها و نسيت وفاء شكون هي و اشنو مستقبلها.... و ياريت مفكرت فوالو...

قصة اغتصبواحياتي

الجزء 8

فصل الشتاء🍀🍀🍀🍀

ايه اوفاء شوف الدنيا شحال صعيبة و لقمة الحلال ميجيبوها غير الشداد، دازت السنين و انا كنبكر مع الايام، و دازت السنين بدون مايشوف فيا شي حد شوفة وحدة جاوني2 دالناس على مرور السنوات و كيف عرفو قصتي اللي حكيت ليهم كينصرفو لحالهم، و بقيت وحدانية ننشكي همي لله اللي خالقني، عييت نصبر و نتسنا،واخا صغيرة فملامحي و العمر دغيا كيدوز، حاولت نصبر و نتأقلم كنت عدوانية و مكنقبلش ندير علاقات او بمعني التصاحيب، كانت عندي فكرة انو اللي بغا المعقول يجي لباب الدار، حاولت نجمع راسي و خيابت المدينة القديمة و هنا غادي نتحول و نفكر نشري فبلاصة مزيانة، فكرت فالفلوس اللي خبينا و بعت الدار و خرجنا للداوديات (حي بمراكش) و شرينا دار كبيرة و تحتها محلات باش نكمل على خدمتي اللي معيشاني، تافقت مع رشيد و كتبنا النص فالدار لولاد خويا بيع و شراء ،كنخاف الله و اليتيم ميمكنش نفكر نضيع ليه حقو،كانت الدار فيها 2حوانت لتحت و 2 طوابق و سطاح، جات فالشوكة وحطينا فيها رزقنا كامل، حسيت بشوية والراحة و الأمان،خويا صيفت مي للحج و كتاب ليها تغسل ذنوبها، مشات و جات وحدة جديدة راضية بقضاء الله و قدرو، فرحت لمي و فرحت بوليداتي شيماء و زكريا اللي كبرو قدام عيني ودرتهم وليداتي اللي مولدتش من كرشي....

فقت واحد النهار على القطار ، و لقيتو مشا عليا، تبعتو و لكن خليتها في الله و متسوقتش او حاولت منديرش فخاطري من كلام خواتاتي اللي كبرو ولادهم و بناتهم و وصلو لسن الزواج...

في يوم من ايام الله🌸🌸🌸🌸

السمسار:لالة وفاء ها واحد السيد جا يشوف المحال اللي وصتيني بغيتي ترهنيه

وفاء:اهلا عمي حميد، تفضلو، مريم جيبي ليهم كراسا 

السمسار:نقدم لك السي اشرف سكليس و بغا الحانوت و عجباتو و راه قابل شروطك و حتى الرهن معندوش مشكل 

وفاء:ايه مرحبا غدا انشا الله نعيط لخويا باش نتفاهمو 

مشا السمسار و تاصلت بخويا باش نتكاتب مع هاد السيد،رهنت الحانوت باش نعمر حانوت اخرى فبلاصة تكون اكثر رواج،لانو فاش تحولت لهنا ملقيتش كليان بزاف، و الكليان ديالي قليل اللي تبعني و بقا وفي ليا...

في شتاء،2013

مرحبا بختي مرحبا ويلي عذبتو راسكم

ماما:ماشي قدام وجهك ابنيتي الله يكمل ليك على بنيتك

انا:اجي نبوسك ابنت اختي كبرتي تبارك الله الله يكمل بالخير 

اختي صفية:العقبا لك اختي وفاء مزال مبغيتي تفرحينا

عرفت باللي غنسمع هاد الكلام، و عرفت باللي غنتجرح، مشيت و انا معولة و داكشي علاش اي كلمة كتقال مكنديرش ليها الحساب، حياتي كلها كتافيت بالصمت و حتى اول معاناة ليا مع طليقي منسيتهاش للان واخا فاتت عبيها سنين و دابا انا امرا فبداية الثلاثينات بيضاء البشرة و عينين عسليتين و شعر أسود ماحدي كنكبار و منزيان، قالو ناس زمان الزبن فالثلاثين، وليت كنهتم براسي و نشري ماكياج و لباس و ديما انيقة ، كنت بسيطة فلباسي جميلة بلا نفاق، عقليتي قديمة و فنفس الوقت كنحس براسي قديمة عند الجداد و بعقلي عند الفاهمين، و ناقصة عند المخصوصين اللي نيتهم خايبة و يعطيوك بضهرك و يهضرو فيك...

ضحكت رغم قساوة اللحضة بنت اختي تبلغ فقط 16 عام، بسرعة رجعت ذكرياتي و زواجي فاش كنت بحالها صغيرة و معارفة والو ،زوج اختي كان سلفي و عندو لحية و عقليتو باللي البنت غير كتصوم لازمها دارها، بعد مرور العرس باقل من شهر تم الطلاق ديال بنت اختي و تعاودات قصتي فيها، و بردات اختي و مبقاتش بالمعاني فكل لحضة لمحاتني فيها...

زكريا: وفاء بغيتك تعاونيني 

وفاء:فاش احبيبي 

زكريا:بغيتك تشري ليا موطور 

وفاء:ابوا نجح و نشريه لك انشا الله ندير قرعة و ناخدو لحبيبي

زكري:واخا كلام المعقول ياك...

زكريا و شيماء كانو كيعطيو لحياتي معنى جميل و باللي حياتي درتها فيها شي حاجة مزبانة، دوز امتحانات الاولى باكالوريا و سقط و كنت بمثابة فشل ليا و لكن غير شديت القرعة و شريت ليه موطور ..و كان فكل مرة يخسرو يمشي عند اشرف يصاوبو ليه حشمت منو داك السيد...

اشرف شاب ثلاثيني ، كان اسمر بزاف و عينين سوداواين كيتميز بعضلات و جسم قوي بحكم انو سكليس و كيهز الحديد، كان فمثابة خويا الصغير و كان بيناتنا احترام كبير... تالواحد النهار غتبدا معاناتي الثالثة...

قصة اغتصبواحياتي

الجزء 9

فصل الربيع🌷🌷🌷🌷🌷

تتفتح الزهور و ثنبثق من رياعانها

و الزهر على الاشجار يفرز راىحته البهيجة 

زكريا:و اشرف بغيتي شي دكيكة دتاي 

اشرف:اييه جيب كويس انمشي نجيب مسيمنات و نفطرو بجوج، و اجي بدا مزال مهداك الله تجي تتعلم معايا الصنعة و باراكا من الدوران 

زكريا:و الله ت ناوي غير صبر عليا غدا نبدا 

اشرف: احم احم واش مالين الدار مكاينينش 

زكريا:كاينين كي الزلط، 

اشرف:نعااام 

زكريا:قلتليك راه كاينين غير وفاء عيانة شوية 

اشرف:مالها اش بيها

زكريا:والو 

اشرف:كتخبي عليا 

زكريا:اجي قرب، جبد ليه ودنيه و توشوشو و فهم راسو و سكت فطرو بجوج

في المساء🌘🌘🌘

انا:اجي انت شحال فالساعة 

زكريا:هادي 12

انا:ايوا ديك الساعة بات فالزنقا، علاش كنتاصل بيك و مكتجاوبش 

زكريا:اوووف بدينا عاوتاني 

انا:راني كنخاف عليك ازكريا الله يهديك شحال من مرة كنحدرك و كنقوليك بعد على دوك صحابك راه غادي يخرجو عليك واش مبغتيش تتصنت ليا

زكريا:عافاك بدلي الساعة بخرى و خليني راه غنعس

-مشا لبيت و تبعاتو و عينيها مغرغين خايفة عليه و ملقاتش الحل غلبها و لا طول منها و الكتاف عراضو ، زكريا مبقاش كيف كان تغير و خافتو بكون كيتعاطا لشي موصيبة 

زكريا:اربي دابا علاش تابعاني 

انا:راه هادي اخر مرة نحدرك فيها و لا و الله لباقي عطيتك شي حاجة 

زكريا:هاي هاي وليتي كتمني عليا هداك راه رزق با و انتي ماشي مي تتكوني مي و اجي قوليلي اللي بغيتيو عافاك خرجي بغيت نعس 

-وفاء مقدراتش تقاوم دموعها خرجات و بكات خرجات للبالكون و جلسات تبكي على يامها اللي خلات، جفاو عينيها و نشفو من دموعهم و عيات، الحكرة و النحس ديما تابعينها و حتى اللي ربات عليهم كبدتها هاهو واحد فيهم نعلها و نسا خيرها، الدنيا حكارة و ما فيها معنى، يا حسرة، عالمىبيها الله و بحالها، تبكي و تضم نونوسها الصغير تبرد فيه عطشها، رغبتها حرمانها، من نعمة الزواج و حتى الامومة، لمن تشكي الحال و تنذب حر الليام، ايه يا زمان مبقات ثقة و اللي دار شي خير ينساه و يلقاه عند مول العدل سبحانه دازت الليام بضلمها و قسوتها...

اواخر عام 2013🍂🍂🍂

اشرف:السلام اختي وفاء كيدايرا مع الوقت 

انا:الحمد لله اسي اشرف 

اشرف:انا جبت ليك واحد الكليان

انا:واخا مرحبا به، تفضلي الالة اش حب الخاطر 

اشرف:ايوا نخليكم انا و تهلاي اللالة وفاء

انا:الو و جيب السلعة جديدة و مزيانة راه عندي كليان جداد و مبغيتش نتحاشم معاهم، و متنساش ديك الموبرة الكحلة

اشرف:هاني رجعت ثاني ههه

انا:مرحبا راني تافقت مع السيدة على كلشي و قالتلي باللي انت غادي تديني تا الدار 

اشرف:اييه وقتما حتاجتيني انا نديك تالعندها، ها نمرتي قيديها و غير تبغي تعبري الصالونات و عيطي ليا....

قصة اغتصبواحياتي

الجزء 10

فصل الربيع🌷🌷🌷🌷🌷

فالهاتف📞📞📞

اشرف:الو شكون معايا 

انا:هادي انا السي اشرف، تليوم الجمعة عرفتك مخدامش و قلت زعما تمشي معايا عند دبك السيدة

اشرف:لكل فرح واش تاصلتي بيها ؟

انا:اه متسناني الا مكنتيس مسالي ماشي مشكل

اشرف:لا لا انا غادي نجي عندك بالطونوبيل غير تسنايني

قطعت الاتصال ، و من بعد دقائق جا لقاني خدامة و يارحة عيا ميعيط ليا و والو طالقة موسيقى هادئة بالبيانو و العود ، و عيوني كيبرقو و كيخبيو دموع و اتات من وراهم، فقت من القلبة حيت اسرف بدا كيصفق،ركبت فطونوبيلتو لاول مرة كنشوفها

انا:سمحلي نسولك و مكيرهاش مني قلة الصواب 

اشرف:سولي شاف فيا و بابتسامة سحراتني بادلتو ابتسامة اخرىد واخا الجلدة سمرا لكن قلبو بيض و مقبول نوعا ما و سجرو خاص، سرحت فعينيه للحضة و نسيت كل ما داز على وفاء، عينيا غعينيه و مسيما اننا على الطريق السيار حس براسو زاد بيه و تبع مع الطريق و فجل المرة كيخطف نضرة، و انا عقلي حاير و معرفاش اشنو و كيفاش تاحسيت هادشي لاول مرة احساس غريب و اعجاب و ابتسامة لا تفارق شفاهي،وصلنا لدار السيدة 

اشرف:مزال كنتسنا سؤالك 

وفاء:هه اه غير نخرجو و نسولك 

اشرف:انتي سوليني و انا نطلبك ؟

وفاء:ايه مرحبا، الا كان فللاستطاعة دار ابتسامة ماكرة و دخلنا، كملت شغلي و فكل مرة كنلمح اشرف كيتملقني بنضرات جميلة و بريئة، زعمنا على بعضنا من اول لحضة، جيت نهز المقياس و تكهرب صبعي مع صبعو و تلامسو يدينا ، و فلحضة حيدت يدي بنربة حيت جات السيدة، عطاتني الفلوس و ودعتها، خرجنا و مهدرناشد وصلني للدار و تاواحد فينا مقدر يهدر مع الآخر...

صباح جديد يرتوي باشعة باردة معطرة بريحان الحقول

و قلوب تشتهي ألفة القلب المكنون

وروح تتهادى امام النفس المشحون

في صباح من ايام الربيع المبهجة🌼🌼🌼🌼

صباح الخير ماما كيف صبحتي اليوم ممم ريحة القهوة كتشهي 

ماما:ايوا ابنتي طيبتها كيف كتبغيها، تخدرت على يدين ماما و قبلتهمد درفات 2 دمعات و حضناتني، ماما هي الوحيدة اللي كنشعر فقربها بالطمانينة و باللي الخير و لابد ميكون مخبي فشي مكان،خرجت لخدمتي، هاك النهار كنت ناشطة و فرحانة و لكن عدوين السعادة موجوديند مغاديش تكمل فرحتي😢😢 #يتبع

• غرّد
• شارك
• شارك
• شارك
• شارك