ﺍﻟﺠﺰﺀ 6 نضﺖ ﻭﻣﺸﻴﺖ .. ﻭﻣﻊ ﺍﻟﻄﻮﻧﻮﺑﻴﻞ ﻛﺎﻧﺖ ﻣﻐﺒﺮﺓ .. ﻟﻘﻴﺖ ﻣﻜﺘﻮﺏ ﻓﻴﻬﺎ .. ﺇﻳﻤﺎﻥ ﻭﺍﻟﻠﻪ ﺣﺘﻰ ﺗﻮﺣﺸﺘﻚ .. ﻭﻗﻔﺖ ﻣﺴﺤﺖ ﺑﻌﺪﺍ ﻫﺪﻳﻚ ﺇﻳﻤﺎﻥ .. ﻣﻌﻠﻴﻨﺎ .. ﻣﺸﻴﺖ ﻟﻠﻘﻬﻮﺓ ﺩﺧﻠﺖ ﻭ ﺃﻧﺎ ﻣﺮﺗﺎﺍﺍﺍﺍﺍﺍﺑﻜﺔ .. ﻣﺒﺎﻧﺶ ﻟﻴﺎ ﻛﺤﻞ ﺍﻟﻌﻔﻄﺔ .. ﻣﺸﻴﺖ ﻋﻨﺪ ﺍﻟﺴﺮﺑﺎﻱ .. ﻗﺘﻠﻴﻪ ﺳﻼﻡ ﻋﻔﺎﻙ ﻛﺎﻳﻦ ﻛﺤﻞ ﺍﻟﻌﻔﻄﺔ .. ﻗﺎﻟﻴﺎ ﺷﻜﻮﻥ ؟؟ .. ﻭﻳﻠﻲ ﺁﺵ ﻗﻠﺖ .. ﻗﺘﻠﻮ ﺳﻤﺢ ﻟﻴﺎ ﺑﻐﻴﺖ ﻧﻘﻮﻟﻴﻚ ﺍﻟﺸﺎﻑ ﺩﻳﺎﻟﻜﻢ ﻛﺎﻳﻦ .. ﻗﺎﻟﻲ ﻻ ﺃﺧﺘﻲ ﺭﺍﻩ ﻣﺴﺎﻓﺮ ﻫﺎﺩﻱ ﺷﻲ ﺷﻬﺮ ﺧﺎﺭﺝ ﺍﻟﻤﻐﺮﺏ .. ﺻﺪﻣﻨﻴﻴﻴﻴﻴﻴﻴﻲ .. ﻗﺘﻠﻴﻪ ﻣﻌﺮﻓﺘﻴﺶ ﻭﻗﺘﺎﺵ ﻳﺮﺟﻊ .. ﻗﺎﻟﻲ ﻻ ﺃﺧﺘﻲ ﻣﻌﺮﻓﺘﺶ .. ﺭﺟﻌﻲ ﺍﻟﺴﻴﻤﺎﻧﺔ ﺍﻟﺠﺎﻳﺎ ﺳﻮﻟﻲ .. ﻭ ﺇﻳﻼ ﻛﺎﻥ ﻋﻨﺪﻙ ﺷﻲ ﻣﻴﺴﺎﺝ ﻗﻮﻟﻴﻪ ﻟﻴﻨﺎ ﻧﻮﺻﻠﻮﻩ ﻟﻴﻪ .. ﻗﺘﻠﻮ ﻻ ﺻﺎﻓﻲ ﺷﻜﺮﺍ.. ﺗﻘﻠﻘﺖ ﻭﺑﻘﺎ ﻓﻴﺎ ﺍﻟﺤﺎﺍﺍﺍﺍﻝ ﺑﺰﺍﻑ .. ﻭﺭﺟﻌﺖ ﻓﺤﺎﻟﻲ .. ﻭ ﻛﻨﻘﻮﻝ ﻭﺍﻗﻴﻠﺔ ﻣﻮﺣﺎﻝ ﻫﻮ .. ﻫﻮ ﺭﺍﻩ ﻣﺴﺎﻓﺮ .. ﻛﻴﻔﺎﺵ ﺯﻋﻤﺎ ﻛﻴﻮﺻﻲ ﻋﻠﻰ ﻫﺎﺩﺷﻲ ﻣﻦ ﺑﻌﻴﺪ.. ﻣﻮﺣﺎﺍﺍﺍﻝ .. ﺻﺎﻓﻲ ﺑﻘﻴﻦ ﻛﻨﺘﺴﻨﻰ ﺳﻴﻤﺎﺍﺍﺍﻧﺔ ﺑﺎﺵ ﻧﺮﺟﻊ ﻧﺴﻮﻝ .. ﻭﺩﺍﺯﺕ ﺳﻴﻤﺎﻧﺔ .. ﻭﻣﺸﻴﺖ ﺑﺎﺵ ﻧﺴﻮﻝ ﻗﺒﻞ ﻣﻨﻮﺻﻞ ﻟﻠﻘﻬﻮﺓ ﺑﺸﻲ ﺷﻮﻳﺔ .. ﻏﺎﺩﺍ ﻓﺎﻟﻄﺮﻳﻖ .. ﻭﻫﻮ ﻳﻘﻴﺴﻨﻲ ﺷﻲ ﻭﺍﺣﺪ ﺍﻟﻄﻮﻧﻮﺑﻴﻞ ﻣﻦ ﺍﻟﻠﻮﺭ .. ﻭﻗﻔﺖ ﻧﺰﻟﺖ .. ﺿﺮﺑﺔ ﻛﺎﻧﺖ ﺧﻔﻴﻔﺎ .. ﻧﺰﻝ ﺑﺪﺍ ﻛﻴﻘﻮﻟﻲ ﺳﻤﺤﻲ ﻟﻴﺎ .. ﻗﺘﻠﻮ ﻣﺎﻟﻚ ﻣﻜﺘﺸﻮﻓﺶ .. ﻗﺎﻟﻲ ﺻﺎﻓﻲ ﺃﻧﺎ ﻧﺼﺎﻭﺑﻬﺎ ﻟﻴﻚ .. ﺣﻨﺎ ﻋﺎﺩ ﻛﻨﻬﺪﺭﻭ .. ﻫﺪﺍﻙ ﺍﻟﻮﻟﺪ ﺻﻮﻧﺎ ﻋﻠﻴﻪ ﺍﻟﺘﻴﻠﻴﻔﻮﻥ .. ﻣﺸﺎ ﻛﻴﻬﺪﺭ ﻓﺎﻟﺘﻠﻔﻮﻥ .. ﻭﺭﺟﻊ ﻗﺎﻟﻲ ﺧﺘﻲ ﺻﺒﺮﻱ ﻧﺘﺴﻨﺎﻭ ﻣﻮﻝ ﺍﻟﻄﻮﻧﻮﺑﻴﻞ ﺣﻴﺖ ﺃﻧﺎ ﻏﻲ ﻣﺨﻠﻴﻴﻨﻬﺎ ﻋﻨﺪﻱ ﻣﺎﺷﻲ ﺩﻳﺎﻟﻲ .. ﻗﺘﻠﻮ ﺷﻮﻑ ﺃﻧﺎ ﺭﺍﻩ ﻣﺰﺭﻭﻭﻭﻭﺑﺔ .. ﻗﺎﻟﻲ ﻏﻲ ﺻﺒﺮﻱ ﻋﺎﻓﺎﻙ ﻫﺎﻫﻮ ﺟﺎﻱ ... ﻫﻬﻪ ﻋﺮﻓﺘﻮ ﺷﻜﻮﻥ ﻫﻮ ﻣﻮﻝ ﺍﻟﻄﻮﻧﻮﺑﻴﻞ ؟؟؟ ... ﻛﺤﻞ ﺍﻟﻌﻔﻄﺔ .. ﻣﺘﺨﻴﻠﻮﺵ ﺑﺎﺵ ﺣﺴﻴﺖ .. ﺟﺎﺗﻨﻲ ﺩﻭﺧﺎ .. ﻗﻠﺒﻲ ﻛﻴﻀﺮﺏ .. ﺭﺟﻠﻲ ﻓﺸﻠﻮ ﻋﻠﻴﺎ .. ﻣﻨﻴﻦ ﺷﻔﺘﻮ ﻋﺎﺩ ﻋﺮﻓﺖ ﺭﺍﺳﻲ ﺷﺤﺎﻝ ﺗﻮﺣﺸﺘﻮ .. ﻧﺰﻝ ﻣﻦ ﺍﻟﻄﻮﻧﻮﺑﻴﻞ ﺩﻳﺎﻟﻮ ﻭ ﺟﺎ ﺟﺎﻱ ﻭ ﻛﻴﺸﻮﻑ ﻓﻴﺎ ﻣﺤﻄﺶ ﻋﻴﻨﻴﻪ .. ﺷﻮﻳﺔ ﺩﺍﺭﺕ ﻟﻴﺎ ﻃﻦ ﻓﺮﺍﺳﻲ .. ﻗﻠﺖ ﻫﺎﺩﺷﻲ ﻏﻲ ﺑﻠﻌﺎﻧﻲ.. ﻫﻮ ﺗﻌﻤﺪ ﻳﺪﻳﺮ ﻟﻴﺎ ﻫﺎﺩ ﺍﻟﻔﻴﻠﻢ ﺩﻳﺎﻝ ﺍﻟﻄﻮﻧﻮﺑﻴﻞ .. ﻣﺤﺪﻭ ﻛﻴﻘﺮﺏ ﻣﺤﺪ ﻗﻠﺒﻲ ﻏﺎﺩﻱ ﻳﺴﻜﺖ .. ﻗﺮﺏ ﻋﻨﺪﻱ .. ﻭﻣﺪ ﻟﻴﺎ ﻳﺪﻳﻪ ﺑﺎﺵ ﻳﺴﻠﻢ .. ﻣﺪﻳﺖ ﻟﻴﻪ ﻳﺪﻳﺎ ﺑﺎﺵ ﻧﺴﻠﻢ .. ﻗﺎﻟﻲ ﻻﻟﺔ ﺇﻳﻤﺎﻥ ﻻﺑﺎﺱ .. ﻏﻴﺮ ﻧﻄﻖ ﺑﺴﻤﻴﺘﻲ .. ﻋﺮﻓﺖ ﺑﻴﻼ ﻫﻮ ﻣﻮﻝ ﻫﺎﺩﺷﻲ ﻛﺎﺍﺍﺍﺍﺍﺍﺍﻣﻞ .. ﻭﺗﺄﻛﺪﺕ 100% .. ﺃﻧﺎ ﻟﺴﺎﻧﻲ ﺗﻌﻘﺪ ﻣﻘﺪﺭﺕ ﻧﻄﻖ ﺑﺤﺘﺎ ﻛﻠﻤﺔ .. ﻗﺎﻟﻲ ﺻﺎﻓﻲ ﺃﻧﺎ ﻟﻲ ﻏﺎﺩﻱ ﻧﺼﻠﺢ ﻟﻴﻚ ﺍﻟﻄﻮﻧﻮﺑﻴﻞ .. ﻗﺘﻠﻴﻪ ﻭﺻﻮﺗﻲ ﺑﺰﺯ ﺑﺎﺵ ﺧﺮﺝ .. ﻻ ﺻﺎﻓﻲ ﻣﺎﺷﻲ ﻣﺸﻜﻴﻞ ﺑﻼﺵ .. ﻗﺎﻟﻲ ﻋﻴﺪ ﻣﻴﻼﺩ ﺳﻌﻴﺪ ﻭﺍﺧﺎ ﺟﺎﺕ ﻣﻌﻄﻠﺔ ﺷﻮﻳﺔ .. ﻗﺘﻠﻮ .. ﺇﺫﻥ ﻧﺘﺎ ﻣﻮﻝ ﺩﺍﻛﺸﻲ ﻛﺎﻣﻞ .. ﺑﺪﺍ ﻛﻴﻔﺮﻧﺲ .. ﺻﺎﻓﻲ ﻣﻘﺪﺭﺗﺶ ﻧﺒﻘﺎ ﻭﺍﻗﻔﺔ ﻣﻌﺎﻩ ﻛﺘﺮ .. ﻛﺎﻥ ﻋﻨﺪﻱ ﺷﻼ ﻣﻴﺘﻘﺎﻝ .. ﻭﻟﻜﻦ ﻣﺒﻘﻴﺖ ﻗﺎﺩﺓ ﻧﻘﻮﻝ ﺣﺘﻰ ﻛﻠﻤﺔ .. ﺻﺎﻓﻲ ﺯﺩﺕ ﺑﺎﺵ ﻧﻤﺸﻲ ﻳﺤﺎﻟﻲ ﻭﻗﻠﺖ ﺣﺘﻰ ﻧﺮﺗﺐ ﺃﻓﻜﺎﺭﻱ ﻭ ﻧﺮﺟﻊ ﻧﺴﻮﻟﻮ ﻋﻠﻰ ﻛﻠﺸﻲ.. ﻭ ﻫﻮ ﻳﺸﺪﻧﻲ ﻣﻦ ﻳﺪﻱ....يتبع
ﺍﻟﺠﺰﺀ 7 وﻫﻮ ﻳﺸﺪﻧﻲ ﻓﻴﺪﻱ .. ﻗﺎﻟﻲ ﺇﻳﻤﺎﻥ .. ﻣﻐﺎﺩﻱ ﺗﺴﻮﻟﻴﻨﻲ ﻋﻠﻰ ﻭﺍﻟﻮ .. ﺑﻘﻴﺖ ﺷﺤﺎﻝ ﺳﺎﻛﺘﺔ ﻣﻬﺪﺭﺗﺶ .. ﻣﺘﺨﻴﻠﻮﻭﻭﻭﻭﺵ ﺷﺤﺎﻝ ﺣﺸﻤﺔ .. ﻣﻘﺪﺭﺗﺶ ﻧﺸﻮﻑ ﻟﻴﻪ ﻓﻮﺟﻬﻮ .. ﺗﺸﺠﻌﺖ ﻭﻗﺘﻠﻮ .. ﻣﺎﺷﻲ ﺩﺍﺑﺎ .. ﺃﻧﺎ ﺩﺍﺑﺎ ﻣﻘﺎﺩﺭﺍﺵ ﻧﻬﺪﺭ ﺑﺴﻼﻣﺔ ﻋﻠﻴﻚ .. ﺭﻛﺒﺖ ﻭﺯﺩﺕ ﺑﺤﺎﻟﻲ .. ﻏﺎﺩﻱ ﺗﻘﻮﻟﻮﻟﻲ ﻣﺎﻟﻚ ﻣﻬﺪﺭﺗﻴﺶ ﻫﺪﺍﻙ ﺍﻟﺴﺎﻉ .. ﻏﺎﺩﻱ ﻧﻘﻮﻝ ﻟﻴﻜﻢ ﻣﻴﻤﻜﻨﺶ .. ﻛﺎﻥ ﺧﺎﺻﻨﻲ ﺿﺮﻭﺭﻱ ﻧﺠﻠﺲ ﻣﻊ ﺭﺍﺳﻲ ﻭ ﻧﻔﻜﺮ ﻣﺰﻳﺎﻥ ... ﻭﻧﺮﺗﺐ ﺃﻓﻜﺎﺭﻱ .. ﻭﻛﻴﻔﺎﺵ ﻏﺎﺩﻱ ﻧﺘﻔﺎﻋﻞ ﻣﻊ ﻫﺎﺩ ﺷﻲ .. ﻭ ﺑﺎﺵ ﻧﺎﺧﺪ ﻗﺮﺍﺭﺍﺕ ﺻﺤﻴﺤﺔ .. ﻭ ﻓﻌﻼ ﺩﻛﺸﻲ ﻟﻲ ﺩﺭﺕ .. ﻣﺸﻴﺖ ﺣﺪﺍ ﺍﻟﺒﺤﺮ ﻓﻮﺍﺣﺪ ﺍﻟﺒﻼﺻﺔ ﻛﺎﺍﺍﺍﺍﻟﻢ .. ﺑﻘﻴﺖ ﺳﺎﻋﺘﻴﻦ ﻭﻧﺺ .. ﻭﺃﻧﺎ ﺗﻤﺎ .. ﺟﺎﻟﺴﺔ ﻛﻨﻔﻜﺮ .. ﻟﺪﺭﺟﺔ ﺟﺒﺪﺕ ﻭﺭﻗﺔ ﻭﺳﺘﻴﻠﻮ ﺑﺎﺵ ﻣﻨﺘﻠﻔﺶ ﻭ ﺳﺠﻠﺖ ﻓﻴﻬﺎ ﻛﺎﻉ ﺃﻓﻜﺎﺭﻱ .. ﺻﺎﻓﻲ ﺩﺍﺑﺎ ﻭﺿﺎﺣﺖ ﺍﻟﺼﻮﺭﺓ .. ﻭﺣﻄﻴﺖ ﺍﻟﻨﻘﻂ ﻋﻠﻰ ﺍﻟﺤﺮﻭﻑ .. ﻭﺭﻳﺤﺖ ﺑﺎﻟﻲ .. ﺩﺍﺑﺎ ﻭﻟﻴﺖ ﻣﺰﻳﺎﻥ ﺃﻭ ﻭﻟﻴﺖ ﻋﺎﺭﻓﺔ ﺷﻨﻮ ﻏﺎﺩﻱ ﻧﺪﻳﺮ .. ﺭﺟﻌﺖ ﻟﻠﺪﺍﺭ .. ﺃﻭﻝ ﺣﺎﺟﺔ ﺩﺭﺕ .. ﻫﻲ ﻋﺎﻭﺩﺕ ﻟﻤﺎﻣﺎ ﻛﻠﺸﻲ .. ﻣﺎﻣﺎ ﻛﺘﻴﻖ ﻓﻘﺮﺍﺭﺍﺗﻲ .. ﻭﻗﺎﺗﻠﻲ ﺧﻠﻴﻚ ﺃ ﺇﻳﻤﺎﻥ ﻗﻮﻳﺔ ﻛﻴﻒ ﻛﻨﻌﺮﻓﻚ .. ﻭﻣﻀﻌﻔﻴﺶ ﻗﺪﺍﻡ ﺃﻣﻮﺭ ﺑﺤﺎﻝ ﻫﺎﺩﻭ .. ﻫﺎﺩﺍ ﺃﺑﻨﺘﻲ ﺇﻳﻼ ﺑﻐﺎﻙ ﻏﺎﺩﻱ ﻳﺠﻲ ﻳﺪﻕ ﺑﺎﺏ ﺩﺍﺭﻛﻢ ... ﻭﺍﻟﻠﻪ ﻳﺪﻳﺮ ﻟﻴﻚ ﻟﻲ ﻓﻴﻬﺎ ﺍﻟﺨﻴﺮ .. ﻓﻌﻼ ﻫﺪﺭﺍ ﺩﻳﺎﻝ ﻣﺎﻣﺎ ﻛﺘﺮﻳﺤﻨﻲ ﺑﺰﺍﻑ .. ﻫﺎﺩ ﻟﻴﻠﺔ ﻏﻴﺮ ﻛﻞ ﺍﻟﻴﺎﻟﻲ .. ﻧﻌﺴﺖ ﻣﺮﺗﺎﺍﺍﺍﺍﺍﺣﺔ .. ﻭﺣﺘﻰ ﺍﻟﻔﺮﺣﺔ ﻛﺎﻧﺖ ﺑﺎﻳﻨﺔ ﻋﻠﻴﺎ .. ﺣﻴﺖ ﻋﺮﻓﺖ ﺷﻜﻮﻥ ﻣﻮﻝ ﻛﺎﻉ ﻫﺪﻭﻙ ﺍﻟﻤﻔﺎﺟﺂﺕ .. ﻓﺮﺭﺕ ﺃﻧﻲ ﺑﻌﺪ 3 ﺃﻳﺎﻡ .. ﻏﺎﺩﻱ ﻧﻤﺸﻲ ﻧﺘﻮﺍﺟﻪ ﻣﻌﺎﻩ ﻭ ﻧﺴﻮﻟﻮ ﻋﻠﻰ ﻛﻠﺸﻲ .. ﻓﻔﺖ ﺻﺒﺎﺡ ﺩﺧﻠﺖ ﻻﻓﺎﻙ ﻣﻨﻴﻦ ﺧﺮﺟﺖ ﻛﻨﻠﻘﻰ ﺍﻟﻄﻮﻧﻮﺑﻴﻞ ﻣﻜﺎﻳﻨﺎﺵ .. ﻭﺍﻳﻠﻴﻴﻴﻲ ﺁﺵ ﻫﺎﺩ ﺍﻟﻌﺠﺐ .. ﺗﺴﺮﻗﺎﺕ ﺯﻋﻤﺔ .. ﻫﻮ ﻳﺠﻲ ﻋﻨﺪﻱ ﻭﺍﺣﺪ ﺍﻟﻮﻟﺪ .. ﺳﻼﻡ ﻻﻟﺔ ﺇﻳﻤﺎﻥ .. ﻋﺮﻓﺘﻮﻭ ﻫﺎﺩ ﺍﻟﻮﻟﺪ ﻫﻮ ﻧﻔﺲ ﺍﻟﺸﺨﺺ ﻟﻲ ﻛﺎﻥ ﻭﺻﻞ ﻟﻴﺎ ﺍﻟﻮﺭﺩ ﻫﺎﺩﻳﻚ ﺍﻟﻨﻬﺎﺭ ﻟﻼﻓﺎﻙ .. ﻗﺘﻠﻮ ﺳﻼﻡ ﺑﻼ ﺷﻚ ﻧﺘﺎ ﻣﺼﻴﻔﻄﻚ ﻛﺤﻞ ﺍﻟﻌﻔﻄﺔ .. ﻗﺎﻟﻲ ﻛﻴﻔﺎﺵ .. ﻗﺘﻠﻮ ﻻ ﻻ ﻭﺍﻟﻮ .. ﻗﺎﻟﻲ ﻣﻬﻴﻢ ﺭﺍﻩ ﻫﺰﻳﻨﺎ ﺍﻟﻄﻮﻧﻮﺑﻴﻞ ﻏﺎﺩﻱ ﺗﺼﺎﻭﺏ ﻭ ﻏﺪﺍ ﻏﺎﺩﻱ ﺗﻜﻮﻥ ﻋﻨﺪﻙ .. ﻭﻗﺎﻟﻲ ﻣﻬﻴﻢ ﻫﺤﻨﺎ ﺣﻄﻴﻨﺎ ﻟﻴﻚ ﻃﻮﻧﻮﺑﻴﻞ ﺃﺧﺮﻯ ﻗﻀﻲ ﺑﻴﻬﺎ ﻟﻴﻮﻡ ﺃﻭ ﻏﺪﺍ ﻋﻠﻰ ﻣﻨﺮﺟﻌﻮ ﻟﻴﻚ ﻃﻮﻧﻮﺑﻴﻞ .. ﻫﺎﻫﻤﺎ ﺍﻟﺴﻮﺍﺭﺕ ... ﻭﺍﻟﻠﻪ ﻳﺨﻠﻴﻚ ﻣﺘﺴﻮﻟﻴﻨﻲ ﻋﻠﻰ ﻭﺍﻟﻮ .. ﻭﻧﻬﺎﺭﻙ ﻣﺒﺮﻭﻙ .. ﺃﻧﺎ ﻛﻴﻒ ﺩﻳﻤﺎ ﻣﺼﺪﻭﻣﺔ ﻭ ﻣﺴﺘﻮﻫﺔ ... ﺧﺪﻳﺖ ﺍﻟﺴﻮﺍﺭﺕ .. ﻣﺸﻴﺖ ﻃﻠﻌﺖ ﻓﺎﻟﻄﻮﻧﻮﺑﻴﻞ .. ﺑﻐﻴﺖ ﻏﻲ ﻧﻌﺮﻑ ﻫﺎﺩ ﻛﺤﻞ ﺍﻟﻌﻔﻄﺔ ﺃﺷﻨﻮ ﺑﺎﻏﻲ .. ﺷﻜﻮﻥ ﻗﺎﻟﻴﻪ ﻳﺼﺎﻭﺏ ﻟﻴﺎ ﺧﺮﺷﺎﺷﺘﻲ ﻭﺍﺵ ﺷﻐﻠﻮ .. ﻭﺑﺪﻳﺖ ﻛﻨﻬﺪﺭ ﻏﻲ ﺑﺤﺪﻱ .. ﺻﺎﻓﻲ ﺳﻜﺖ ﻭﺭﺟﻌﺖ ﺑﺤﺎﻟﻲ .. ﻭﻋﺎﻭﺩﺕ ﻟﻤﺎﻣﺎ ﻛﻠﺸﻲ .. ﻫﻲ ﺑﺮﺍﺳﻬﺎ ﺣﺎﺭﺕ ﻣﺒﻘﺎﺕ ﺗﻌﺮﻑ ﺷﻨﻮ ﺗﻘﻮﻟﻲ .. ﻣﺎﻋﻠﻴﻨﺎ .. ﻓﻘﺖ ﺍﻟﺼﺒﺎﺡ ﻭﻣﺸﻴﺖ ﻻﻓﺎﻙ .. ﺳﺎﻟﻴﺖ ﻗﺮﺍﻳﺘﻲ ﻭﺧﺮﺟﺖ .. ﻟﻘﻴﺖ ﺳﺎﻟﻴﺖ ﻗﺮﺍﻳﺘﻲ ﺟﻴﺖ ﺧﺎﺭﺟﺔ .. ﻟﻘﻴﺖ ﺧﺮﺷﺎﺷﺘﺲ ﺍﻟﺤﺒﻴﺒﺔ ﻛﺎﻳﻨﺔ .. ﻣﻐﺴﻮﻟﺔ ﻭﻣﻘﺎﺩﺓ .. ﻭﺷﺤﺎﻝ ﻣﻦ ﺿﺮﺑﺔ ﻗﺪﻳﻤﺔ ﻛﺎﻧﺖ ﻓﻴﻬﺎ ﺣﺘﻰ ﻫﻲ ﻣﻘﺎﺩﺓ .. ﻟﻘﻴﺖ ﻧﻔﺲ ﻫﺪﺍﻙ ﺍﻟﻮﻟﺪ .. ﺳﻼﻡ ﻻﻟﺔ ﺇﻳﻤﺎﻥ .. ﻫﺎﻫﻲ ﺍﻟﺴﻴﺎﺭﺓ ﺩﻳﺎﻟﻚ ﺗﻔﻀﻠﻲ ﻭﺇﻳﻼ ﺑﺎﻧﺖ ﻟﻴﻚ ﺷﻲ ﺣﺎﺟﺔ ﻣﺎﺷﻲ ﺗﻠﻬﻴﻪ ﻗﻮﻟﻴﻬﺎ ﻧﺼﻴﺒﻮﻫﺎ .. ﻗﺘﻠﻴﻪ ﻻ ﺻﺎﻓﻲ ﻣﺒﻔﻴﺖ ﻭﺍﻟﻮ ﺷﻜﺮﺍ .. ﻋﻄﻴﺘﻮ ﺍﻟﺴﻮﺍﺭﺕ ﺩﻳﺎﻝ ﻫﺪﻳﻚ ﺍﻟﻄﻮﻧﻮﺑﻴﻞ.. ﻭﻃﻠﻌﺖ ﻓﻄﻮﻧﻮﺑﻴﻠﺘﻲ .. ﺷﻮﻳﺔ ﻛﻨﺴﻤﻊ ﻫﺪﺍﻙ ﺍﻟﻮﻟﺪ ﻛﻴﻬﺪﺭ ﺑﺎﻟﺘﻠﻔﻮﻥ .. ﺃﻟﻮ ﺍﻟﺸﺎﻑ .. ﺻﺎﻓﻲ ﺍﻟﺸﺎﻑ ﻛﻠﺸﻲ ﻫﻮ ﻫﺪﺍﻙ .. ﺁﻩ ﺃﺷﺎﻑ .. ﻭﺍﺧﺎ ﺍﻟﺸﺎﻑ .. ﻛﻮﻥ ﻫﺎﻧﻲ ﺃﺷﺎﻑ .. ﺑﺴﻼﻣﺔ ﺃﺷﺎﻑ ... ﻻﻭﺍﻩ ﻻﻭﺍﻩ ﺯﺍﺩ ﻓﻴﻪ ﻫﺎﺩﺍ .. ﺍﻟﺸﺎﻑ ﺍﻟﺸﺎﻑ ﻣﺎﻟﻮ ﻋﻠﻰ ﺣﺎﻟﺘﻮ .. ﻛﺎﻉ ﻫﺪﺷﻲ ﺑﺮﻭﺗﻜﻮﻝ .. ﺯﺩﺕ ﻓﺤﺎﻟﻲ .. ﻣﺸﻴﺖ ﻟﻠﺪﺍﺭ ﻋﺎﻭﺩﺕ ﻟﻤﺎﻣﺎ ﻋﻮﺗﺎﻧﻲ ﻛﻠﺸﻲ .. ﻗﺎﺗﻠﻲ ﺇﻳﻤﺎﻥ ﺩﻳﺮﻱ ﺣﺪ ﻟﻬﺎﺩﺷﻲ ﺃﺑﻨﺘﻲ ﺻﺎﻓﻲ .. ﺩﺍﻛﺸﻲ ﻟﺪﺭﺕ .. ﻋﻠﻰ ﻏﺪ ﻟﻴﻪ .. ﻣﺸﻴﺖ ﺑﺎﺵ ﻧﺘﻮﺍﺟﻪ ﻣﻌﺎﻩ .. ﻭﺻﻠﺖ ﻟﻠﻘﻬﻮﺓ .. ﻛﺎﻥ ﻭﺍﻗﻒ ﻋﻠﻰ ﺑﺮﺓ .. ﺷﺎﻓﻨﻲ ﺟﺎ ﻟﻌﻨﺪﻱ .. ﻫﺒﻄﺖ ﺍﻟﺠﺎﺝ .. ﻗﺎﻟﻲ ﺑﻮﻧﺠﻮﺭ ﺇﻳﻤﺎﻥ .. ﻛﻨﺖ ﻣﺘﺄﻛﺪ ﻏﺎﺩﻱ ﺗﺠﻲ ﻟﻴﻮﻡ .. ﻗﺘﻠﻮ ﺁﻩ ﺟﻴﺖ ﺑﺎﺵ ﺗﻮﺿﺢ ﻟﻴﺎ ﺷﺤﺎﺍﺍﺍﺍﺍﻝ ﻣﻦ ﺣﺎﺟﺔ .. ﻗﺎﻟﻲ ﻭﺍﺧﺎ .. ﻏﺎﺩﻱ ﻧﺒﻌﺪﻭ ﺷﻮﻳﺔ ﻣﻦ ﻫﻨﺎ .. ﻭﻧﻬﺪﺭﻭ .. ﻳﺎﻻﻩ ﺃﻧﺎ ﻏﺎﺩﻱ ﻧﺰﻳﺪ ﻗﺪﺍﻣﻚ ﻭﻧﺘﻲ ﺗﺒﻌﻴﻨﻲ .. ﻗﺘﻠﻮ ﻭﺍﺧﺎ .. ﺻﺎﻓﻲ ﺯﺍﺩ ﺗﺒﻌﺘﻮ .. ﻋﺮﻓﺘﻮ ﻓﻴﻦ ﻣﺸﺎ؟ .. ﻣﺸﺎ ﺣﺪﺍ ﺍﻟﺒﺤﺮ ﻟﻨﻔﺲ ﺍﻟﺒﻼﺻﺔ ﻟﻲ ﻛﻨﺖ ﻣﺸﻴﺖ ﻟﻴﻬﺎ ﺑﺎﺵ ﻧﻔﻜﺮ .. ﺯﺩﺕ ﺗﺼﺪﻣﺖ .. ﺇﺫﻥ ﻫﻮ ﺗﺒﻌﻨﻲ ﻭﻋﺮﻓﻨﻲ ﺟﻴﺖ ﻫﻨﺎ .. ﻭﺻﻠﻨﺎ .. ﻧﺰﻟﻨﺎ ﻣﻦ ﺍﻟﻄﻮﻧﻮﺑﻴﻞ .. ﻭﺗﻘﺎﺑﻠﻨﺎ .. ﻫﻨﺎ ﻏﺎﺩﻱ ﻳﺘﺒﺪﻟﻮ ﺃﻣﻮﺭ ﺑﺰﺍﻑ .. ﻭ ﻏﺎﺩﻱ ﻧﺘﺼﺪﻡ ﺷﺤﺎﻝ ﻣﻦ ﺻﺪﻣﺔ .. ﻣﺪ ﻳﺪﻳﻪ ﺑﺎﺵ ﻳﺴﻠﻢ ... ﻳﺘﺒﻊ
ﻗﺼﺔ #ﺇﻳﻤﺎﻥ_ﻭﻛﺤﻞ_ﺍﻟﻌﻒﻃﺔ
ﻗﺼﺔ #ﺇﻳﻤﺎﻥ_ﻭﻛﺤﻞ_ﺍﻟﻌﻒﻃﺔ
ﺍﻟﺠﺰﺀ 8 ﻣﺪ ﻳﺪﻳﻪ ﺑﺎﺵ ﻳﺴﻠﻢ .. ﻣﺪﻳﺖ ﻳﺪﻱ ﺣﺘﺎ ﺃﻧﺎ .. ﺳﻼﻡ ﺇﻳﻤﺎﻥ .. ﺃﻧﺎ ﺇﻳﺎﺩ .. ﺍﻟﻠﻪ ﺍﻟﻠﻪ ﻛﺤﻞ ﺍﻟﻌﻔﻄﺔ ﺳﻤﻴﺘﻮ ﺇﻳﺎﺩ .. ﻗﺘﻠﻮ ﻣﺘﺸﺮﻓﻴﻦ .. ﻗﺎﻟﻲ ﺷﻨﻮ ﺑﺎﻏﻰ ﺗﻌﺮﻓﻲ .. ﻗﺘﻠﻮ ﺑﻐﻴﺖ ﻧﻌﺮﻑ ﻛﻠﺸﻲ .. ﺷﻜﻮﻥ ﻧﺘﺎ ﻭﺷﻨﻮ ﺑﺎﻏﻲ ﻣﻨﻲ .. ﻭﻛﺪﺭﺗﻲ ﻋﺮﻓﺘﻲ ﻋﻨﻮﺍﻧﻲ ﻭﻋﺮﻓﺘﻲ ﻓﻴﻦ ﻛﻨﻘﺮﻯ .. ﻛﺪﺭﺗﻲ ﻋﺮﻓﺘﻲ ﻧﻬﺎﺭ ﻋﻴﺪ ﻣﻴﻼﺩﻱ .. ﻣﻨﻴﻦ ﺟﺒﺘﻲ ﻫﺎﺩﺷﻲ .. ﻭﺑﺎﺵ ﻋﺮﻓﺘﻴﻨﻲ ﻫﺪﺍﻙ ﺍﻟﻨﻬﺎﺭ ﺟﺎﻳﺎ ﺑﺎﺵ ﺩﺭﺗﻲ ﻫﺪﺍﻙ ﺍﻟﻔﻴﻠﻢ ﺩﻳﺎﻝ ﺍﻟﻄﻮﻧﻮﺑﻴﻞ .. ﺑﺎﺵ ﻋﺮﻓﺘﻲ ﻫﺎﺩ ﺍﻟﺒﻼﺻﺔ ﻋﺰﻳﺰﺓ ﻋﻠﻴﺎ .. ﺑﺎﺵ ﻋﺮﻓﺘﻲ ﻧﻮﻉ ﺍﻟﺮﻳﺤﺔ ﻟﻲ ﻛﺘﻌﺠﺒﻨﻲ .. ﺑﺎﺵ ﻋﺮﻓﺘﻲ ﺍﻟﺸﻮﻛﻮﻻ ﻋﺰﻳﺰﺓ ﻋﻠﻴﺎ .. ﻭﺑﺎﺵ ﻭ ﺑﺎﺵ ﻭﺑﺎﺵ .. ﺑﻐﻴﺖ ﻧﻌﺮﻑ ﻛﻠﺸﻲ ﺃﺳﻲ ﺇﻳﺎﺩ .. ﻗﺎﻟﻲ ﻭﺍﺧﺎ ﻛﻠﺸﻲ ﻏﺎﺩﻱ ﺗﻌﺮﻓﻴﻪ .. ﺍﻟﺼﺮﺍﺣﺔ ﻭﺃﻧﺎ ﻭﺍﻗﻔﺔ ﻛﻨﻬﺪﺭ ﻣﻌﺎﻩ ﺗﻔﻜﺮﺕ ﺑﻴﻼ ﺭﺍﻩ ﺑﻮ ﺑﻨﺎﺕ ﻭﺭﺍﻩ ﺑﺎﻳﻨﺔ ﻣﻦ ﺍﻟﻨﻮﻉ ﺍﻟﺰﺍﻳﻎ .. ﻭﺭﺍﻩ ﻣﺴﺘﺤﻠﻴﻞ ﻏﺎﺩﻱ ﻧﺘﻔﺎﻫﻢ ﻣﻌﺎﻩ .. ﻭﻳﻌﻠﻢ ﺍﻟﻠﻪ ﻫﺎﺩﺷﻲ ﻟﻲ ﺩﺍﺭ ﻣﻌﺎﻳﺎ .. ﻣﻨﻌﺮﻑ ﻣﻊ ﺷﺤﺎﻝ ﻣﻦ ﻭﺣﺪﺓ ﺩﺍﺭﻫﺎ ﻣﻌﺎﻫﺎ .. ﻗﺎﻟﻲ ﻣﻬﻴﻢ ﺳﻤﻌﻴﻨﻲ . ﻗﺎﻟﻲ ﻣﻬﻴﻢ ﺳﻤﻌﻴﻨﻲ .. ﺗﻜﻴﺖ ﻋﻠﻰ ﻃﻮﻧﻮﺑﻴﻞ ﻭﺗﻘﺎﺑﻠﺖ ﻣﻊ ﺍﻟﺒﺤﺮ .. ﻭﻫﻮ ﻭﺍﻗﻒ ﺑﺠﻨﺒﻲ .. ﺑﺪﺍ ﻛﻴﻬﺪﺭ .. ﺇﻳﻤﺎﻥ ﺃﻧﺎ ﻧﻬﺎﺭ ﺷﻔﺘﻚ ﺗﺒﺪﻻﺕ ﻓﻴﺎ ﺷﺤﺎﻝ ﻣﻦ ﺣﺎﺟﺔ .. ﻋﻤﺮﻱ ﻣﺸﻔﺖ ﺷﻲ ﺑﻨﺖ ﻛﺘﺤﺸﻢ ﻭﺗﺤﻂ ﺭﺍﺳﻬﺎ .. ﻋﻤﺮﻱ ﻣﺸﻔﺖ ﺷﻲ ﺑﻨﺖ .. ﺷﺎﻓﺘﻨﻲ ﻭﻣﻐﻤﺰﺍﺗﻨﻴﺶ .. ﻭ ﻣﺪﺍﺭﺗﺶ ﺑﻴﺎ ﺑﺎﺵ ﺗﻌﺮﻓﻨﻲ .. ﺑﻨﺖ ﻣﺤﺘﺮﻣﺔ ﻭﻟﺒﺴﻬﺎ ﺃﻧﻴﻖ ﻭﻣﺤﺘﺎﺷﻢ .. ﺑﻨﺖ ﻛﺘﻤﺸﻲ ﻭﺣﺎﻃﺔ ﺭﺍﺳﻬﺎ .. ﺯﻳﺪ ﻋﻠﻰ ﻫﺪﺷﻲ ﺍﻟﻨﻮﺭ ﻟﻲ ﺑﺎﻳﻦ ﻓﻮﺟﻬﻚ .. ﺃﻧﺎ ﺃ ﺇﻳﻤﺎﻥ ﻣﻨﻜﺪﺑﺶ ﻋﻠﻴﻚ ﻣﺨﻠﻴﺖ ﺣﺘﻰ ﻧﻮﻉ ﺩﻳﺎﻝ ﺍﻟﺒﻨﺎﺕ ﻣﻌﺮﻓﺘﺶ ﻭ ﻟﻜﻦ ﻧﺘﻲ ﻏﻴﺮ .. ﻗﺘﻠﻮ ﺁﻩ ﺑﺎﻳﻨﺔ ﺃﺻﻼ .. ﻗﺎﻟﻲ ﻋﻔﺎﻙ ﻣﺘﻘﺎﻃﻌﻴﻨﻴﺶ .. ﻗﺎﻟﻲ ﻧﻬﺎﺭ ﺍﻟﻠﻮﻝ ﻓﺎﺵ ﺷﻔﺘﻚ ﻋﺠﺒﺘﻴﻨﻲ .. ﻧﻬﺎﺭ ﻻﺧﺮ .. ﻗﺮﺭﺕ ﻧﺘﺒﻌﻚ .. ﻣﺨﻠﻴﺖ ﻓﻴﻦ ﺗﺒﻌﺘﻚ ﻭ ﺩﺭﺕ ﻧﺎﺱ ﺗﺒﻌﻮﻙ .. ﻫﺎﺩ ﺍﻟﻤﺪﺓ ﻛﺎﻣﻠﺔ .. ﻫﺎﺩﺷﻲ ﻛﺎﻣﻞ ﺑﺎﺵ ﻧﺰﻳﺪ ﻧﺘﺄﻛﺪ .. ﻭﺍﺵ ﻭﺟﻪ ﺇﻳﻤﺎﻥ ﺯﻭﻳﻦ ﺑﺤﺎﻝ ﺃﺧﻼﻗﻬﺎ .. ﻭﻫﺎﺩﺷﻲ ﻟﻲ ﻭﻗﻊ .. ﻣﻦ ﺍﻟﺪﺍﺭ ﻻﻓﺎﻙ .. ﻭﻛﺪﺧﻠﻲ ﺑﻜﺮﻱ ﻟﻠﺪﺍﺭ.. ﻫﺎﺩﺷﻲ ﻓﻠﻮﻝ ﺟﺎﻧﻲ ﻏﺮﻳﻴﻴﻴﺐ .. ﻗﻠﺒﻲ ﺯﺍﺩ ﻛﻴﺘﻌﻠﻖ ﺑﻴﻚ ﻧﻬﺎﺭ ﻋﻠﻰ ﻧﻬﺎﺭ .. ﺃﻣﺎ ﻋﻨﻮﺍﻧﻚ ﻭ ﺍﺳﻤﻚ ﻭ ﻋﻴﺪ ﻣﻴﻼﺩﻙ ﻣﻜﺎﻧﺶ ﺷﻲ ﺣﺎﺟﺔ ﺻﻌﻴﺒﺔ ﺑﺎﺵ ﻧﻌﺮﻓﻬﺎ .. ﻋﺮﻓﺘﻮ ﺑﻄﺮﻳﻘﺘﻲ .. ﺃﻧﺎ ﻛﻨﺴﻤﻊ ﻟﻴﻪ ﻭ ﻗﻠﺒﻲ ﻏﺎﺩﻱ ﻳﺴﻜﺖ .. ﺗﻮﺣﺸﺘﻚ ﻭﺗﻮﺣﺸﺖ ﻧﺸﻮﻓﻚ ﻭﻧﺸﻮﻑ ﺑﺘﺴﺎﻣﺘﻚ .. ﻗﺘﻠﻴﻪ ﻭﺷﻨﻮ ﻛﺘﻨﺘﺎﺿﺮ ﻣﻨﻲ ﺩﺍﺑﺎ .. ﻗﺎﻟﻲ ﺑﻐﻴﺖ ﻧﺰﻳﺪ ﻧﺘﻘﺮﺑﻮ ﻣﻦ ﺑﻌﻀﻨﺎ .. ﺃﻧﺎ ﻣﺒﺎﻏﻴﺶ ﻧﺨﺴﺮﻙ .. ﻫﺎﺩ ﺍﻟﻜﻼﻡ ﻃﺎﺡ ﻋﻠﻴﺎ ﺑﺤﺎﻝ ﺍﻟﻤﺎ ﺑﺎﺭﺩ .. ﻭ ﺗﺸﺠﻌﺖ ﻭﻗﺘﻠﻴﻪ .. ﻫﺎﺩﺷﻲ ﻫﻮ ﻟﻲ ﻣﻐﺎﺩﻳﺶ ﻳﻜﻮﻥ .. ﺑﺴﻼﻣﺔ .. ﻫﻮ ﺑﻘﺎ ﻣﺼﺪﻭﻡ .. ﺑﻘﺎ ﻭﺍﻗﻒ ﻣﻘﺪﺭﺵ ﻳﺘﺤﺮﻙ .. ﻏﻴﺮ ﺯﺩﺕ ﺩﻣﻮﻋﻲ ﺑﺪﺍﻭ ﻛﻴﻨﺰﻟﻮ .. ﺃﻧﺎ ﻏﺎﺩﻱ ﻧﺸﺮﺡ ﻟﻴﻜﻢ ﻋﻼﺵ ﻗﺘﻠﻴﻪ ﻫﻜﺎﻙ.. ﻳﺘﺒﻊ
ﻗﺼﺔ #ﺇﻳﻤﺎﻥ_ﻭﻛﺤﻞ_ﺍﻟﻌﻒﻃﺔ ﺍﻟﺠﺰﺀ 9 غﺎﺩﻱ ﻧﺸﺮﺡ ﻟﻴﻜﻢ ﻫﻜﺎﻙ .. ﺑﻨﺎﺕ ﺭﺍﻩ ﻋﻴﻨﻮ ﺯﺍﻳﻐﺔ .. ﻭﻣﻦ ﻧﻮﻉ ﺩﻳﺎﻝ ﺍﻟﺴﻬﺮﺍﺕ ﻭ ﺍﻟﻨﻮﺍﺩﻱ ﺍﻟﻠﻴﻠﻴﺔ .. ﻧﻮﻉ ﺩﻳﺎﻝ ﻛﻞ ﻧﻬﺎﺭ ﻣﻌﻨﻖ ﺑﻨﺖ .. ﻧﻮﻉ ﺩﻳﺎﻝ ﺣﺎﺱ ﺑﺮﺍﺳﻮ ﺑﺰﺍﻑ .. ﻭﺃﻧﺎ ﻣﻴﻤﻜﻨﺶ ﻧﺘﻔﺎﻫﻢ ﻣﻊ ﻧﻮﻉ ﺑﺤﺎﻝ ﻫﺎﺩﺍ .. ﺭﺍﻩ ﻏﻲ ﻏﺎﺩﻱ ﻧﻜﺪﺏ ﻋﻠﻰ ﺭﺍﺳﻲ .. ﺃﻧﺎ ﻋﻤﺮﻱ ﺑﻐﻴﺖ ﻭﻻ ﺣﺒﻴﺖ .. ﻭﻟﻜﻦ ﻫﺎﺩﺍ ﻭﻻ ﻗﻠﺒﻲ ﻛﻴﻀﺮﺏ ﻏﻴﺮ ﻟﻴﻪ .. ﻗﺮﺭﺕ ﻧﺪﻳﺮ ﺣﺠﺮﺓ ﻋﻠﻰ ﻗﻠﺒﻲ .. ﻭﻧﺤﻴﺪﻭ ﻣﻦ ﺑﺎﻟﻲ .. ﺭﺟﻌﺖ ﻟﻠﺪﺍﺭ .. ﻫﺎﺩ ﺍﻟﻤﺮﺓ ﻣﻌﺎﻭﺩﺕ ﻭﺍﻟﻮ ﻟﻤﺎﻣﺎ .. ﺣﻴﺖ ﺃﻧﺎ ﺑﺮﺍﺳﻲ ﺗﺎﻟﻔﺔ .. ﻭﻣﺒﻐﻴﺘﺶ ﻧﺘﻠﻔﻬﺎ .. ﺑﻘﻴﺖ 3 ﻳﺎﻡ ﻣﻜﻨﺨﺮﺟﺶ .. ﺣﺘﺎﻝ ﺍﻟﻴﻮﻡ 4 ﺻﻮﻧﺎ ﺍﻟﺘﻠﻔﻮﻥ .. ﺟﺎﻭﺑﺖ .. ﻗﺎﻟﻲ ﺃﻟﻮ ﺇﻳﻤﺎﻥ ﻣﻌﺎﻙ ﺇﻳﺎﺩ .. ﻗﺘﻠﻴﻪ ﻣﻨﻴﻦ ﺟﺒﺘﻲ ﺍﻟﻨﻤﺮﺓ ﻋﻮﺗﺎﻧﻲ .. ﻗﺎﻟﻲ ﺭﺍﻩ ﻋﻨﺪﻱ ﻣﻦ ﺷﺤﺎﻝ ﻫﺎﺩﻱ ﻣﺒﻐﻴﺘﺶ ﻧﺒﺮﺯﻃﻚ .. ﻭﻟﻜﻦ ﻣﻨﻴﻦ ﻏﺒﺮﺗﻲ ﻗﺮﺭﺕ ﻧﻌﻴﻂ ﻟﻴﻚ .. ﻳﺎﻛﻤﺎ ﻣﺮﻳﻀﺔ .. ﻗﺘﻠﻮ ﻻ ﻣﻤﺮﻳﻀﺎﺵ ﻏﻲ ﺑﻐﻴﺖ ﻧﺮﺗﺎﺡ ﺷﻮﻳﺔ .. ﻗﺎﻟﻲ ﻭﺍﺧﺎ ﺗﻬﻼﻱ ﻓﺮﺍﺳﻚ ﺑﺴﻼﻣﺔ .. ﻗﺘﻠﻮ ﺷﻜﺮﺍ ﺑﺴﻼﻣﺔ .. ﻏﻴﺮ ﻗﻄﻊ ﺑﺪﻳﺖ ﻛﻨﺒﻜﻲ ... ﻭﻟﻴﺖ ﺣﺰﻳﻨﺔ .. ﻭﻟﻜﻦ ﻗﺮﺭﺕ ﺃﻧﻮ ﻛﻴﻔﻤﺎ ﻫﻮ ﺗﺒﻌﻨﻲ ﻭﺭﺍﻗﺒﻨﻲ .. ﺣﺘﻰ ﺃﻧﺎ ﻏﺎﺩﻱ ﻧﺘﺒﻌﻮ ﻭﻧﺮﺍﻗﺒﻮ .. ﻓﻘﺖ ﺍﻟﺼﺒﺎﺡ ﺑﻜﺮﻱ ﻭﺧﺮﺟﺖ ﺧﺮﺟﺖ ﺍﻟﺼﺒﺎﺡ .. ﻋﻴﻄﺖ ﻋﻠﻰ ﻭﺍﺣﺪ ﺍﻟﺼﺪﻳﻖ ﺑﺎﺵ ﻧﺘﺒﺎﺩﻝ ﺃﻧﺎ ﻭﻳﺎﻩ ﺍﻟﻄﻮﻧﻮﺑﻴﻞ .. ﻣﺴﻜﻴﻦ ﻣﻘﺎﻟﺶ ﻻ .. ﻫﺎﺩﺷﻲ ﺑﺎﺵ ﻣﻴﻌﺮﻓﻨﻴﺶ ﺇﻳﺎﺩ ﺑﻴﻼ ﺗﺎﺑﻌﺎﻩ ... ﻣﺸﻴﺖ ﺑﻘﻴﺖ ﻗﺮﻳﺒﺔ ﻣﻦ ﺍﻟﻘﻬﻮﺓ .. ﺣﺘﺎ ﺑﺎﻥ ﻟﻴﺎ ﺩﺧﻞ ﻭﺧﺮﺝ ﻣﺸﻴﺖ ﺑﻘﻴﺖ ﺗﺒﻌﺎﻩ .. ﻣﺸﺎ ﻟﻤﺤﻄﺔ ﺩﻳﺎﻝ ﺍﻟﺘﺮﺍﻥ .. ﺑﻘﺎ ﻭﺍﻗﻒ .. ﺣﺘﻰ ﺟﺎﺕ ﻭﺍﺣﺪ ﺧﻴﺘﻲ ﻧﺰﻝ ﻛﻴﻌﻨﻖ ﻭﻳﺒﻮﺱ ﻓﻴﻬﺎ .. ﻫﺎﺍﺍﺍﺍﺍﺍ ﻟﻲ ﻗﻠﻨﺎ .. ﻣﺸﺎﻭ ﻟﻮﺍﺣﺪ ﺍﻟﺮﻳﺴﻄﻮ .. ﺟﻠﺴﻮ ﺗﻐﺪﺍﻭ ﻭﻛﻴﻀﺤﻜﻮ ﻭﻛﻴﻜﺮﻛﺮﻭ .. ﺁﻩ ﻭﺭﺍﻩ ﺻﻮﺭﺗﻮ ﻣﻨﻴﻦ ﻛﺎﻥ ﻛﻴﺴﻠﻢ ﻋﻠﻴﻬﺎ ﻑ ﺍﻟﻤﺤﻄﺔ .. ﻣﻌﻠﻴﻨﺎ ﺟﺎﻭ ﺧﺎﺭﺟﻴﻦ ﻋﻮﺗﺎﻧﻲ .. ﻭﺻﻠﻬﺎ ﺍﻟﻤﺤﻄﺔ .. ﻋﻨﻘﻬﺎ ﻭﻣﺸﺎﺕ .. ﺃﻧﺎ ﻛﻨﺸﻮﻑ ﻫﺎﺩﺷﻲ ﻭﻛﻨﺰﻳﺪ ﻧﺤﻘﺪ ﻋﻠﻴﻪ .. ﺷﻮﻳﺔ ﻣﺸﺎ ﻟﻮﺍﺣﺪ ﺍﻟﺸﺮﻛﺔ ﺩﺧﻞ ﻭﺧﺮﺝ .. ﻣﺸﺎ ﻋﻮﺗﺎﻧﻲ ﻟﻮﺍﺣﺪ ﺍﻟﺮﻳﺴﻄﻮ ﺩﺧﻞ ﻭﺧﺮﺝ .. ﻫﺎﺩﺍ ﻣﺎﻟﻮ ﻏﻲ ﻛﻴﻄﻴﺮ ﺑﻮﺣﺪﻭ .. ﺷﻮﻳﺔ ﺭﺟﻊ ﺍﻟﻘﻬﻮﺓ .. ﻏﻲ ﻭﻗﻒ ﻓﻴﻬﺎ ... ﻫﻲ ﺗﻨﺰﻝ ﻭﺍﺣﺪ ﺧﺎﻳﺘﻲ ﻣﻦ ﺍﻟﻄﻮﻧﻮﺑﻴﻞ ﺟﺎﺕ ﻛﺘﺠﺮﻱ ﻋﻨﺪﻭ ﻛﺘﻌﻨﻘﻮ ﻭ ﻫﻮ ﺑﺤﺎﻟﺔ ﻣﻌﺠﺒﻮﺵ ﺍﻟﺤﺎﻝ .. ﺑﻘﺎﻭ ﻭﺍﻗﻔﻴﻦ ﻛﻴﻬﺪﺭﻭ ﻭﻛﻴﻬﺰﻭ ﻓﻴﺪﻳﻬﻢ .. ﺷﻮﻳﺔ ﺟﺮﺍﺗﻮ ﺑﺎﺵ ﻳﺮﻛﺐ ﻣﻌﺎﻫﺎ .. ﻭﻣﺸﺎ ﺭﻛﺐ ﻣﻌﺎﻫﺎ .. ﻭﻣﺸﺎﻭ ﺣﺪﺍ ﻭﺍﺣﺪ ﺍﻟﺒﺤﺮ .. ﻭﻧﺰﻟﻮ ﻫﻲ ﻛﺘﻌﻨﻖ ﻓﻴﻪ ﻭﻫﻮ ﻛﻴﺒﻌﺪﻫﺎ ﻋﻠﻴﻪ .. ﻭﻛﻴﻐﻮﺕ ﻋﻠﻴﻬﺎ .. ﺃﻧﺎ ﻣﻜﻨﺴﻤﻌﺶ ﺷﻨﻮ ﻛﻴﻘﻮﻟﻮ .. ﻏﻲ ﻛﻨﺸﻮﻑ ﻛﻴﻔﺎﺵ ﻛﻴﺘﺤﺮﻛﻮ .. ﺷﻮﻳﺔ ﺑﺪﺍﺕ ﻛﺘﺒﻜﻲ .. ﺷﻔﺘﻮ ﻫﺎﺩ ﺍﻟﻨﻮﻉ ﺩﻳﺎﻝ ﺇﻳﺎﺩ .. ﻛﻴﺨﻠﻴﻮ ﺍﻟﺒﻨﺎﺕ ﻳﺘﻌﻠﻘﻮ ﻓﻴﻬﻢ ﻭ ﻛﻴﻤﺸﻴﻮ ﻭﻛﻴﺒﺪﻟﻮﻫﻢ ﺑﺤﺎﻝ ﺑﻄﺎﻃﺎ .. ﻣﻌﻠﻴﻨﺎ .. ﻫﻮ ﺯﺍﺩ ﻛﻴﻨﻔﺮ .. ﺧﺪﺍ ﻃﺎﻛﺴﻲ ﺻﻐﻴﺮ ﻭﻣﺸﺎ .. ﻫﺎﺩ ﺍﻟﻤﺮﺓ ﻣﺘﺒﻌﺘﻮﺵ .. ﻫﺎﺩ ﺍﻟﻤﺮﺓ ﺑﻐﻴﺖ ﻧﺘﺒﻌﻬﺎ ﻫﻴﺎ .. ﺻﺎﻓﻲ ﺭﻛﺒﺎﺕ ﻭﺯﺍﺩﺕ .. ﺗﺒﻌﺘﻬﺎ .. ﺩﺧﻼﺕ ﻟﻮﺍﺣﺪ ﺍﻟﺼﺎﻟﻮﻥ ﻛﻴﺪﺍﺍﺍﺍﺍﻳﺮ ﻏﻲ ﺑﺮﻭﺷﻴﻨﻎ ﺷﻌﺮ ﻗﺼﻴﺮ ﺏ 150 ﺩﺭﻫﻢ .. ﺩﺧﻠﺖ ﺣﺘﻰ ﺃﻧﺎ .. ﻭﺍﺧﺎ ﻣﻌﺮﻓﺖ ﻣﻨﺪﻳﺮ .. ﺷﻌﺮﻱ ﻭﺩﺍﻳﺮﺓ ﺍﻟﺤﺠﺎﺏ .. ﻗﻠﺖ ﻣﻬﻴﻢ ﻧﺪﻳﺮ ﻣﻴﻨﻴﻜﻴﺮ ﺏ250 ﺩﺭﻫﻢ .. ﺳﻴﺮ ﺃ ﺇﻳﺎﺩ ﺁﺵ ﺑﻐﻴﺖ ﻟﻴﻚ .. ﺭﺯﻳﺘﻴﻨﻲ ﻑ 250 ﺩﺭﻫﻢ ﻋﻠﻰ ﻭﺍﻟﻮ ﺃ .. ﺻﺎﻓﻲ ﺟﻠﺴﺖ .. ﻫﻲ ﺟﺒﺪﺍﺕ ﺍﻟﺘﻠﻔﻮﻥ .. ﻟﻲ ﻓﻬﻤﺖ ﺑﻴﻼ ﺍﻟﺼﺎﻟﻮﻥ ﻭﺍﻗﻴﻼ ﺩﻳﺎﻟﻬﺎ ﻭﻻ ﻣﻨﻌﺮﻑ .. ﻣﻬﻴﻢ ﻋﻴﻄﺎﺕ ﻋﻠﻰ ﺷﻲ ﺻﺤﺒﺘﻬﺎ ﺑﺎﺵ ﺗﺸﻜﻲ ﻟﻴﻬﺎ .. ﻭﺃﻧﺎ ﻃﻠﻘﺖ ﻭﺩﻧﻲ ﻣﺰﻳﺎﻥ .. ﻛﻮﻥ ﺗﻌﺮﻓﻮ ﺁﺵ ﺳﻤﻌﺖ .... ﻳﺘﺒﻊ
0 commentaires: