قصة سامية الجزء 02 و الأخير
تتمة
jjlnكيبكي حتى شفت البوكوض كيبكي وكيكول ليا سمحيليا ولمرا لي ضرباتني عيطات على الإسعاف وبدا كيغوت عليها كيكوليها اش داك لشي صوكان ندمها لمهم حدي وليت كنهضر شويا مني طلعوني لإسعاف كتلو سير بحالك راه الدار غيشوفوك كالي والله منتحرك شويا جاوالدار هضر معاهم بالاداب كانو كيصحابهوم هو لي ضربني شويا دخلات لمرا عرفو بلي هي لي ضرباتني حيت بدات كطلب الإعتذار وجا خويا وانا كنترعد كاليه شكون نتا كاليه انا كنت غادي و مني بانت لي البنت طايحة عاونت السيدة باش نجيبوها المستشفى وشكروه لمهم سلك راسوا مع دارنا انا داتني عيني ومني فقت لقيت خويا والبوكوص كالسين كيهضروا و يضحكوا مفهمت والو وناض عندي خويا كالي نبيل خدام فالشرطة العلمية مع الدرك الملكي هو لي عاون السيدة وجابك لسبيطار كتلو شكرا واخيرا عرفت سميتو من عند خويا لمكتاب سبحان الله تصاحب هو وخويا بحكم الخدمة ديالهم متشابهة جا عندي نبيل وكالي مايكون عندك باس وسلم على مالين دار ومشى وبقا خويا وديع كيكول لبابا نبيل ولد ليعمرها دار دغيا دغيا دخل ليهم لقلبهوم انا مفهمت والوا مشا كلشي و باتت معايا ماما او نعسنا وصبح الحال جا عندي خويا شافني وجابلي معاه الشكلاط حيت عزيز عليا ومن بعد مشا لخدمتوا ماما رجعات لدار تجيبلي حوايجي وهو يدخل نبيل سلم عليا وانا منفخا عليه كتليه اشداك تهضر مع خويا و مالين الدار واش باغي تخرج عليا ولا كتحاول ترجع الصرف ديال تمييقة كتليه دابا لاش كتجي عندي هنا شنو باغي كالي عجبتيني من اول نهار وبغيتك لحلال بحالا طرشني كتليه بلا طنيز اولد الناس سير لايسهل عليك انا ماشي ديال لمزاح ولا حمر مرضاش و كالي سمحيليا وخرج وانا تبدلت بمرة حسيت بلي كنت قاصية معاه لكن انا هاكا تربيت منقدرش نخلف التقة ديال واليديا لمهم دازت يومين ماجاش وماما سولات عليه خويا كاليها راه خدام ياله هضرنا فالتيليفون انا كنهضر بيني و بين راسي اويلي وصلوا هادوا تال الهضرة فتيليفون لمهم راسي درني اش بيناتهم ومبقاش جا عندي ولى اكن لي فعقلي بقوة مكنفكر فيه لغد ليه فالعشية دخل نبيل وجايب لحليب ولعصير ودانون كاتلو ماما علاش عدبتي راسك اولدي مني دخل مهز عينو فيا وجاه اتصال وكال لماما ميكون باس عند لبنت ومشا تقجيت فديك اللحظة مني مهزش عينو فيا ومهضرش معايا حيت مزال مقلق صبح الحال والعشية غنخرج من سبيطار جا عندي مع 12 هكاك وجاب معاه واحد البواطة ديال الشكلاط وباسني فراسي كالي عارفك خايفة من واليديك داكشي لاش هضرتي معايا بديك الطريقة ديال الهضرة كان متفهم بزاف واخا فيه شوية د النفخة و بدايعاود لي على راسو انه عندوا 27 عام وساكن مع مو وعاطينو الخدمة الدار مسكنش فيها حيت كان مخلق وكيقلب على الحلال لمهم هو كيعاود ليا وانا كنعلف فالشكلاط كان بنين ههههه كتلو عندك الذوووق كالي عطيني نمرتك حيت غنخرج من السبيطار معندو كيغيدير يجي يشوفني لمهم بقا بناتنا الإتصال غي فتيليفون ولي كان عاجبني فيه هو التفهم ديالو معمروا كالي نخرجوا ولا شي حاجة ومكرهتش كون بقيت فسبيطار غي باش نشوفو صافي بريت ورجعت لقرايتي وهو كان عارف انني غندخل داك نهار ومني هضرنا فتيليفون مكاليش غيجي عندي صدمني مني شفتو واقف قدامي سلم عليا وكالي انا باغي نتزوج بيك واش نتي قابلة معرفت مانجاوبو كالي انا بغيت نتشاور معاك نتي لولا باش ماشي حتى نجي لداركم وترفضيني كالي مفهمتش علاش وليت كنبغيك بزاف ومتصورتش ان شي وحدة تقدر تأتر فيا بحالك وليتي كلشي بنسبة ليا انا تزنكت حيت معمر طاحت عليا الفكرة ديال انني نتزوج بشي واحد من الشرطة العلمية وزوين وكيبغيني وبدا كيهضر وانا راسي مرفوع كنخمم غي كيفاش غنكولها لدارنا كالي من دابا 4ايام غنجي وكالي يالاه بسلامة باش منعطلكش وانا فطريقي لدار كنفكر كيفاش غنكولها لماما وصلت عادي وخا فرحانة هههه داز داك النهار عادي مكليت والو لغد ليه صبح الحال مكنتش قارية جمعت الدار وساليت كلست كنتفرج وصلات ديك 6 د لعشية جا خويا من لخدمة وعارفني كنموت على الزريعة و الشكلاط جابهم لي ونضت صايبت ليه كاسكروط وبا كيضحك معايا حيت مضاسرا انا وياه سالا وجمعت طابلة وكلست كنقب فزريعة وهو كالس حدايا وهو يكول ليا نبيل كيجاك اويلي بحالا طرشني كتليه بكل تيقة كيغايجيني عادي درت راسي مكنعرفوش كالي ميمكنش وانا عارفك كاع صحابي كتعلقي عليهم هذا زوين هذا خايب مالكي ياك لباس كتلو لا والو حسيت بيه بحالا عارف شي حاجة ومبغاش يكول ليا كلت مع راسي ناري داك صكع منعرف شكاليه حيت انا مع خويا مكنخبيو والو على بعضياتنا حيت كون كان عارف شي حاجة كان غايدخل من لباب كيجعجع كالي راه هضر معايا عليك لمهم من هضرتو باغي غي يعصبني كتليه بلغوات شكاليك طلق خلاص كالي بردي وبدا يضحك عصبني بهضرتو كالي انه بغا يتزوج بيك عاد بردت كتلو إيوا كولها من صباح فقصتيني كالي واش موافقة كلت لو نتا شبان ليك كالي انا كيجيني ليعمرها دار وسولت عليه لقيتو ولد الناس كتلو صافي كالي ياك لمك باغا تزوجي وانا شكون يونسني ويصايب ليا مناكل هههههه كتلو سير تزوج تانتا شكون حابسك مهم بقينا كنضاربو بالوسايد جات ماما مفهمات والو عاود ليها كلشي و ماما فرحات بغاو نبيل بزاف عجبني لحال حيت ملقيت حتى مشكل فاقناعهم انني باغاه وصل ليل وعيط ليا نبيل كالي مكنتش باغيك نتي لي تكوليها لداركم هضرت مع خوك وديع باش منحطكش فشي موقف مع داركم كتلو صافي شكرا داز داك النهار وجا نبيل ومو وباه يخطبو وجابو معاهم لورد ولحلوى ودخلو بصلاوسلام وانا كنت فرحانة حيت غنتزوج باول واحد لي دخل قلبي وملكو من اول نهار لمهم لبست قفطاني وطلقت شعري ودرت مكياج خفيف ومني عيطو ليا نزلت وغنطير بلفرحة وخا هكاك تبت وتقاليت وسلمت على مو وباه وهو كان لابس واحد لكوستيم رمادي وداير لحية خفيفة راجل لي كنت كانحلم بيه جابو ليا الله وافقو دارنا على زواجنا وكاليهوم نديرو لعرس فاقرب وقت كاليهم مبغيتش فترة لخطوبة طول انا كنت موافقة فعلا دازت سيمانة وجابو لهدية ودرنا لعقد وتافقنا في ظرف شهر نديرو لعرس ونسكنو فدار لي عاطينو لخدمة وجاتني مزيانة قريبة ليا لقرايتي وعاد عرفتو علاش باغي كلشي بالزربة باش نسكن معاه فدار لي قريبة لفاك باش مانبقاش نمشي فطاكسييات هههههه ولحاجة لي كاتعصبني فيه هي لغيرة ديالو زايدة بلا قياس داز شهر ودرنا لعرس وانا حاليا ساكنا معاه عايشين بخير لحمدلله ”النهاية”
0 commentaires: