ايمان وكحل العطفة
اﻟﺠﺰﺀ 1 ﺃﻧﺎ ﺇﻳﻤﺎﻥ .. ﻋﻨﺪﻱ 23 ﻋﺎﻡ .. ﻛﻨﻘﺮﻯ ﻓﺎﻟﺠﺎﻣﻌﺔ ﻭﻗﺮﺑﺖ ﻧﺘﺨﺮﺝ .. ﻋﻨﺪﻱ ﺻﺤﺒﺎﺗﻲ ﺑﺰﺍﻑ .. ﻭ ﻋﻼﻗﺘﻲ ﺑﻴﻬﻢ ﻣﺰﻳﺎﻧﺔ .. ﻭ ﻟﻜﻦ ﺑﻌﺪ ﺍﻟﻤﺮﺍﺕ ﻛﻨﺒﻐﻲ ﻧﺒﻘﻰ ﺑﺤﺪﻱ .. ﻛﻨﻬﺰ ﺍﻟﻄﻮﻧﻮﺑﻴﻞ ﻭﻧﻤﺸﻲ ﻭ ﻧﺪﻭﺭ .. ﻭ ﻧﻤﺸﻲ ﻧﺘﻔﺮﺝ ﻓﺄﻓﻼﻡ ﺑﻮﺣﺪﻱ.. ﻫﺎﺩﺷﻲ ﻣﻜﻌﻨﻴﺶ ﺃﻧﻲ ﺣﺰﻳﻨﺔ ﻭ ﻭﺣﻴﺪﺓ.. ﺑﻠﻌﻜﺲ ﻣﺮﺗﺎﺣﺔ ﻓﺤﻴﺎﺗﻲ ﺍﻟﺤﻤﺪ ﻟﻠﻪ .. ﻭﺍﺣﺪ ﺍﻟﻨﻬﺎﺭ ﻛﻴﻒ ﻋﺎﺩﺗﻲ ﺧﺮﺟﺖ ﻣﺸﻴﺖ ﺗﻔﺮﺟﺖ ﻓﻮﺍﺣﺪ ﺍﻟﻔﻴﻠﻢ ﻑ ﺳﻴﻨﻤﺎ ﻭ ﻣﺸﻴﺖ ﻟﻮﺍﺣﺪ ﺍﻟﻘﻬﻮﺓ ﺣﺪﺍ ﺍﻟﺒﺤﺮ .. ﺑﻘﻴﺖ ﺟﺎﻟﺴﺔ ﻭ ﻛﻨﺨﺮﺑﻖ ﻓﺘﻠﻔﻮﻥ ﺩﻳﺎﻟﻲ .. ﻋﻴﻄﺎﺕ ﻟﻴﺎ ﺻﺎﺣﺒﺘﻲ ﻭﻧﻀﺖ ﺧﺮﺟﺖ ﻣﻦ ﺍﻟﻘﻬﻮﺓ ﻏﻲ ﺑﺎﺵ ﻧﻬﺪﺭ ﻓﺎﻟﺘﻠﻔﻮﻥ ﻭ ﻧﺮﺟﻊ .. ﻣﻨﻴﻦ ﺭﺟﻌﺖ ﻟﻘﻴﺖ ﻭﺍﺣﺪ ﺍﻟﻮﺍﺣﺪ ﻏﺎﺩﻱ ﻳﺠﻠﺲ ﻓﺒﻼﺻﺘﻲ .. ﻣﺮﺩﺵ ﺍﻟﺒﺎﻝ ﻟﻠﺼﺎﻙ ﻟﻲ ﺣﺎﻃﺔ ﻓﺎﻟﻜﺮﺳﻲ ﻻﺧﺮ .. ﻗﺴﺘﻮ ﻓﻀﻬﺮﻭ .. ﻗﺘﻠﻮ ﺳﻤﺢ ﻟﻲ ﺭﺍﻩ ﺑﻼﺻﺘﻲ ﻫﺎﺩﻱ .. ﺩﺍﺭ ﻋﻨﺪﻱ .. ﻗﺎﻟﻲ ﺁﻩ ﺳﻤﺤﻴﻠﻲ .. ﻭﺑﻘﺎ ﻛﻴﺸﻮﻑ ﻓﻴﺎ .. ﺗﺒﺴﻤﺖ ﻓﻮﺟﻬﻮ ﻭ ﺟﻠﺴﺖ .. ﻭ ﻫﻮ ﻣﺸﻰ ﻟﻠﺒﻼﺻﺔ ﺃﺧﺮﻯ .. ﻭ ﺑﺤﺎﻟﺔ ﺗﻘﺎﺑﻞ ﻣﻌﺎﻳﺎ .. ﻛﻴﺸﻮﻑ ﻓﻴﺎ ﺑﻨﺺ ﻋﻴﻦ ﻭ ﺃﻧﺎ ﺩﺭﺕ ﻧﻈﺎﺿﺮﻱ ﻭ ﺣﻄﻴﺖ ﺭﺍﺳﻲ .. ﻣﻨﻴﻦ ﺟﻠﺲ ﻭﻫﻮ ﻛﻴﻬﺪﺭ ﻓﺎﻟﺘﻠﻔﻮﻥ .. ﻛﺎﻥ ﻓﺎﻟﻮﻝ ﻛﻴﻬﺪﺭ ﻏﻲ ﻋﻠﻰ ﺍﻟﺨﺪﻣﺔ ﻳﻤﻜﻦ .. ﺷﻮﻳﺔ ﻗﻠﺒﻬﺎ ﺃﻟﻮ ﻏﺰﻻﻥ .. ﺃﻟﻮ ﻣﻨﺎﻝ .. ﺃﻟﻮ ﺳﺎﺭﺓ .. ﺃﻟﻮ ﺷﻴﺮﻱ .. ﺃﻟﻮ ma belle .. ﺻﺎﻓﻲ ﻓﻬﻤﺖ ﻫﻮ ﺃﺷﻤﻦ ﻧﻮﻉ .. ﺑﻼﺗﻲ ﺑﻌﺪﺍ ﻧﻮﺻﻔﻮ ﻟﻴﻜﻢ ﺑﺎﺵ ﺗﻌﺮﻓﻮ ﺑﻌﺪﺍ ﻋﻼﻣﻦ ﻛﻨﻬﺪﺭ .. ﻋﻨﺪﺍﻛﻢ ﺗﺪﻭﺧﻮ.... ﻳﺘﺒﻊ
ﻗﺼﺔ #ﺇﻳﻤﺎﻥ_ﻭﻛﺤﻞ_ﺍﻟﻌﻒﻃﺔ ﺍﻟﺠﺰﺀ 2 ﻭﺍﺧﺎ ﻣﺸﻔﺘﺶ ﻓﻴﻪ ﻣﺰﻳﺎﻥ .. ﻭﻟﻜﻦ ﺑﺎﻥ ﻟﻴﺎ ﻣﻦ ﺍﻟﻨﻮﻉ ﻟﻲ ﻋﺎﻃﻲ ﻟﻌﻴﻦ .. ﺑﺎﻗﻲ ﺷﺎﺏ .. ﺍﻟﻄﻮﻟﺔ ﻭﺍﻟﺘﺠﺮﻳﺪﺓ .. ﻭﻻﺑﺲ ﻣﺰﻳﺎﻥ .. ﺑﻴﺾ ﻭ ﺩﺍﻳﺮ ﺷﻮﻳﺔ ﺩﻳﺎﻝ ﺍﻟﻠﺤﻴﺔ ﻏﻲ ﺯﻭﺍﻕ .. ﺣﺮﻭﻓﻮ ﺷﻬﺒﻴﻦ ﺷﻮﻳﺔ .. ﻣﻬﻴﻢ ﻣﻨﻴﻦ ﺳﻤﻌﺘﻮ ﻛﻴﻬﺪﺭ ﻓﺎﻟﺘﻠﻔﻮﻥ ﻣﺤﻤﻠﺘﻮﺵ .. ﻭﺑﺎﻥ ﻟﻴﺎ ﺑﻴﻼ ﻫﻮ ﻣﻦ ﺍﻟﻨﻮﻉ ﻟﻲ ﻣﻜﻴﺨﻠﻲ ﺣﺘﻰ ﻭﺣﺪﺓ ﻭﻛﻞ ﻧﻬﺎﺭ ﺧﺎﺭﺝ ﻣﻊ ﻭﺣﺪﺓ .. ﻭ ﺣﺎﺍﺍﺍﺍﺍﺱ ﺑﺮﺍﺳﻮ ... ﻣﻬﻴﻢ ﻣﻌﻠﻴﻨﺎ ﺃﻧﺎ ﻣﺒﻘﻴﺘﺶ ﺗﺴﻮﻗﺖ ﻟﻴﻪ .. ﺻﺎﻓﻲ ﻧﻀﺖ ﺑﺤﺎﻟﻲ ... ﻭ ﺭﺟﻌﺖ ﺑﺤﺎﻟﻲ ﻟﻠﺪﺍﺭ .. ﻭ ﺑﺎﻟﻤﻨﺎﺳﺒﺔ .. ﺃﻧﺎ ﻛﻨﺴﻜﻦ ﻓﻤﺪﻳﻨﺔ .. ﻭ ﺍﻟﺠﺎﻣﻌﺔ ﻓﻤﺪﻳﻨﺔ .. ﻭ ﻓﻴﻦ ﻛﻨﻤﺸﻲ ﻧﺪﻭﺭ ﻭ ﻧﻤﺸﻲ ﺳﻴﻨﻤﺎ ﻣﺪﻳﻨﺔ ﺃﺧﺮﻯ .. ﻭ ﻛﻠﻬﻢ ﻗﺮﺍﺏ ﻟﺒﻌﻀﻬﻢ .. ﻣﻬﻴﻢ ﺩﺍﺯﺕ ﺟﻮﺝ ﺳﻴﻤﺎﻧﺎﺕ .. ﺧﺮﺟﺖ ﺃﻧﺎ ﻭ ﺻﺤﺒﺎﺗﻲ ﻣﺸﻴﻨﺎ ﻟﻠﺴﻴﻨﻤﺎ .. ﻭ ﻣﻦ ﺑﻌﺪ ﻣﺸﻴﻨﺎ ﻟﻨﻔﺲ ﺍﻟﻘﻬﻮﺓ .. ﺟﺎﻟﺴﻴﻦ ﻛﻨﻀﺤﻜﻮ .. ﺣﺘﻰ ﻛﺤﻞ ﺍﻟﻌﻔﻄﻰ ﺩﻳﺎﻝ ﻫﺎﺩﻳﻚ ﺍﻟﻤﺮﺓ ﺟﺎ ﺩﺍﺧﻞ ﻋﻮﺗﺎﻧﻲ .. ﻏﻲ ﺩﺧﻞ ﻻﺡ ﻋﻴﻨﻮ ﻓﻴﺎ ﺃﻧﺎ ﻗﻠﺒﺖ ﻭﺟﻬﻲ .. ﺻﺮﺍﺣﺔ ﻣﻌﺠﺒﻨﻴﺶ ﻭ ﻣﺤﻤﻠﺘﻮﺵ .. ﻭﻫﻮ ﻣﺤﻄﺶ ﻋﻴﻨﻮ ﻋﻠﻴﺎ .. ﻭ ﺃﻧﺎ ﻛﻨﺤﺼﻠﻮ ﻏﻲ ﺑﻨﺺ ﻋﻴﻦ .. ﺟﻴﻨﺎ ﻏﺎﺩﻳﻦ ﻧﺎﺽ ﺣﺘﻰ ﻫﻮ .. ﻭ ﺗﺼﺎﺩﻓﺖ ﺃﻧﺎ ﻭﻳﺎﻩ ﻓﺎﻟﺨﺮﺟﺔ ﺩﻳﺎﻝ ﺍﻟﻘﻬﻮﺓ .. ﻗﺎﻟﻲ ﺗﻔﻀﻠﻲ ﻧﺘﻲ ﺍﻟﻮﻟﺔ .. ﻗﺘﻠﻮ ﻻ ﻏﻲ ﺗﻔﻀﻞ .. ﻣﻌﺎﻭﺩﻫﺎﺵ ﻣﻌﺎﻳﺎ ﺧﺮﺝ ﺭﻛﺐ ﻓﻄﻮﻧﻮﺑﻴﻠﺘﻮ ﻭﺯﺍﺩ ﺯﺩﺕ ﻛﺮﻫﺘﻮ ﻛﺘﺮ ﻣﻨﻴﻦ ﺩﺍﺭ ﻫﺎﻛﺎﻙ ﻓﺒﺎﺏ ﺍﻟﻘﻬﻮﺓ .. ﺯﻋﻤﺎ ﻛﺎﻉ ﻫﺎﺩﺷﻲ ﻋﻴﺎﻗﺔ .. ﻣﻌﻠﻴﻨﺎ ﻣﺘﺴﻮﻗﺘﺶ ﻭﺯﺩﻧﺎ .. ﺩﺍﺯﺕ ﺷﻲ ﻳﻮﻣﺎﻳﻦ ﻭﺭﺟﻌﺖ ﺑﺎﺵ ﻧﺘﻔﺮﺝ ﻓﻮﺍﺣﺪ ﺍﻟﻔﻴﻠﻢ .. ﺣﻴﺖ ﺃﻧﺎ ﻣﻦ ﻋﺸﺎﻕ ﺍﻷﻓﻼﻡ .. ﻗﺒﻞ ﻣﻨﺪﻭﺯ ﺍﻟﺴﻴﻨﻤﺎ ﺩﺯﺕ ﻟﻬﺎﺩﻳﻚ ﺍﻟﻘﻬﻮﺓ ﺑﺎﺵ ﻧﺴﻮﻝ ﻋﻠﻰ ﻭﺍﺣﺪ ﺷﺎﺭﺟﻮﺭ ﻧﺴﻴﺘﻮ ﺗﻤﺎ .. ﻭ ﺃﻧﺎ ﺩﺍﺧﻠﺔ ﺑﺎﻥ ﻟﻴﺎ .. ﻫﺰ ﺭﺍﺳﻮ ﻭ ﺣﻄﻮ ﻭﻋﺎﻭﺩ ﻫﺰ ﺭﺍﺳﻮ ﺑﺎﺵ ﻳﺘﺄﻛﺪ .. ﺗﺼﺪﻡ .. ﺃﻧﺎ ﺟﺎﺗﻨﻲ ﺍﻟﻀﺤﻜﺔ ﻣﻦ ﻫﺪﻳﻚ ﺍﻟﻄﺮﻳﻘﺔ ﺑﺎﺵ ﺩﺍﺭﻫﺎ .. ﺣﻄﻴﺖ ﺭﺍﺳﻲ ﻭ ﺣﺒﺴﺖ ﺍﻟﻀﺤﻜﺔ .. ﻣﺸﻴﺖ ﺧﺪﻳﺖ ﺍﻟﺸﺎﺭﺟﻮﺭ .. ﻭﺧﺮﺟﺖ .. ﻏﻲ ﺧﺮﺟﺖ ﺭﻛﺒﺖ ﻓﺎﻟﻄﻮﻧﻮﺑﻴﻞ ﺑﺎﻥ ﻟﻴﺎ ﺣﺘﻰ ﻫﻮ ﺧﺮﺝ ﻣﺰﺭﻭﺏ ﻭ ﺭﻛﺐ ﻓﻄﻮﻧﻮﺑﻴﻠﺘﻮ .. ﻏﻲ ﺃﻧﺎ ﺯﺩﺕ ﺑﺎﻥ ﻟﻴﺎ ﺣﺘﻰ ﻫﻮ ﺯﺍﺩ ﻭﺭﺍﻳﺎ .. ﺷﻨﻮ ﺯﻋﻤﺎ ﻏﺎﺩﻱ ﻳﺘﺒﻌﻨﻲ ؟ ﺳﻴﺪ ﻭﺍﻟﻠﻪ ﺇﻳﻼ ﺗﺎﺑﻌﻨﻲ .. ﻭﻃﺮﻳﻖ ﻋﺎﻣﺮﺓ .. ﻭ ﺷﺤﺎﻝ ﻭﻫﻮ ﻏﺎﺩﻱ ﻭﺭﺍﻳﺎ .. ﺷﻮﻳﺔ ﻣﺒﻘﺎﺵ ﺑﺎﻥ ﻟﻴﺎ ﻭﺭﺍﻳﺎ .. ﻭﻗﻔﻨﺎ ﻑ ﺍﻟﺴﻄﻮﺏ .. ﺑﻘﻴﺖ ﻛﻨﺸﻮﻑ ﻓﺎﻟﻤﺮﺍﻳﺎﺕ ﻭﺍﻟﻮ ﻣﺒﺎﻧﺶ .. ﺃﻧﺎ ﻛﻠﻲ ﺩﺭﺕ ﻭﻛﻨﺤﻨﺰﺯ ﻭﺍﻟﻮ ﻣﺒﺎﻧﺶ .. ﺟﻴﺖ ﻧﺪﻭﺭ ﻭﺟﻬﻲ ﻋﻠﻰ ﻟﻴﺴﺮ ﺩﻳﺎﻟﻲ ﻣﻦ ﺍﻟﺸﺮﺟﻢ .. ﻭﻫﻮ ﻳﺒﺎﻧﻠﻲ ﻭﺍﻗﻒ ﺟﻨﺒﻲ ﻭﻛﻴﺸﻮﻑ ﻭﻛﻴﻀﺤﺎﻙ .. ﺯﻋﻤﺎ ﺭﺍﻩ ﻋﺎﻕ ﺑﻴﺎ ﺑﻴﻼ ﻛﻨﻘﻠﺐ ﻋﻠﻴﻪ .. ﺗﺰﻧﻜﺖ ﻭﻣﺤﻤﻠﺘﺶ ﺭﺍﺳﻲ ﺧﻨﺰﺭﺕ ﻓﻴﻪ ﻭﺩﻭﺭﺕ ﻭﺟﻬﻲ .. ﻭﻫﻮ ﻏﻲ ﺷﻌﻞ ﺍﻟﻀﻮ ﺍﻟﺨﻀﺮ .. ﻋﻔﻂ ﻋﻔﻄﺔ ﻭﺣﺪﺓ ﻭﺯﺍﺩ ﻧﻴﺎﺷﺎﻥ .. ﺑﺎﻟﺤﻖ ﺃﻧﺎ ﺩﺭﺕ .. ﻭﻗﻠﺖ ﺻﺎﻓﻲ ﺗﻬﻨﻴﺖ ﻣﻨﻮ .. ﻣﺸﻴﺖ ﺣﻄﻴﺖ ﺍﻟﻄﻮﻧﺒﻴﻞ .. ﻭﺩﺧﻠﺖ ﺍﻟﺴﻴﻨﻤﺎ .. ﻏﺎﺩﺍ ﻭ ﻛﻨﺪﻭﺭ ﺑﺠﻨﺎﺑﻲ .. ﺯﻋﻤﺔ ﻟﻴﻜﻮﻥ ﺗﺒﻌﻨﻲ .. ﻳﺦ ﻫﺎﺩﺍ ﻣﺎﻟﻮ ﺩﺍﺭ ﻓﻴﺎ ﻫﺎﺩ ﺍﻟﺤﺎﻟﺔ .. ﺻﺎﻓﻲ ﻣﺘﺴﻮﻗﺘﺶ .. ﻭﻣﺸﻴﺖ ﺩﺧﻠﺖ ﻟﻠﻘﺎﻋﺔ ﻟﻲ ﻓﻴﻬﺎ ﺍﻟﻔﻴﻠﻢ .... ﻳﺘﺒﻊ ﻗﺼﺔ #ﺇﻳﻤﺎﻥ_ﻭﻛﺤﻞ_ﺍﻟﻌﻒﻃﺔ
ﺍﻟﺠﺰﺀ 3 ﺩﺧﻠﺖ ﺟﻠﺴﺖ ... ﻛﻨﺘﺴﻨﻰ ﺍﻟﻔﻴﻠﻢ ﻳﺒﺪﻯ .. ﺻﻮﻧﺎ ﺍﻟﺘﻠﻔﻮﻥ ﺩﻳﺎﻟﻲ ﺧﺮﺟﺖ ﻛﻨﺠﺮﻱ ﺑﺎﺵ ﻧﺠﺎﻭﺏ .. ﻭﺃﻧﺎ ﺧﺎﺭﺟﺔ ﺑﺎﺵ ﻧﺠﺎﻭﺏ ﻭﻛﻨﺸﻮﻑ ﻓﺎﻟﺘﻠﻔﻮﻥ .. ﻳﺎﻟﻠﻪ ﺣﻠﻴﺖ ﺍﻟﺒﺎﺏ ﻭ ﺃﻧﺎ ﻧﺘﺴﺎﻃﺢ ﻣﻊ ﺷﻲ ﺣﺪ ﻭ ﻃﻴﺤﺖ ﻟﻴﻪ (ﺍﻟﻔﺸﺎﺭ) ﻟﻲ ﻛﺎﻥ ﻫﺎﺯ .. ﺑﺪﻳﺖ ﻛﻨﻘﻮﻝ ﺃﺍﺍﺍﺍﻭﻭﻭﻭﻩ ﺳﻤﺢ ﻟﻴﺎ ﻋﺎﻓﺎﻙ ﻭ ﻣﻊ ﺍﻟﻈﻼﻡ ﺷﻮﻳﺔ ﻫﺰﻳﺖ ﺭﺍﺳﻲ .. ﻭﺃﻧﺎ ﻧﻠﻘﺎﻩ ﻛﺤﻞ ﺍﻟﻌﻔﻄﺔ .. ﻗﺎﻟﻲ ﻻ ﻻ ﻣﺎﺷﻲ ﻣﺸﻜﻴﻞ . ﺃﻭﻳﻠﻲ ﻫﺎﺩﺍ ﻣﺎﻟﻮ ﻫﺎﺩ ﺍﻟﻨﻬﺎﺭ .. ﻋﻼﻳﺎﺵ ﻛﻴﻘﻠﺐ .. ﺧﻼﻧﻲ ﺣﺎﻟﻰ ﻓﻤﻲ ﻭﺩﺧﻞ .. ﺃﻧﺎ ﻫﺪﺭﺕ ﻓﺎﻟﺘﻠﻔﻮﻥ ﺩﺧﻠﺖ ﻭ ﺟﻠﺴﺖ .. ﻻ ﻻ ﻫﺎﺩﺍ ﻛﻴﻘﻠﺐ ﻋﻠﻰ ﺧﺰﻳﺖ .. ﻧﺎﺽ ﻭ ﺗﺤﻮﻝ ﻭ ﺟﻠﺲ ﻓﺎﻟﺼﻒ ﻟﻲ ﺃﻧﺎ ﺟﺎﻟﺴﺔ ﻓﻴﻪ .. ﺑﻴﻨﺎﺗﻨﺎ 6 ﺩﻳﺎﻝ ﺍﻟﻜﺮﺍﺳﺔ .... ﺍﻟﻔﻴﻠﻢ ﻛﺎﻣﻞ ﻭ ﺃﻧﺎ ﻛﻨﻔﻜﺮ ﻓﻬﺎﺩ ﺍﻟﺘﺨﺮﺑﻴﻖ .. ﻗﻠﺖ ﺇﻳﻼ ﺟﺎ ﻫﺪﺭ ﻣﻌﺎﻳﺎ ﻏﺎﺩﻱ ﻧﺪﻭﺭ ﻓﻴﻪ .. ﺳﺎﻻ ﺍﻟﻔﻴﻠﻢ .. ﻫﺰﻳﺖ ﺻﺎﻛﻲ ﺩﻏﻴﺎ ﻭﺧﺮﺟﺖ .. ﻭﺃﻧﺎ ﺧﺎﺭﺟﺔ .. ﺣﺘﻰ ﺣﺴﻴﺖ ﺑﺸﻲ ﺣﺪ ﺷﺪ ﻟﻴﺎ ﻓﻜﺘﻔﻲ .. ﻗﻠﺒﻲ ﺑﺪﺍ ﻛﻴﻀﺮﺏ .. ﺟﻴﺖ ﻧﺪﻭﺭ. ﺩﺭﺕ ﻭ ﺃﻧﺎ ﻧﻠﻘﺎﻫﺎ ﻭﺍﺣﺪ ﺍﻟﺒﻨﺖ ﺟﺎﺑﺖ ﻟﻴﺎ ﻭﺍﺣﺪ ﺍﻟﺸﺎﻝ ﻛﻨﺖ ﻣﻌﻠﻘﺎﻩ ﻓﺎﻟﺼﺎﻙ .. ﻣﻊ ﺍﻟﺰﺭﺑﺔ ﻃﺎﺡ ﻟﻴﺎ .. ﺻﺎﻓﻲ ﻋﺎﺩ ﺑﺮﺩﺕ .. ﻛﺎﻥ ﻛﻴﺴﺤﺎﺑﻠﻲ ﻫﻮ .. ﻟ ﺤﺖ ﻋﻴﻨﻲ ﻭﺭﺍﻳﺎ .. ﻭ ﺃﻧﺎ ﻧﻠﻘﺎﻩ ﺟﺎﻱ .. ﺣﻄﻴﺖ ﺭﺍﺳﻲ ﻭﺯﺩﺕ .. ﻛﻨﺰﺭﺏ ﻭﻧﻘﻮﻝ ﻣﺎﺯﺭﺑﺖ .. ﻭﺻﻠﺖ ﻟﺒﺎﺏ ﺍﻟﻄﻮﻧﻮﺑﻴﻞ .. ﻭ ﺑﺪﻳﺖ ﻋﺎﻭﺗﺎﻧﻲ ﺑﻼ ﻣﻨﺤﺲ ﻛﻨﻘﻠﺐ ﻋﻠﻴﻪ .. ﻛﻨﺖ ﻛﻨﻘﻠﺐ ﻏﻲ ﺑﻨﺺ ﻋﻴﻨﻲ ﺣﺘﻰ ﻭﻟﻴﺖ ﻛﻨﺪﻭﺭ ﺭﺍﺳﻲ ﻫﻨﺎ ﻭﺍﻟﻬﻴﻪ ﺑﺤﺎﻝ ﺍﻟﺤﻤﻘﺔ .. ﺣﺘﻰ ﺑﺎﻧﻠﻴﺎ ﻣﻦ ﺑﻌﻴﺪ ﺣﺎﻝ ﺑﺎﺏ ﻃﻮﻧﻮﺑﻴﻠﺘﻮ ﺃﻭ ﻭﺍﻗﻒ ﻭﻛﻴﺸﻮﻑ ﻓﻴﺎ ﻭﻛﻴﻀﺤﺎﺍﺍﺍﺍﺍﺍﺍﻙ .. ﻭﻳﻠﻴﻴﻴﻴﻲ ﻋﺎﻭﺗﺎﻧﻲ ﺩﺍﺭﻫﺎ ﺑﻴﺎ .. ﺻﺎﻓﻲ ﻓﻠﺒﺖ ﻭﺟﻬﻲ ﺩﻏﻴﺎ .. ﻭﻃﻠﻌﺖ ﻟﻄﻮﻧﻮﺑﻴﻞ .. ﻭﺯﺩﺕ ﻭﻫﺎﺩ ﺍﻟﻤﺮﺓ ﺣﻠﻔﺖ ﻣﻨﻘﻠﺐ ﻋﻠﻴﻪ .. ﺻﺎﻓﻲ ﻣﺸﻴﺖ ﻟﺪﺍﺭﻧﺎ .. ﺩﺍﺯﺕ ﺷﻲ ﺳﻴﻤﺎﻧﺔ .. ﺻﺎﺣﺒﺘﻲ ﻟﻲ ﺳﺎﻛﻨﺔ ﺩﻳﺠﺎ ﻓﻬﺎﺩﻳﻚ ﺍﻟﻤﺪﻳﻨﺔ ﻟﻲ ﻓﻴﻬﺎ ﺍﻟﻘﻬﻮﺓ .. ﻋﻴﻄﺎﺕ ﻟﻴﺎ ﻗﺎﺗﻠﻲ ﻧﺘﻼﻗﺎﻭ .. ﻭﻫﺎﺩ ﺍﻟﻤﺰﻏﻮﺑﺔ ﻣﺎ ﺑﺎﻧﺖ ﻟﻴﻬﺎ ﻏﻲ ﻫﺎﺩﻳﻚ ﺍﻟﻘﻬﻮﺓ .. ﻗﺘﻠﻴﻬﺎ ﻻ ﺷﻮﻓﻲ ﻏﻴﺮﻫﺎ .. ﻗﺎﺗﻠﻲ ﻻ ﻋﻔﺎﻙ ﻫﺎﺩﻳﻚ ﺯﻭﻳﻨﺔ ﻛﺘﻌﺠﺒﻨﻲ .. ﺻﺎﻓﻲ ﻗﺘﻠﻴﻬﺎ ﻭﺍﺧﺔ .. ﺇﻳﻼ ﻗﺘﻠﻴﻬﺎ ﻻ ﻏﺎﺩﻱ ﺗﺒﻘﻰ ﺗﻘﻠﻲ ﻋﻼﺵ ﻣﺎ ﻋﻼﺵ ﻭ ﺃﻧﺎ ﻣﻔﻴﺎ ﻟﻴﻴﻴﻲ ﻧﻌﺎﻭﺩ .. ﻣﻌﻠﻴﻨﺎ ﻣﺸﻴﺖ ﻭﺻﻠﺖ .. ﻋﻴﻄﺔ ﻟﻴﻬﺎ .. ﻗﺎﺗﻠﻲ ﻏﻲ ﺩﺧﻠﻲ ﺗﺴﻨﺎﻳﻨﻲ ﺃﻧﺎ ﺭﺑﻊ ﺳﺎﻋﺔ ﻧﻜﻮﻥ ﻋﻨﺪﻙ .. ﺇﻳﻮﺍ ﺟﻴﺖ ﺩﺍﺧﻠﺔ.ﻅ ﺟﻴﺖ ﺩﺍﺧﻠﺔ ﻭﻛﻨﺪﻭﺭ ﻓﺮﺍﺳﻲ ﺑﺤﺎﻝ ﺍﻟﺤﻨﺶ.. ﺻﻜﺎﻧﻴﺖ ﺍﻟﻘﻬﻮﺓ ﻛﺎﻣﻠﺔ .. ﺻﺎﻓﻲ ﻣﻜﺎﻳﻨﺶ .. ﻣﺸﻴﺖ ﺟﻠﺴﺖ .. ﺑﻘﻴﺖ ﻛﻨﺨﺮﺑﻖ ﻓﺘﻠﻴﻔﻮﻧﻲ .. ﺷﻮﻳﺔ ﻭ ﺃﻧﺎ ﻧﺴﻤﻊ .. ﺷﻲ ﺣﺪ ﻃﺎﻟﻖ ﻫﺪﺍﻙ ﺍﻟﻔﻴﺪﻳﻮ ﺩﻳﺎﻝ .. " ﺍﻩ ﻻ ﻛﻨﺖ ﺧﺪﺍﻡ ﻳﺎﻻﻩ ﻋﺎﺩ ﻛﻮﻧﺠﻴﺖ ﺇﻳﻬﻴﻴﻲ " ... ﻣﺤﺴﻴﺘﺶ ﺑﺮﺍﺳﻲ ﺣﺘﻰ ﻃﻠﻘﺖ ﻭﺍﺣﺪ ﺍﻟﻀﺤﻜﺔ ﻭ ﺑﺪﻳﺖ ﻛﻨﻜﺮﻛﺮ ﺑﺎﻟﻀﺤﻚ .. ﻫﺰﻳﺖ ﺭﺍﺳﻲ ﺑﺎﺵ ﻧﺸﻮﻑ ﺷﻜﻮﻥ ﻫﺎﺩﺍ ﻟﻲ ﻃﺎﻟﻘﻮ .. ﻫﻬﻪ ﻛﺤﻞ ﺍﻟﻌﻔﻄﺔ ﻋﺎﻭﺗﺎﻧﻲ .. ﻛﻴﺸﻮﻑ ﻓﻴﺎ ﻭ ﻛﻴﻔﺮﻧﺲ . ﺃﻧﺎ ﺟﻤﻌﺖ ﺍﻟﻀﺤﻜﺔ ﻭ ﺑﺪﻳﺖ ﻛﻨﺢ ﻧﺢ .. ﻭ ﺣﻄﻴﺖ ﺭﺍﺳﻲ .. ﺃﻭﻳﻠﻲ ﺁﺵ ﻫﺎﺩ ﺍﻟﺸﻮﻫﺔ .. ﻫﺎﺩﺍ ﻭﻗﺘﺎﺵ ﺟﺎ .. ﻣﻨﻴﻦ ﺩﺧﻠﺖ ﻣﺎﻛﺎﻧﺶ .. ﻳﻜﻤﺎ ﻛﺎﻥ ﻟﺪﺍﺧﻞ ﻭ ﻣﺸﻔﺘﻮﺵ ... ﻣﻬﻴﻢ ﻭﺃﻧﺎ ﻓﺎﻟﻮﻗﺖ ﻟﻲ ﻛﻨﺘﺴﻨﻰ ﻭﺟﻬﻲ ﻳﺮﺟﻪ ﻟﻴﻪ ﻟﻮﻧﻮ.. ﻭﻗﻔﺎﺕ ﺻﺎﺣﺒﺘﻲ .. ﻗﺘﻠﻴﻬﺎ ﻳﺎﻟﻠﻪ ﻧﺒﺪﻟﻮ ﺍﻟﻘﻬﻮﺓ .. ﻗﺎﺗﻠﻲ ﻋﻼﺵ .. ﻗﺘﻠﻴﻬﺎ ﻏﻲ ﻳﺎ ﻻﻩ ﻣﻦ ﺑﻌﺪ ﻭ ﻧﺸﺮﺡ ﻟﻴﻚ .. ﻭ ﺣﻨﺎ ﻳﺎﻻﻩ ﻏﺎﺩﻱ ﻧﻮﺿﻮ .. ﺑﺪﻳﻨﺎ ﻛﻨﺴﻤﻌﻮ ﺷﻲ ﻏﻮﺍﺕ ﻓﻲ ﺍﻟﻘﻬﻮﺓ ... ﻳﺘﺒﻊ ﻗﺼﺔ #ﺇﻳﻤﺎﻥ_ﻭﻛﺤﻞ_ﺍﻟﻌﻒﻃﺔ
ﺍﻟﺠﺰﺀ 4 ﺷﻲ ﺣﺪ ﻛﻴﺘﻐﺎﻭﺕ ﻓﺎﻟﻘﻬﻮﺓ ﺍﻟﺪﺍﺧﻞ .. ﻣﻊ ﺍﻟﺴﺮﺑﺎﻱ ﻋﻄﻞ ﻋﻠﻴﻪ ﺩﺍﻛﺸﻲ ﻟﻲ ﻃﻠﺐ .. ﺃﻧﺎ ﻭﺻﺎﺣﺒﺘﻲ ﺟﺎﻟﺴﻴﻦ ﻛﻨﺘﻔﺮﺟﻮ ... ﺟﺘﺎ ﺑﺎﻥ ﻟﻴﺎ ﻛﺤﻞ ﺍﻟﻌﻔﻄﺔ ﻧﺎﺽ ﻛﻴﺰﺭﺏ ﻣﺸﺎ ﻛﻴﻬﺪﺭ ﻣﻊ ﻫﺪﺍﻙ ﺍﻟﺴﻴﺪ .. ﻭ ﺃﻧﺎ ﻧﻘﻮﻝ ﻳﺦ ﻋﻠﻰ ﻟﺼﻘﺔ ﺷﻐﻠﻮ ﺣﺎﺷﻲ ﺭﺍﺳﻮ .. ﺻﺎﺣﺒﺘﻲ ﻗﺎﺗﻠﻲ ﻛﺘﻌﺮﻓﻴﻪ .. ﻗﺘﻠﻴﻬﺎ ﻻ .. ﻏﻲ ﻛﻴﺒﺎﻥ ﻟﻴﺎ ﺩﻳﻤﺎ ﻫﻨﺎ .. ﺷﻮﻳﺔ ﻛﻨﺴﻤﻊ ﺍﻟﺴﺮﺑﺎﻱ ﻛﻴﻘﻮﻝ ﻝ ﻛﺤﻞ ﺍﻟﻌﻔﻄﺔ .. ﻭﺍﻟﻠﻪ ﺍﻟﺸﺎﻑ ﺇﻳﻼ ﻫﺎﻧﻲ ﻛﻨﺘﺴﻨﺎ ﻏﻲ ﻳﻮﺟﺪﻭ ﻟﻴﻪ ﺩﺍﻛﺸﻲ ﻟﻲ ﺑﻐﺎ .. ﺃﻭﻳﻠﻲ ﻋﻠﻰ ﺍﻟﺸﺎﻑ .. ﺯﺩﺕ ﺣﻠﻴﺖ ﻭﺩﻧﻲ ﻣﺰﻳﺎﺍﺍﺍﺍﻥ .. ﻭﺃﻧﺎ ﻧﺴﻤﻊ ﻛﺤﻞ ﺍﻟﻌﻔﻄﺔ .. ﻛﻴﻘﻮﻝ ﻟﻠﺴﻴﺪ .. ﺳﻤﺢ ﻟﻴﻨﺎ ﺃﺳﻴﺪﻱ .. ﻭﻏﺎﺩﻱ ﻧﻌﻮﺿﻮﻙ .. ﻫﺎﺩ ﺷﻲ ﻟﻲ ﻃﻠﺒﺘﻲ ﺑﻼ ﻣﺘﺨﻠﺼﻮ ﻭ ﻛﻨﻌﺘﺎﺫﺭﻭ .. ﻗﺎﻟﻴﻪ ﻫﺪﺍﻙ ﺍﻟﺴﻴﺪ ﺃﻧﺎ ﺑﻐﻴﺖ ﻣﻮﻝ ﺍﻟﺸﻲ .. ﻛﺤﻞ ﺍﻟﻌﻔﻄﺔ .. ﻗﺎﻟﻮ ﺃﻧﺎ ﻫﻮ ﻣﻮﻝ ﺍﻟﺸﻲ .. ﻭ ﺃﻧﺎ ﻧﻘﻮﻝ ﻫﺎﺍﺍﺍﺍﺍﺍ ﺧﻴﺎﺭ .. ﺣﻜﻠﻮ ﺩﻳﻤﺎ ﻧﺎﺑﺖ ﻫﻨﺎ .. ﺻﺎﻓﻲ ﻧﻀﺖ ﺃﻧﺎ ﻭﺻﺎﺣﺒﺘﻲ ﻗﺒﻞ ﻣﻴﺸﻮﻓﻨﻲ .. ﺧﺮﺟﻨﺎ ﺑﺰﺭﺑﺔ .. ﺍﻟﻄﻮﻧﻮﺑﻴﻞ ﻛﻨﺖ ﺣﻄﺎﻫﺎ ﺑﻌﻴﺪ .. ﺣﺘﻰ ﺟﻴﺖ ﻧﻄﻠﻊ ﻟﻴﻬﺎ ﻭ ﺃﻧﺎ ﻧﺰﻝ ﻭﺑﻘﻴﺖ ﺣﺎﺿﻴﺔ ﺑﺎﺏ ﺍﻟﻘﻬﻮﺓ ﻣﻦ ﺑﻌﻴﺪ .. ﺻﺎﺣﺒﺘﻲ ﻃﻠﻌﺎﺕ ﻭ ﻛﺘﻘﻮﻟﻲ .. ﻭﺍﻳﺎﻻﻩ ﻣﺎﻟﻚ .. ﻗﺘﻠﻴﻬﺎ ﻏﻲ ﺻﺒﺮﻱ .. ﺑﻘﻴﺖ ﻭﺍﻗﻔﺔ ﺣﺎﺿﻴﺔ ﺑﺎﺏ ﺍﻟﻘﻬﻮﺓ .. ﻭﻛﻨﻔﺮﻧﺲ ﺗﻔﺮﻧﻴﺴﺔ ﺷﺮﻳﺮﺓ .. ﺑﻘﻴﺖ ﺣﺎﺿﻴﺔ ﺣﺎﺿﻴﺔ .. ﺣﺘﻰ ﺑﺎﻥ ﻟﻴﺎ ﻛﺤﻞ ﺍﻟﻌﻔﻄﺔ ﺧﺎﺭﺝ ﻭﻛﻴﻘﻠﺐ ﻭﻛﻴﻠﻮﺡ ﻋﻴﻨﻴﻪ ﻫﻨﺎ ﻭﻟﻬﻴﻪ .. ﺗﻠﻒ ﺩﻳﺎﺍﺍﺍﺍﻝ ﺑﺼﺢ .. ﺣﺘﻰ ﺷﺎﻓﻨﻲ ﻭﺑﺪﻳﺖ ﻛﻨﻀﺤﺎﺍﺍﺍﺍﺍﺍﺍﻙ ﻭ ﺭﻛﺒﺖ ﻓﺎﻟﻄﻮﻧﻮﺑﻴﻞ .. ﺑﻘﺎ ﻛﻴﻀﺤﺎﺍﺍﺍﺍﻙ .. ﻭﺩﺍﺭ ﻟﻲ ﺑﻴﺪﻳﻪ ﺯﻋﻤﺎ ﺑﺮﺍﻓﻮ .. ﻫﻬﻬﻪ ﺣﻴﺖ ﺭﺩﻳﺖ ﻟﻴﻪ ﺍﻟﺘﻘﻮﻟﻴﺒﺔ ﻟﻲ ﻛﺎﻥ ﻛﻴﻘﻮﻟﺒﻨﻲ ﻣﺸﻴﻨﺖ .. ﺑﺪﻟﻨﺎ ﺍﻟﻘﻬﻮﺓ .. ﻭﺷﺮﺣﺖ ﻟﺼﺎﺣﺒﺘﻲ ﻛﻠﺸﻲ .. ﺑﻘﺎﺕ ﻛﺘﻤﻮﺕ ﺑﺎﻟﻀﺤﻚ .. ﻭ ﺻﺎﻓﻲ ﻗﺮﺭﺕ ﺃﻧﻲ ﻣﻨﻌﺎﻭﺩﺵ ﻧﻌﺘﺐ ﺑﺎﺏ ﻫﺎﺩﻳﻚ ﺍﻟﻘﻬﻮﺓ .. ﻭﻗﺮﺭﺕ ﺑﺎﺵ ﻧﺤﻴﺪ ﻫﺎﺩﺷﻲ ﻣﻦ ﺑﺎﻟﻲ .. ﻭ ﺳﺘﻤﺮﻳﺖ ﻓﺤﻴﺎﺗﻲ ﻭ ﻧﺴﻴﺖ ﻫﺎﺩﺷﻲ .. ﻭﻟﻜﻦ ﻣﺒﻐﺎﺵ ﻳﺘﻨﺴﺎ ﻟﻴﺎ .. ﻓﻴﻨﻤﺎ ﻛﻨﺘﻔﻜﺮﻭ ﻛﻨﺒﺪﻯ ﻧﻀﺤﻚ .. ﺩﺍﺯﺕ ﺷﻬﺮﻳﻦ ﻋﻠﻰ ﺁﺧﺮ ﻣﺮﺓ ﺷﻔﺘﻮ ﻓﻴﻬﺎ .. ﻭﺍﺡ ﺍﻟﻨﻬﺎﺭ ﺧﺎﺭﺟﺔ ﻣﻦ ﺑﺎﺏ ﻻﻓﺎﻙ .. ﻭﻗﻒ ﻋﻠﻴﺎ ﻭﺍﺣﺪ ﺍﻟﻮﻟﺪ ﻭﻫﺎﺯ ﻣﺸﻤﻮﻡ ﺍﻟﻮﺭﺩ .. ﻗﺎﻟﻲ ﻧﺘﻲ ﺇﻳﻤﺎﻥ .. ﻗﺘﻠﻮ ﻭﻱ .. ﻗﺎﻟﻲ ﺗﻔﻀﻠﻲ .. ﺃﻭ ﻭﻗﻌﻲ ﻟﻲ ﻫﻨﺎ ﻋﻔﺎﻙ .. ﺃﻧﺎ ﺑﻘﻴﺖ ﻣﺼﺪﻭﻣﺔ .. ﻭﻗﻌﺖ .. ﻗﺘﻠﻮ ﻣﻦ ﻋﻨﺪﻣﻦ ﻫﺎﺩﺍ .. ﻗﺎﻟﻲ ﺃﻧﺎ ﺧﻲ ﻛﻨﻮﺻﻞ ﻣﻜﻨﻌﺮﻓﺶ ﻣﻦ ﻋﻨﺪﻣﻦ .. ﻗﺘﻠﻮ ﻭﺑﺎﺵ ﻋﺮﻓﺘﻴﻨﻲ ﺑﻴﻼ ﺃﻧﺎ ﻫﻲ ﺇﻳﻤﺎﻥ .. ﺑﻘﻰ ﻛﻴﻔﺮﻧﺲ ﻭﺯﺍﺩ ﻭﻣﺠﺎﻭﺑﻨﻴﺶ .. ﺃﻭ ﻫﺎﺩﺍ ﻋﻄﺎﻭﻫﻢ ﺣﺘﻰ ﺗﺼﻮﻳﺮﺗﻲ .. ﻛﻠﺸﻲ ﺑﻘﺎ ﺣﺎﺿﻴﻨﻲ .. ﻫﺎ ﻟﻲ ﻛﻴﺼﻔﻖ .. ﻫﺎ ﻟﻲ ﻛﻴﻘﻮﻟﻲ ﺳﻌﺪﺍﺗﻚ ﺣﺴﺪﻧﺎﻙ .. ﻫﺎﻟﻲ ﺑﻐﺎ ﻧﻌﻄﻴﻬﻢ ﻣﻨﻮ ﻭﺭﺩﺓ .. ﻳﺦ ﻣﺨﻼﻭﻧﻲ ﻛﺎﻉ ﻧﻔﺮﺡ ﺑﻴﻪ ﻋﻠﻰ ﺧﺎﻃﺮﻱ .. ﺑﻘﻴﺖ ﻛﻨﻘﻠﺐ ﻭ ﺃﻧﺎ ﻧﻠﻘﻰ ﻭﺭﻗﺔ ﻣﻜﺘﻮﺏ ﻓﻴﻬﺎ ﺗﻮﺣﺸﺘﻚ .. ﺃﻭﻝ ﺣﺎﺟﺔ ﻃﺎﺣﺖ ﻟﻲ ﻓﺒﺎﻟﻲ ﻫﻮ ﻛﺤﻞ ﺍﻟﻌﻔﻄﺔ .. ﺗﻤﺎ ﻓﻴﻦ ﺑﺪﻳﺖ ﻛﻨﺪﻭﺭ ﺭﺍﺳﻲ ﻭﻛﻨﻘﻠﺐ ﻋﻠﻴﻪ .. ﻭﻛﻨﺘﺴﻨﻰ ﻛﻴﻒ ﺩﻳﻤﺎ ﻳﺪﻳﺮﻫﺎ ﺑﻴﺎ ﻭ ﻳﺒﺎﻥ ﻟﻲ ﻛﻴﻀﺤﻚ .. ﻭﻟﻜﻦ ﻫﺎﺩ ﺍﻟﻤﺮﺓ ﻣﺒﺎﻧﺶ .. ﺑﻘﺎ ﻓﻴﺎ ﺍﻟﺤﺎﺍﺍﺍﺍﺍﺍﺍﺍﻝ ﺑﺰﺍﻑ .. ﻭ ﺑﺪﻳﺖ ﻛﻨﻘﻮﻝ ﻭﺍﺵ ﻫﻮ ﻭﻻ ﻻ .. ﻭ ﺇﻳﻼ ﻛﺎﻥ ﻫﻮ ﻛﻴﻔﺎﺵ ﻋﺮﻓﻨﻲ ﻛﻨﻘﺮﻯ ﻫﻨﺎ .. 100 ﺳﺆﺍﻝ ﻃﺎﺡ ﻟﻴﺎ ﻑ ﺑﺎﻟﻲ ... ﻳﺘﺒﻊ ﻗﺼﺔ #ﺇﻳﻤﺎﻥ_ﻭﻛﺤﻞ_ﺍﻟﻌﻒﻃﺔ
ﺍﻟﺠﺰﺀ 5 ﻣﺸﻴﺖ ﻟﻠﺪﺍﺭ ﻫﺪﻳﻚ ﺍﻟﻠﻴﻠﺔ ﻣﻨﻌﺴﺘﺶ .. ﺑﻘﻴﺖ ﻟﻴﻞ ﻛﺎﻣﻞ ﻛﻨﻔﻜﺮ .. ﻛﻴﻔﺎﺵ ﻭ ﺷﻜﻮﻥ .. ﺃﻭ ﻭﺍﺵ ﻫﻮﺍ ﻛﺤﻞ ﺍﻟﻌﻔﻄﺔ ﻭﻻ ﻏﻲ ﺟﺎﺏ ﻟﻴﺎ ﺍﻟﻠﻪ .. ﻧﻤﺸﻲ ﻧﺴﻮﻟﻮ .. ﻻ ﻻ ﺑﺎﺳﻠﺔ ﻫﺎﺩ ﺍﻟﻘﻀﻴﺔ .. ﺻﺎﻓﻲ ﻗﻠﺖ ﺣﺘﻰ ﻳﺒﺎﻥ ﻋﻠﻰ ﺧﺎﻃﺮﻭ .. ﻣﺸﻴﺖ ﻋﻠﻰ ﻏﺪ ﻟﻴﻪ ﻻ ﻓﺎﻙ .. ﺩﺧﻠﺖ ﻟﻠﻤﺪﺭﺝ ﺃﻧﺎ ﻟﻮﻟﺔ .. ﺑﺎﺵ ﻧﻘﺎﺩ ﺷﻲ ﺃﻣﻮﺭ ﺣﻴﺖ ﻛﺎﻥ ﻋﻨﺪﻱ ﻭﺍﺣﺪ ﺍﻟﻌﺮﺽ .. ﻭ ﺃﻧﺎ ﻧﻠﻘﻰ ﻓﺎﻟﺴﺒﻮﺭﺓ ﻣﻜﺘﻮﺏ .. ﺇﻳﻤﺎﻥ ﻛﻨﺒﻐﻴﻚ .. ﺑﺪﻳﺖ ﻛﻨﻤﺴﺤﻬﺎ ﺩﻏﻴﺎ .. ﺍﻟﺪﻧﻴﺎ ﺩﺍﺭﺕ ﺑﻴﺎ.. ﺷﻜﻮﻥ ﻫﺎﺩﺍ ﺷﻜﻮﻥ .. ﻭﺍﺵ ﻛﺤﻞ ﺍﻟﻌﻔﻄﺔ .. ﺯﻋﻤﺎ ﻛﺎﻉ ﻫﺎﺩﻳﻚ ﺍﻟﻌﻴﺎﻗﺔ ﻛﻠﻬﺎ .. ﻭﻓﻴﻪ ﻫﺎﺩ ﺍﻟﺮﻭﻣﺎﻧﺴﻴﺔ .. ﻣﻨﻈﻨﺶ .. ﺻﺎﻓﻲ ﺣﺎﻭﻟﺖ ﻧﺴﺎ .. ﻓﻨﻔﺲ ﻫﺪﺍﻙ ﺍﻟﺸﻬﺮ .. ﻛﺎﻥ ﻋﻴﺪ ﻣﻴﻼﺩﻱ .. ﻭﺩﺭﺕ ﺣﻔﻠﺔ ﺻﻐﻴﺮﺓ ﻓﺎﻟﺪﺍﺭ .. ﻋﺮﺿﺖ ﻓﻴﻬﺎ ﻋﻠﻰ ﺻﺤﺒﺎﺗﻲ .. ﻭﺣﻨﺎ ﻛﻨﺤﺘﺎﻓﻠﻮ .. ﻋﻴﻄﺖ ﻟﻴﺎ ﻣﺎﻣﺎ .. ﺇﻳﻤﺎﻥ ﺃﺟﻲ ﺃﺑﻨﺘﻲ ﺭﺍﻩ ﻭﺍﺣﺪ ﺍﻟﻔﺎﻛﺘﻮﺭ ﺑﻐﺎﻙ ﺍﻟﺘﺤﺖ .. ﻣﺸﻴﺖ ﻧﺰﻟﺖ ..ﺗﺼﺪﻣﺖ ... ﺁﺵ ﻫﺎﺩﺷﻲ ؟؟؟؟؟ﺁﺵ ﻫﺎﺩﺷﻲ ﺃﺳﻴﺪﻱ .. ﻧﺘﻲ ﻫﻲ ﺇﻳﻤﺎﻥ .. ﻭﻱ ﺃﻧﺎ ﻫﻲ .. ﺃﻭﻻ ﻛﻨﻘﻮﻟﻴﻚ ﻋﻴﺪ ﻣﻴﻼﺩ ﺳﻌﻴﺪ .. ﺛﺎﻧﻴﺎ ﻭﻗﻌﻲ ﻟﻴﺎ ﻫﻨﺎ .. ﻫﺎﺩﻱ ﺣﻠﻮﺓ ﻭﺍﺵ ﻣﻤﻜﻦ ﺗﺨﻠﻴﻬﻢ ﻳﻄﻠﻌﻮﻫﺎ .. ﻗﺘﻠﻴﻪ ﻭﺍﺧﺎ ﻭ ﺃﻧﺎ ﻣﺼﺪﻭﻣﺔ ﻭﺣﺎﻟﺔ ﻓﻤﻲ .. ﻭ ﻫﺎﺩ ﺍﻟﻜﺎﺩﻭ .. ﺇﻳﻼ ﺟﺎﻙ ﺗﻘﻴﻞ ﺃﻧﺎ ﻧﻄﻠﻌﻮ ﻟﻴﻚ .. ﻭﻫﺎﺩﺍ ﻣﺸﻤﻮﻡ ﺍﻟﻮﺭﺩ .. ﺑﻘﻴﺖ ﻏﻲ ﺣﺎﻟﺔ ﻓﻤﻲ .. ﻫﻬﻪ ﻭ ﺍﻟﻮﺍﻋﺮﺓ ﻛﻠﻬﻢ ﺩﻳﺮﻳﻦ ﺗﻴﺸﺮﺗﺎﺕ ﻣﻜﺘﻮﺏ ﻓﻴﻬﻢ ﻋﻴﺪ ﻣﻴﻼﺩ ﺳﻌﻴﺪ ﺇﻳﻤﺎﻥ .. ﻗﺘﻠﻴﻪ ﺃﺳﻴﺪﻱ ﺷﻜﻮﻥ ﻗﺎﻟﻴﻜﻢ ﺩﻳﺮﻭ ﻛﺎﻉ ﻫﺪﺷﻲ .. ﻭﻣﻨﻴﻦ ﺟﺒﺘﻮ ﻋﻨﻮﺍﻧﻲ .. ﻗﺎﻟﻴﺎ ﺳﻤﺤﻲ ﻟﻴﺎ .. ﺣﻨﺎ ﻏﻲ ﻛﻨﻮﺻﻠﻮ ﻣﻌﻨﺪﻧﺎ ﺣﺘﻰ ﺷﻲ ﻣﻌﻠﻮﻣﺎﺕ .. ﺻﺎﻓﻲ ﺣﻄﻮ ﺩﺍﻛﺸﻲ ﻭ ﻣﺸﺎﻭ .. ﺍﻟﺤﻤﺪ ﻟﻠﻪ ﻣﻜﺎﻧﺶ ﺑﺎﺑﺎ .. ﺃﻣﺎ ﻛﻮﻥ ﺩﺍﺭ ﻟﻴﺎ ﺍﺳﺘﻨﻄﺎﻕ ﺩﻳﺎﻝ ﻳﺎﻣﺎﺕ ﺍﻹﺳﺘﻌﻤﺎﺭ .. ﻣﺎﻣﺎ ﻳﺎﻟﻠﻪ ﺑﻐﺎﺕ ﺗﺒﺪﻯ ﺗﺴﻮﻟﻨﻲ ﻭ ﺃﻧﺎ ﻧﻘﻮﻟﻴﻬﺎ .. ﻣﺎﻣﺎ ﻗﺼﺔ ﻃﻮﻳﻠﺔ .. ﻳﺴﺎﻟﻲ ﻫﺎﺩﺷﻲ ﻭ ﻧﻌﺎﻭﺩ ﻟﻴﻚ ﻛﻠﺸﻲ .. ﺻﺤﺒﺎﺗﻲ ﻣﻔﻬﻤﻮ ﻭﺍﻟﻮ .. ﺍﻟﺤﻠﻮﺓ ﻗﺪﻫﺎ ﻗﺪﺍﺵ .. ﻓﻴﻦ ﺗﺒﺎﻥ ﻗﺪﺍﻡ ﻟﻲ ﺟﺒﺖ ﺃﻧﺎ .. ﺳﺎﻻﺕ ﺍﻟﺤﻔﻠﺔ .. ﻛﻠﺸﻲ ﻣﺸﺎ .. ﺟﻠﺴﺖ ﻛﻨﻌﺎﻭﺩ ﻟﻤﺎﻣﺎ .. ﻣﻔﻬﻤﺎﺕ ﻭﺍﻟﻮ .. ﻫﻬﻬﻬﻬﻪ ﻣﺴﻜﻴﻨﺔ ﺣﺪﻫﺎ ﻗﺎﺗﻠﻴﺎ .. ﺇﻳﻤﺎﻥ ﻫﺎﺩﺷﻲ ﻋﺠﻴﺐ ﻏﺮﻳﺐ .. ﻋﻨﺪﺍﻙ ﺃﺑﻨﺘﻲ ﺷﻲ ﻧﻬﺎﺭ ﻳﺴﺮﻗﻚ ﻫﺎﺩﺍ ﻟﻲ ﻛﻴﺪﻳﺮ ﻫﺎﺩﺷﻲ .. ﺑﻘﻴﺖ ﻛﻨﻀﺤﻚ ﻫﻬﻪ .. ﻗﺘﻠﻴﻬﺎ ﻣﺎﻣﺎ ﺁﺵ ﺟﺎﺏ ﺍﻟﻮﺭﺩ ﻟﻠﺴﺮﻗﺔ .. ﺩﺧﻠﺖ ﻟﺒﻴﺘﻲ .. ﻧﺸﻮﻓﻮ ﻫﺪﺍﻙ ﺍﻟﻜﺎﺩﻭ .. ﻟﻘﻴﺖ ﻓﻴﻪ ﻧﻮﻧﻮﺳﺎﺕ ﺑﺰﺍﻑ ﻭﻗﻠﻮﺑﺎ ﻣﻜﺘﻮﺏ ﻓﻴﻬﻢ ﺇﻳﻤﺎﻥ .. ﺃﺣﺴﻦ ﺭﻳﺤﺔ ﻛﻨﺒﻐﻲ .. ﻭﺍﺍﺍﺍﺍﻳﻠﻲ ﻫﺎﺩﺍ ﻛﻴﻔﺎﺵ ﻋﺮﻓﻬﺎ .. ﻭ ﺷﻮﻛﻮﻻ .. ﻭﺍﻳﻠﻲ ﻫﺎﺩﺍ ﺑﺎﺵ ﻋﺮﻓﻨﻲ ﻛﻨﺤﻤﺎﻕ ﻭ ﻛﻨﺘﺴﻄﻰ ﻋﻠﻰ ﺍﻟﺸﻮﻛﻮﻻ .. ﻻ ﻻ ﺑﺰﺍﻑ ﻫﺎﺩﺷﻲ .. ﺧﺼﻨﻲ ﻧﺘﺄﻛﺪ ﺷﻜﻮﻥ ﻫﺎﺩﺍ .. ﻭﻗﺮﺭﺕ ﺑﺎﺵ ﻧﻤﺸﻲ ﻋﻨﺪﻭ ﺍﻟﻘﻬﻮﺓ .. ﻋﻠﻰ ﻏﺪ ﻟﻴﻪ .. ﻧﻀﺖ ﻭ ﻣﺶ ... ﻳﺘﺒﻊ
0 commentaires: