قصة سامية الجزء 01
قصتي بدات مني ركبت فطاكسي ليوم بغيت نعاود ليكم قصتي ، أنا سامية عندي 20 عام كانقرى فلفاك عائلتي عائلة محافضة عندي خويا كبير مني عندو 26 عام بناتنا واحد الإحترام كبير بزاف بحكم أنه خدام في الأمن وانني مكنقدر لا نخرج لاوالو من غير لفاك لي كنمشي ليها و أنا أصلا مهدنة وعارفا خويا صعيب إلى مشا حتى شافني مع شي حد غيقتلني كنبعد من اي حاجة تقدر تجبد ليا صداع ديما بوحدي كنحس براسي معقدة واحد النهار كنت غادا لقرايتي كيف ديما ركبت فطاكسي حيت بعيدة كيعجبني نركب من جيهت سرجم باش نتمنظر ايوا بقيت كنشوف فطريق وطوموبيلات دايزين وقفو فصطوب وحدى طاكسي وقفات واحد طوموبيل زوينة هزيت عيني باش نبركك شكون لي صايك وهو يبان لي واحد غزال وتاهو شافني كنت كنشوف فيه وانا نميقو زعما راه واخا شفت فيك معجبتنيش ودورت راسي وطاكسي كيزرب وحتى داك لي ميقت بدا كيزرب فصارحة خفت لايوقف يكولي مالكي ويغوت عليا لمهم وصلت على خير ومشيت بزربة كلت الله متبعنيش دازت يومين وكنت قارية مني خرجنا بقيت غاديا مع لبنات لمحطة ديال طاكسيات شوية شي حد حط عليا يدو فكتفي صحابني شي بنت حيت انا مكنهدرش معا الدراري مني درت لقيت داك زوين لي ميقت داك النهار ايوا كالي سلام واش عرفتيني منكدبش عليكم انا صورتو بقات فبالي وتصدمت حيت كلت انني مغنعاودش نشوفوا كالي مالك مكتهدريش كتلو سمحلي مكنعرفكش وبقا كايكولي غي تفكري كتلو ومن بعد ياكما باغي تا نتا تميقني ولا منعرف تلفات عليالهضرة مع السيد لابس جاكيط غزالة وسروال تجين ودايرلحية خفيفة وطويل كيبان راجل كالي بغيت نتعرف عليك كتلولا سمحليا وانا راه باغا ولكن عارفا بحال داك الشكل غيبغي يتفلا وصافي ودايرا حساب لخويا مشيت وخليتوا مصدوم كملت طريقي و ركبت فطاكسي راسي كان مخربق ديك ساعة بهداك لمهم وصلت لدار مغيرة دازت 3 ايام وكنكول مع راسي باينا كيتفلى على لبنات داكشي علاش مني كلت لو لا معاودش رجع لمهم كنوهم راسي بالهضرة باش نسى و فصباح كالي خويا غيجي يديني كتلو واخا كيف العادة مشيت قريت و مني خرجنا بان ليا البوكوص كلت ناري قفارت خويا غيشوفو الى لقاه كيهدر معايا ايقتلنا بزوج شافني وهوا يجي عندي وانا كنكوليه سير را خويا غيشوفك وانا ماقادا على صداع كالي مزيان انا باغي نيت نهضر معاه كلت اويلي هادا ناوي سبيطار جا عندي مع 12 هكاك وجاب معاه واحد البواطة ديال الشكلاط وباسني فراسي كالي عارفك خايفة من واليديك داكشي لاش هضرتي معايا بديك الطريقة ديال الهضرة كان متفهم بزاف واخا فيه شوية د النفخة و بدايعاود لي على راسو انه عندوا 27 عام وساكن مع مو وعاطينو الخدمة الدار مسكنش فيها حيت كان مخلق وكيقلب على الحلال لمهم هو كيعاود ليا وانا كنعلف فالشكلاط كان بنين ههههه كتلو عندك الذوووق كالي عطيني نمرتك حيت غنخرج من السبيطار معندو كيغيدير يجي يشوفني لمهم بقا بناتنا الإتصال غي فتيليفون ولي كان عاجبني فيه هو التفهم ديالو معمروا كالي نخرجوا ولا شي حاجة ومكرهتش كون بقيت فسبيطار غي باش نشوفو صافي بريت ورجعت لقرايتي وهو كان عارف انني غندخل داك نهار ومني هضرنا فتيليفون مكاليش غيجي عندي صدمني مني شفتو واقف قدامي سلم عليا وكالي انا باغي نتزوج بيك واش نتي قابلة معرفت مانجاوبو كالي انا بغيت نتشاور معاك نتي لولا
....يتبع
راه كيتفلاو فزواج
RépondreSupprimer