ﺍﻟﺠﺰﺀ 10 ﺳﻤﻌﺘﻬﺎ ﻛﺘﻘﻮﻟﻴﻬﺎ .. ﺇﻳﺎﺩ ﺧﻼﻧﻲ ﺃﺳﺎﺭﺓ .. ﺻﺎﻓﻲ ﻣﺒﻘﺎﺵ ﺑﻐﺎﻧﻲ .. ﻭﻗﺎﻟﻲ ﻫﺎﺩﻱ ﺁﺧﺮ ﻣﺮﺓ ﻧﻌﺎﻭﺩ ﻧﺸﻮﻓﻚ ﻗﺪﺍﻣﻲ .. ﻭﻣﻨﻴﻦ ﺳﻮﻟﺘﻮ ﻗﺎﻟﻲ ﻟﻘﻴﺖ ﻟﻲ ﻛﻨﺖ ﻧﻘﻠﺐ ﻋﻠﻴﻬﺎ ﻭﺃﻧﺎ ﻛﻨﺒﻐﻴﻬﺎ ﺃﻣﺎ ﺃﻧﺎ ﻛﻨﺖ ﻏﻲ ﻧﺰﻭﺓ ﻓﺤﻴﺎﺗﻮ .. ﻣﻨﻜﺪﺑﺶ ﻋﻠﻴﻜﻢ ﻓﺮﺣﺖ ﻭﺑﺪﻳﺖ ﻛﻨﻔﺮﻧﺲ .. ﻫﺎﺩﻳﻚ ﻟﻲ ﻛﺘﺼﺎﻳﺐ ﻟﻴﺎ ﻇﻔﺎﺭﻱ ﻣﻔﻬﻤﺘﺔﻭﺍﻟﻮ .. ﻗﺘﻠﻴﻬﺎ ﻫﻪ ﻛﺘﻬﺮﻳﻨﻲ ﻓﺼﺒﺎﻉ ﻳﺪﻳﺎ .. ﻭﻟﻜﻦ ﺷﻮﻳﺔ ﻫﻲ ﺩﻳﺮ ﻟﻴﺎ ﻃﻦ ﻓﺮﺍﺳﻲ .. ﺭﺍﻩ ﻳﻤﻜﻦ ﻛﻴﻬﺪﺭ ﻋﻠﻰ ﻗﺒﻞ ﻫﺎﺩﻳﻚ ﻟﻲ ﻫﺰﻫﺎ ﻣﻦ ﺍﻟﻤﺤﻄﺔ ﻗﺒﻴﻠﺔ .. ﺻﺎﻓﻲ ﺗﻤﺎ ﺗﺼﺪﻣﺖ ﻭ ﺃﻧﺎ ﻧﻘﻮﻝ ﺭﺍﻧﻲ ﻏﻲ ﻛﻨﺤﻠﻢ .. ﻟﺨﺮﺍ ﻣﺰﺍﻝ ﻛﺘﻬﺪﺭ ﻓﺎﻟﺘﻠﻔﻮﻥ .. ﻛﺎﻧﺖ ﻛﺘﻘﻮﻝ ﻟﺼﺤﺎﺑﺘﻬﺎ ﻭﺍﻟﻠﻪ ﻻ ﺑﻘﺎﺕ ﻓﻴﻪ .. ﻏﻲ ﺑﻼﺗﻲ .. ﺻﺎﻓﻲ ﺳﺎﻟﻴﺖ ﻭﺧﺮﺟﺖ .. ﻭﺷﺪﻳﺘﻬﺎ ﻃﺮﻳﻖ ﻭﺣﺪﺓ ﺣﺘﺎﻝ ﺩﺍﺭﻧﺎ .. ﻭﺃﻧﺎ ﻏﺎﺩﺓ ﻋﻨﺪ ﺍﻟﻮﻟﺪ ﺑﺎﺵ ﻧﺮﺩ ﻟﻴﻬﻪ ﺍﻟﻄﻮﻧﺒﻴﻞ .. ﻟﻘﻴﺖ ﻫﺪﺍﻙ ﻟﻲ ﺧﺪﺍﻡ ﻋﻨﺪ ﺇﻳﺎﺩ ﻭﺍﻗﻒ ﻭﺭﺍ ﻃﻮﻧﺒﻴﻠﺘﻲ .. ﺑﻘﻴﺖ ﻛﻨﻤﻮﺕ ﺑﺎﻟﻀﺤﻚ .. ﺃﻛﻴﺪ ﻛﺎﻥ ﻣﻌﻮﻝ ﻳﺘﺒﻌﻨﻲ ﻭﻟﻜﻦ ﻗﻮﻟﺒﺘﻮ .. ﺣﻴﺖ ﻣﻨﻴﻦ ﻣﺸﻴﺖ ﻋﻨﺪ ﺍﻟﻮﻟﺪ ﺑﺎﺵ ﻧﺎﺧﺪ ﺍﻟﺴﻮﺍﺭﺕ .. ﺣﻄﻴﺖ ﺍﻟﻄﻨﺒﻴﻞ ﺣﺪﺍ ﺑﺎﺏ ﺍﻟﻌﻤﺎﺭﺓ .. ﻭﻃﻠﻌﺖ ﻋﻨﺪ ﺍﻟﻮﻟﺪ ﻟﺪﺍﺭﻭ .. ﺑﺎﺵ ﻧﺴﻠﻢ ﻋﻠﻰ ﻣﺎﻣﺎﻩ ﺣﻴﺖ ﻛﻨﻌﺮﻓﻬﺎ .. ﻭﺑﺎﺵ ﻧﺎﺧﺪ ﺍﻟﺴﻮﺍﺭﺕ ﺣﻴﺖ ﻛﺎﻥ ﻋﺎﺩ ﻓﺎﻕ ﻣﺎﻓﻴﻪ ﻣﻴﻨﺰﻝ .. ﻣﻨﻴﻦ ﺧﺪﻳﺖ ﺳﻮﺍﺭﺕ .. ﻧﺰﻟﺖ ﻧﻴﺸﺎﻥ ﺍﻟﻜﺮﺍﺝ ﻭﻫﺰﻳﺖ ﺍﻟﻄﻮﻧﻮﺑﻴﻞ .. ﻭﺍﻟﺨﺮﺟﺔ ﺩﻳﺎﻝ ﺍﻟﻜﺮﺍﺝ ﻣﻦ ﻟﻮﺭ ﺩﻳﺎﻝ ﺍﻟﻌﻤﺎﺭﺓ .. ﺇﺫﻥ ﻣﺸﻔﻮﻧﻴﺶ ﻫﺎﺩﻭ ﻟﻲ ﻛﻴﺘﺒﻌﻮﻧﻲ .. ﻭﺣﺘﺎ ﺃﻧﺎﺱ ﺍﻟﺼﺪﻳﻖ ﺩﻳﺎﻟﻲ ﻣﻨﻴﻦ ﺑﻐﺎ ﻳﺨﺮﺝ ﻫﺰ ﺍﻟﻄﻮﻧﻮﺑﻴﻞ ﺩﻳﺎﻝ ﺑﺎﺑﺎﻩ .. ﺇﺫﻥ ﻃﻮﻧﻮﺑﻴﻠﺘﻲ ﻣﺘﺤﺮﻛﺎﺗﺶ ﻣﻦ ﺑﻼﺻﺘﻬﺎ .. ﻭﻫﺪﻭﻙ ﻟﻲ ﺗﺎﺑﻌﻴﻨﻲ ﻋﻨﺪ ﺑﺎﻟﻬﻢ ﺃﻧﺎ ﺭﺍﻩ ﻣﻨﻴﻦ ﺩﺧﻠﺖ ﻟﻠﻌﻤﺎﺭﺓ ﻣﺨﺮﺟﺖ .. ﻫﻬﻪ ﻣﺎﻋﻠﻴﻨﺎ ﺟﻴﺖ ﺣﻄﻴﺖ ﺍﻟﻄﻮﻧﻮﺑﻴﻞ ﺩﻳﺎﻝ ﺃﻧﺎﺱ ﺣﺪﺍ ﻃﻮﻧﻮﺑﻴﻠﺘﻲ ﻭﻧﺎﺯﻟﺔ ﻛﻨﻀﺤﻚ .. ﻻﺧﺮ ﻟﻲ ﺣﺎﺿﻴﻨﻲ ﺗﺨﺒﻊ ﻭﻫﻮ ﻣﺼﺪﻭﻡ . ﺟﺎ ﺃﻧﺎﺱ ﻋﻄﻴﺘﻮ ﺍﻟﻄﻮﻧﻮﺑﻴﻞ .. ﻭﺷﻜﺮﺗﻮ .. ﻗﺎﻟﻲ ﻏﻲ ﺷﺮﺣﻲ ﻟﻴﺎ ﻗﺘﻠﻴﻪ ﺣﺘﺎﻝ ﻣﻦ ﺑﻌﺪ ﻭﻧﺸﺮﺡ ﻟﻴﻚ .. ﻏﻲ ﺩﺧﻠﺖ ﻟﻠﺪﺍﺭ ﺑﺪﺍ ﺗﻠﻴﻔﻮﻧﻲ ﻛﻴﺼﻮﻧﻲ .. ﺇﻳﺎﺩ ﻫﻮ ﻟﻲ ﻛﻴﺼﻮﻧﻲ ﺇﻳﺎﺩ ﻫﻮ ﻟﻲ ﻛﺎﻥ ﻛﻴﺼﻮﻧﻲ .. ﻫﻪ ﺑﺪﻳﺖ ﻛﻨﻀﺤﻚ .. ﺟﺎﻭﺑﺖ ﺃﻟﻮ .. ﻗﺎﻟﻲ ﺃﻟﻮ ﺩﺭﺗﻴﻬﺎ ﺑﻴﺎ ﻫﺎﺩ ﺍﻟﻤﺮﺓ .. ﻗﺘﻠﻴﻪ ﺑﻐﻴﺖ ﻧﻔﻬﻢ ﻋﻼﺵ ﺩﺍﻳﺮ ﻟﻲ ﻳﺘﺒﻌﻮﻧﻲ .. ﻗﺎﻟﻲ ﺻﺎﻓﻲ ﺇﻳﻼ ﻗﻠﻘﺎﺗﻚ ﻫﺎﺩ ﺍﻟﻘﻀﻴﺔ ﻛﻨﻮﺍﻋﺪﻙ ﻣﻐﺎﺩﻱ ﻧﺪﻳﺮ ﺣﺘﻰ ﺣﺪ ﻟﻲ ﻳﺘﺒﻌﻚ .. ﻏﺎﺩﻱ ﻧﺒﻘﻰ ﺗﺎﺑﻌﻚ ﻏﻲ ﺃﻧﺎ .. ﻗﺘﻠﻴﻪ ﺣﺘﻰ ﻧﺘﺎ ﻣﺘﺒﻌﻨﻴﺶ .. ﻗﺎﻟﻲ ﻻ ﺳﻤﺤﻴﻠﻲ ﻫﺎﺩﻱ ﻣﻨﻘﺪﺭﺵ ﻧﻮﺍﻋﺪﻙ ﺑﻴﻬﺎ .. ﺳﻜﺖ ﻭﻫﻮ ﻳﻘﻮﻝ .. ﻋﻼﺵ ﺩﺭﺗﻲ ﻫﺎﺩﺷﻲ ﻭﻋﻼﺵ ﺗﺒﺎﺩﻟﺘﻲ ﺑﺎﻟﻄﻮﻧﻮﺑﻴﻞ .. ﻗﺘﻠﻮ ﺣﻴﺖ ﻛﻨﺖ ﺑﻐﻴﺖ ﻧﺘﺄﻛﺪ ﻣﻦ ﺷﻲ ﺣﻮﺍﻳﺞ .. ﻭﺻﺎﻓﻲ ﺗﺄﻛﺪﺕ ﻣﻨﻬﻢ .. ﻗﺎﻟﻲ ﺷﻨﺎﻫﻤﺎ .. ﻗﺘﻠﻴﻪ ﺷﻔﺘﻚ ﻭﻟﻴﺘﻲ ﻛﺪﺧﻞ ﻓﻴﺎ ﺑﺰﺍﻑ .. ﻭﺃﻧﺎ ﻛﻨﻬﺪﺭ ﻣﻌﺎﻩ .. ﻛﻨﺴﻤﻊ ﺷﻲ ﻭﺣﺪﺓ ﻛﺘﻌﻴﻂ ﺇﻳﺎﺩ ﺇﻳﺎﺩ .. ﻗﺎﻟﻲ ﺳﻤﺤﻲ ﻟﻴﺎ ﺃﻧﺎ ﺷﻮﻳﺔ ﻧﻌﺎﻭﺩ ﻧﻌﻴﻄﻠﻚ .. ﻗﺘﻠﻮ ﻻ ﻣﺘﻌﺎﻭﺩﺵ ﺗﻌﻴﻂ ﻭﻫﺎﺩ ﺍﻟﻨﻤﺮﺓ ﻏﺎﺩﻱ ﻧﺤﻴﺪﻫﺎ .. ﺇﻳﻤﺎﻥ ﺍﻟﻠﻪ ﻳﻬﺪﻳﻚ ﺇﻳﻤﺎ....ﻃﻴﻂ ﻃﻴﻂ ﻃﻴﻂ .. ﻗﻄﻌﺖ ﻋﻠﻴﻪ ﻭﻃﻔﻴﺖ ﺍﻟﺘﻠﻔﻮﻥ . ﻫﺎﻱ ﻫﺎﻱ ﻋﻠﻰ ﻛﺤﻞ ﺍﻟﻌﻔﻄﺔ ﻣﻜﻴﻤﺮﻛﺶ ... ﻛﻴﻬﺪﺭ ﻣﻌﺎﻳﺎ ﻭﺣﺪﺍﻩ ﺻﺤﺒﺎﺗﻮ .. ﻳﺦ ﻣﻦ ﺍﻟﺮﺟﺎﻝ ﻭﻣﻴﺠﻲ ﻣﻨﻬﻢ .. ﺻﺎﻓﻲ ﻋﻠﻰ ﻏﺪ ﻟﻴﻪ ﻣﺸﻴﺖ ﻻﻓﺎﻙ .. ﻛﻨﺖ ﺑﻐﻴﺖ ﻧﻤﺸﻲ ﻧﺘﻐﺪﺍ .. ﺑﻐﻴﺖ ﻧﺘﻤﺸﻰ ﺷﻮﻳﺔ .. ﺧﻠﻴﺖ ﺍﻟﻄﻮﻧﻮﺑﻴﻞ ﺣﺪﺍ ﻻﻓﺎﻙ ﻭﻣﺸﻴﺖ ﻧﺘﻐﺪﺍ ﻋﻠﻰ ﺭﺟﻠﻲ .. ﺗﻐﺪﻳﺖ ﻭﻣﺸﻴﺖ ﺑﻘﻴﺖ ﻛﻨﺪﻭﺭ ﻋﻠﻰ ﺭﺟﻠﻲ .. ﺗﺒﻌﻨﻲ ﻭﺍﺣﺪ ﺍﻟﻮﺍﺣﺪ .. ﺯﻳﻦ ﺯﻳﻦ .. ﻧﺠﻲ ﻭﻻ ﺗﺠﻴﻨﻲ ﻓﺮﺍﺱ .. ﺧﺘﻲ ﻭﺍﺣﺪ ﺍﻟﺪﻗﻴﻘﺔ ﻋﻔﺎﻙ .. ﺃﻧﺎ ﺗﻌﺼﺒﺖ .. ﻭﻗﻔﺖ ﻧﺸﻮﻑ ﻃﺎﻛﺴﻲ ﺻﻐﻴﺮ ﻧﺮﺟﻊ ﺑﺤﺎﻟﻲ .. ﻭﻗﻒ ﻋﻠﻴﺎ .. ﻗﺎﻟﻲ ﻏﻲ ﺩﻗﻴﻘﺔ ﻋﻄﻴﻨﻲ ﻏﻲ ﻧﻤﺮﺓ .. ﻣﺠﺎﻭﺑﺘﺶ ﻭﺯﺩﺕ ﺷﺪﻧﻲ ﻓﻴﺪﻱ .. ﺣﺘﺎ ﻛﻴﺒﺎﻥ ﻟﻴﺎ ﻛﺤﻞ ﻟﻌﻔﻄﺔ ﺩﻓﻌﻮ .. ﻗﺎﻟﻴﻪ ﻣﺤﺸﻤﺘﻴﺶ .. ﻭ ﻫﻮ ﻳﻀﺮﺑﻮ .. ﻻﺧﺮ ﻧﺎﺽ ﻭﻫﺮﺏ .. ﻗﺘﻠﻴﻪ .. ﻭﺍﺵ ﻣﻐﺎﺩﻳﺶ ﺗﺒﻌﺪ ﻣﻨﻲ ﻓﻴﻨﻤﺎ ﻣﺸﻴﺖ ﺗﺎﺑﻌﻨﻲ .. ﻳﺎ ﺗﺎﺑﻌﻨﻲ ﻧﺘﺎ ﻳﺎ ﻣﺴﻴﻔﻂ ﺍﻟﺨﺪﺍﻣﺔ ﺩﻳﺎﻭﻟﻚ .. ﻗﺎﻟﻲ ﻻ ﻣﻐﺪﻳﺶ ﻧﺒﻌﺪ ﻋﻠﻴﻚ .. ﻧﻤﻮﺕ ﺇﻳﻼ ﺑﻌﺪﺕ ﻋﻠﻴﻚ .. ﺑﻘﻴﺖ ﻛﻨﻀﺤﻚ .. ﻗﺘﻠﻮ ﺑﺎﺭﺍﻛﺎ ﻣﻦ ﻫﺪﺭﺓ ﺩﻳﺎﻝ ﺍﻷﻓﻼﻡ .. ﻭﺯﺩﺕ .. ﺷﺪﻧﻲ ﻣﻦ ﻳﺪﻱ ﻗﺎﻟﻲ ﺃﺟﻲ ﻓﻴﻦ ﻏﺎﺩﺍ ﺭﺍﻩ ﺍﻟﻄﺮﻳﻖ ﺧﺎﻭﻳﺔ ﺩﺍﺑﺎ ﻳﺘﻠﻘﻰ ﻟﻴﻚ ﺷﻲ ﺣﺪ .. ﺃﺟﻲ ﻃﻠﻌﻲ ﻧﻮﺻﻠﻚ .. ﺃﻧﺎ ﻏﺎﺩﺍ ﺳﺎﻛﺘﺔ
ﺩﻳﺎﻝ ﺍﻷﻓﻼﻡ .. ﻭﺯﺩﺕ .. ﺷﺪﻧﻲ ﻣﻦ ﻳﺪﻱ ﻗﺎﻟﻲ ﺃﺟﻲ ﻓﻴﻦ ﻏﺎﺩﺍ ﺭﺍﻩ ﺍﻟﻄﺮﻳﻖ ﺧﺎﻭﻳﺔ ﺩﺍﺑﺎ ﻳﺘﻠﻘﻰ ﻟﻴﻚ ﺷﻲ ﺣﺪ .. ﺃﺟﻲ ﻃﻠﻌﻲ ﻧﻮﺻﻠﻚ .. ﺃﻧﺎ ﻏﺎﺩﺍ ﺳﺎﻛﺘﺔ ﻭﻣﻜﻨﺠﺎﻭﺑﺶ .. ﻫﻮ ﻳﻘﻮﻝ ﻃﻠﻌﻲ ﺑﺨﺎﻃﺮﻙ ﻭﻻ ﻧﻄﻠﻌﻚ ﺑﺰﺯ .. ﺟﺎ ﺟﺮﻧﻲ ﻣﻦ ﻳﺪﻱ ﻭ ﻃﻠﻌﻨﻲ .. ﻗﺘﻠﻴﻪ ﺁﺵ ﻫﺎﺩ ﺍﻟﺒﺴﺎﻟﺔ ﻋﻨﺪﺍﻙ ﻳﺴﺤﺎﺏ ﻟﻴﻚ ﺃﻧﺎ ﺑﺤﺎﻝ ﻫﺎﺩﻭﻙ ﺻﺤﺒﺎﺗﻚ .. ﻟﻲ ﻛﻞ ﻣﺮﺓ ﻃﺎﻟﻌﺔ ﻣﻌﺎﻙ ﻭﺣﺪﺓ ﻓﺸﻜﻞ ..ﺑﻘﺎ ﻛﻴﻀﺤﻚ .. ﺯﺩﻧﺎ ﻣﺸﻴﻨﺎ .. ﻗﺎﻟﻲ ﻋﺎﺩ ﻓﻬﻤﺖ ﻓﻴﻦ ﻛﻨﺘﻲ ﺍﻟﺒﺎﺭﺡ .. ﻗﺎﻟﻲ ﺗﺒﻌﺘﻴﻨﻲ .. ﻗﺘﻠﻴﻪ ﺁﻩ ﺗﺒﻌﺘﻚ ﺑﺎﺵ ﻧﺘﺄﻛﺪ ﻭ ﺑﺎﺵ ﻣﻨﻈﻠﻤﻜﺶ ﻣﻨﻴﻦ ﻧﺤﻜﻢ ﻋﻠﻴﻚ .. ﻭﺟﺒﺪﺕ ﺍﻟﺘﻠﻔﻮﻥ ﻭﺭﻳﺘﻮ ﺍﻟﺘﺼﺎﻭﺭ .. ﻫﻮ ﻳﺘﻌﺼﺐ ﻭ ﺳﻜﺖ .. ﻗﺘﻠﻴﻪ ﻭﻋﺮﻓﺖ ﺑﻴﻼ ﻛﻨﺘﻲ ﻋﻠﻰ ﻋﻼﻗﺔ ﺑﻬﺎﺩﻳﻚ ﺧﻴﺘﻲ ﻭﺗﺨﻠﻴﺘﻲ ﻋﻠﻴﻬﺎ .. ﻭﺷﻔﺖ ﻫﺎﺩﻳﻚ ﻟﻲ ﻫﺰﻳﺘﻲ ﻣﻦ ﺍﻟﻤﺤﻄﺔ .. ﺯﺍﺩ ﺗﻌﺼﺐ .. ﻗﺘﻠﻴﻪ ﺃﻧﺎ ﺭﺍﻩ ﻋﺮﻓﺘﻚ ﻧﺘﺎ ﺃﺷﻤﻦ ﻧﻮﻉ .. ﻭﺭﺍﻩ ﺃﻧﺎ ﻭﻳﺎﻙ ﻣﺴﺘﺤﻴﻞ ﻏﺎﺩﻱ ﻧﻜﻮﻧﻮ ﺑﺠﻮﺝ .. ﻏﻲ ﻫﻨﻲ ﺭﺍﺳﻚ .. ﻭﺣﺒﺲ ﻋﻠﻴﺎ ﻫﺎﺩ ﺍﻷﻓﻼﻡ ﺩﻳﺎﻝ ﺍﻟﺮﻭﻣﺎﻧﺴﻴﺔ ﺍﻟﺨﺎﻭﻳﺔ .. ﻗﺎﻟﻲ ﺳﺎﻟﻴﺘﻲ .. ﻗﺘﻠﻴﻪ ﺻﺎﻓﻲ ﺳﻠﻴﺘﻲ ﻭﻗﻠﺖ ﻟﻲ ﻋﻨﺪﻱ .. ﻗﺎﻟﻲ ﺩﺍﺑﺎ ﺳﻤﻌﻴﻨﻲ ﻣﺰﻳﺎﻥ....يتبع
ﺍﻟﺠﺰﺀ 11 ﻗﺎﻟﻲ ﺳﻤﻌﻴﻨﻲ ﻣﺰﻳﺎﻥ .. ﻫﺎﺩﻳﻚ ﺁﻩ ﻓﻌﻼ ﻛﻨﺖ ﻋﻠﻰ ﻋﻼﻗﺔ ﺑﻴﻬﺎ .. ﻭﻟﻜﻦ ﻋﻤﺮﻱ ﻭﺍﻋﺪﺗﻬﺎ ﺑﺸﻲ ﺣﺎﺟﺔ .. ﻫﻲ ﻋﺎﺭﻓﺔ ﻭﺃﻧﺎ ﻋﺎﺭﻑ ﺑﻴﻼ ﻏﻲ ﻛﻨﺪﻭﺯﻭ ﺍﻟﻮﻗﺖ .. ﺇﺫﻥ ﻣﺪﺭﺕ ﺣﺘﻰ ﺷﻲ ﺫﻧﺐ .. ﻓﻌﻼ ﺃﻧﺎ ﻛﻨﻌﺮﻑ ﺑﻨﺎﺕ ﺑﺰﺍﻑ .. ﻭﻟﻜﻦ ﻭﺍﻟﻠﻪ ﻣﻜﻨﺘﻔﻠﻰ ﻋﻠﻰ ﺷﻲ ﻭﺣﺪﺓ .. ﻣﻦ ﺍﻟﻮﻝ ﻛﻨﻘﻠﻴﻬﻢ ﺣﻨﺎ ﻏﻲ ﻏﺎﺩﻱ ﻧﺪﻭﺯﻭ ﺍﻟﻮﻗﺖ .. ﻭﻣﻜﻨﻮﺍﻋﺪﻫﻢ ﺑﻮﺍﻟﻮ .. ﻭﻫﺎﺩﻳﻚ ﻟﻲ ﺷﻔﺘﻴﻨﻲ ﻫﺰﻳﺘﻬﺎ ﻣﻦ ﺍﻟﻤﺤﻄﺔ .. ﺭﺍﻫﺎ ﺑﻨﺖ ﻋﻤﻲ ﻭ ﻣﺰﻭﺟﺔ .. ﻭﺟﺎﺕ ﻋﻨﺪﻱ ﻏﻲ ﺣﻴﺖ ﻋﻨﺪﻧﺎ ﻭﺍﺣﺪ ﺍﻟﻌﻤﻞ ﻣﺸﺘﺮﻙ .. ﺃﻧﺎ ﻭﺍﻟﻠﻪ ﺃ ﺇﻳﻤﺎﻥ ﻣﻦ ﻧﻬﺎﺭ ﺷﻔﺘﻚ .. ﺑﺪﻟﺖ ﻓﻴﺎ ﺷﺤﺎﻝ ﻣﻦ ﺣﺎﺟﺔ .. ﻭﻗﻠﺒﺖ ﻋﻠﻰ ﻛﻠﺸﻲ ﻭ ﻣﺒﻘﻴﺖ ﻛﻨﺴﻬﺮ ﻭﻣﺒﻘﻴﺖ ﻛﻨﺘﻼﻗﺎ ﺑﺤﺘﻰ ﻭﺣﺪﺓ .. ﺗﻴﻘﻲ ﺑﻴﺎ .. ﻗﺘﻠﻴﻪ ﺷﻮﻑ ﺃ ﺇﻳﺎﺩ ﺃﻧﺎ ﻗﻠﺖ ﻛﻠﻤﺔ ﻭﻣﻐﺎﺩﻳﺶ ﻧﻌﺎﻭﺩ ﻧﻘﻮﻟﻬﺎ .. ﺃﻧﺎ ﻭﻳﺎﻙ ﻣﻐﺎﺩﻳﺶ ﻧﻜﻮﻧﻮ ﺑﺠﻮﺝ ﺻﺎﻓﻲ ﺳﺪﺍﺕ ﻣﺪﺍﻡ .. ﻻ ﻧﺘﺎ ﺗﺼﻼﺡ ﻟﻴﺎ ﻭﻻ ﺃﻧﺎ ﻧﺼﻼﺡ ﻟﻴﻚ .. ﻭﺍﻟﻠﻪ ﺇﻳﻼ ﻛﻨﻘﻮﻝ ﻟﻴﻪ ﺑﺤﺎﻝ ﻫﺎﻛﺔ ﻭﻗﻠﺒﻲ ﻛﻴﺘﻘﻄﻊ ﻣﻦ ﺍﻟﺪﺍﺧﻞ .. ﻭﺣﺴﻴﺖ ﺑﺮﺍﺳﻲ ﺯﺩﺕ ﻓﻴﻪ ﺑﺰﺍﻑ .. ﻗﺎﻟﻲ ﻭﺍﺧﺎ ﻋﻠﻰ ﺧﺎﻃﺮﻙ .. ﻗﺘﻠﻴﻪ ﺻﺎﻓﻲ ﺣﻄﻨﻲ ﻫﻨﺎ .. ﻣﺒﻐﻴﺘﺶ ﻧﻌﺎﻭﺩ ﻧﺸﻮﻑ ﻭﺟﻬﻚ .. ﺣﻄﻨﻲ ﺟﻴﺖ ﻧﺎﺯﻟﺔ .. ﻫﻮ ﻳﻘﻮﻟﻲ ﺇﻳﻤﺎﻥ ﻛﻨﺒﻐﻴﻚ .. ﻧﺰﻟﺖ ﺳﺪﻳﺖ ﺍﻟﺒﺎﺏ ﺑﺠﻬﺪ .. ﻫﻮ ﺯﺍﺩ ﺑﻮﺍﺣﺪ ﺍﻟﺴﺮﻋﺔ ﺟﻨﻮﻧﻴﺔ .. ﺧﻔﺖ ﻋﻠﻴﻪ .. ﻏﻲ ﻧﺰﻟﺖ ﺑﺪﻳﺖ ﻛﻨﺒﻜﻲ .. ﻣﺪﻳﻮﺵ ﻋﻠﻴﺎ ﺭﺍﻧﻲ ﺣﺴﺎﺳﺔ ﺑﺰﺍﻑ ﻭﺩﻣﻮﻋﻲ ﻗﺮﺍﺏ .. ﻣﻌﻠﻴﻨﺎ ﻣﺸﻴﺖ ﻟﻄﻮﻧﻮﺑﻴﻠﺘﻲ .. ﻃﻠﻌﺖ ﺑﺪﻳﺖ ﻛﻨﺒﻜﻴﻴﻴﻴﻴﻴﻲ .. ﻭ ﻛﻨﻘﻮﻝ ﺇﻳﺎﺩ ﺣﺘﻰ ﺃﻧﺎ ﻛﻨﺒﻐﻴﻴﻴﻴﻴﻴﻚ .. ﻭﻟﻜﻦ ﻣﻨﻘﺪﺭﺵ ﻧﺴﺘﻤﺮ ﻣﻌﺎﻙ ﺭﺍﻙ ﻏﻲ ﻏﺎﺩﻱ ﺗﻌﺬﺑﻨﻲ .. ﺻﺎﻓﻲ ﻣﺸﻴﺖ ﻟﻠﺪﺍﺭ .. ﻛﻨﺖ ﻛﻨﻔﻜﺮ ﻧﻌﻴﻂ ﻟﻴﻪ ﻧﻌﺘﺬﺭ ﻣﻨﻮ ﻭﻧﻘﻮﻝ ﻟﻴﻪ ﺧﻠﻴﻨﺎ ﺃﺻﺪﻗﺎﺀ ﺃﺣﺴﻦ .. ﺟﺒﺪﺕ ﺍﻟﺘﻠﻔﻮﻥ ﻭﺑﻘﻴﺖ ﻣﺘﺮﺩﺩﺓ .. ﻭﺃﻧﺎ ﻧﻌﻴﻂ ﻟﻴﻪ ﻫﺰﻳﺖ ﺍﻟﺘﻠﻔﻮﻥ .. ﺩﻭﺯﺕ ﺍﻟﻨﻤﺮﺓ .. ﺇﻥ ﺧﻂ ﻣﺨﺎﻃﺒﻜﻢ ﻏﻴﺮ ﻣﺸﻐﻞ ﺣﺎﻟﻴﺎ ﺍﻟﻤﺮﺟﻮ ﺇﻋﺎﺩﺓ ﺍﻟﻨﺪﺍﺀ ﻻﺣﻘﺎ .. ﺑﻘﻴﺖ ﻛﻨﺼﻮﻧﻲ ﻟﻴﻞ ﻛﺎﻣﻞ ﺃﻭ ﻭﺍﻟﻮ .. ﺻﺎﻓﻲ ﻫﻨﺎ ﺑﺪﻳﺖ ﻛﻨﺤﻤﺎﻕ .. ﻭﻛﻨﺤﻂ ﺍﻓﺘﺮﺿﺎﺕ .. ﻳﻜﻤﺎ ﻃﺮﺍﺕ ﻟﻴﻪ ﺷﻲ ﺣﺎﺟﺔ .. ﻳﺎﻛﻤﺎ ﺻﺎﻓﻲ ﻣﻐﺎﺩﻳﺶ ﻳﻌﺎﻭﺩ ﻳﺴﻮﻝ ... ﻟﻴﻞ ﻣﻨﻌﺴﺘﻮﺵ .. ﻏﻲ ﻓﻘﺖ ﺍﻟﺼﺒﺎﺡ ﻫﺰﻳﺖ ﺍﻟﻄﻮﻧﻮﺑﻴﻞ .. ﻃﺮﻳﻖ ﻭﺣﺪﺓ ﺣﺘﺎﻝ ﺍﻟﻘﻬﻮﺓ .. ﺩﺧﻠﺖ ﻟﻠﻘﻬﻮﺓ ﻛﻨﻘﻠﺐ ﺑﺤﺎﻝ ﺍﻟﺤﻤﻘﺔ .. ﻣﺸﻴﺖ ﻋﻨﺪ ﺍﻟﺴﺮﺑﺎﻱ .. ﻗﺘﻠﻴﻪ ﻋﻔﺎﻙ ﻛﺎﻳﻦ ﺍﻟﺸﺎﻑ ﺩﻳﺎﻟﻜﻢ ... ﻗﺎﻟﻲ ﺁﻩ ﻛﺎﻳﻦ .. ﻣﺸﺎ ﻳﻌﻴﻂ ﻟﻴﻪ .. ﻣﻨﻴﻦ ﺟﺎ ﺍﻟﺸﺎﻑ ﺩﻳﺎﻟﻬﻢ.. ﻣﺎﺷﻲ ﺇﻳﺎﺩ .. ﻗﺘﻠﻴﻬﻢ ﻻ ﺃﻧﺎ ﻛﻨﺴﻮﻝ ﻋﻠﻰ ﺳﻲ ﺇﻳﺎﺩ ﻣﻮﻝ ﺍﻟﺸﻲ .. ﻗﺎﻟﻲ ﺁﻩ ﻻ ﺳﻲ ﺇﻳﺎﺩ ﺭﺍﻩ ﻏﺎﺩﻱ ﻳﻜﻮﻥ ﺳﺎﻓﺮ ﺩﺍﺑﺎ ﻟﻔﺮﻧﺴﺎ .. ﻏﺎﺩﻱ ﻳﺴﺘﻘﺮ ﺗﻤﺎ .. ﻭﺃﻧﺎ ﺩﺍﺑﺎ ﻭﻛﻠﻨﻲ ﺑﺎﺵ ﻧﺴﻴﺮ ﺍﻟﻘﻬﻮﺓ .. ﻗﺘﻠﻴﻪ ﻗﺮﻳﺐ ﻏﺎﺩﻱ ﻳﺮﺟﻊ ﻳﺎﻙ .. ﻗﺎﻟﻲ ﻻ ﻣﻨﻈﻨﺶ ﺻﺎﻓﻲ ﻣﺸﺎ ﺑﻤﺮﺓ .. ﺣﻴﺖ ﺃﺻﻼ ﻭﺍﻟﻴﺪﻳﻪ ﻋﺎﻳﺸﻴﻦ ﺗﻤﺎ .. ﻣﺘﺨﻴﻠﻮﺵ ﺑﺎﺵ ﺣﺴﻴﺖ .. ﻃﺎﺡ ﻟﻴﺎ ﺍﻟﻄﻮﻧﺴﻴﻮﻥ ﻭﺻﻔﺎﺭﻳﺖ .. ﻣﺸﻴﺖ ﻛﻨﺠﺮﻱ ﻟﻄﻮﻧﻮﺑﻴﻞ ﻭﺟﻠﺴﺖ ﻛﻨﺒﻜﻲ .. ﺻﺎﻓﻲ ﺃ ﺇﻳﺎﺩ ﻫﺎﺩﺷﻲ ﻟﻲ ﺑﻐﻴﺘﻲ .. ﺻﺎﻓﻲ ﻋﻠﻘﺘﻴﻨﻲ ﻓﻴﻚ ﻭ ﻣﺸﻴﺘﻲ .. ﻟﻤﻦ ﺧﻠﺘﻴﻨﻲ ﺩﺍﺑﺎ .. ﻳﻌﻠﻢ ﺍﻟﻠﻪ ﻭﻗﺘﺎﺵ ﻏﺎﺩﻱ ﻧﻌﺎﻭﺩ ﻧﺸﻮﻓﻚ .. ﻗﻠﺒﻲ ﻣﺸﺎ ﻣﻌﺎﻙ ﺃ ﺇﻳﺎﺩ .. ﻭﻟﻜﻦ ﺃﻧﺎ ﺍﻟﺴﺒﺐ ﻧﺴﺘﺎﻫﻞ ﺃﻧﺎ ﻟﻲ ﻣﻌﻄﻴﺘﻜﺶ ﻓﺮﺻﺔ .. ﻭﻟﻜﻦ ﻛﻮﻥ ﻛﻨﺘﻲ ﻛﺘﺒﻐﻴﻨﻲ ﺑﺼﺢ ﺭﺍﻙ ﻣﺘﺨﻼﺵ ﻋﻠﻴﺎ ... ﺑﻘﻴﺖ ﻛﻨﺒﻜﻴﻴﻴﻲ .. ﻭﻗﻠﺒﻲ ﻛﻴﺘﻘﻄﻊ .. ﺭﺟﻌﺖ ﺑﺤﺎﻟﻲ .. ﻃﺮﻳﻖ ﻛﺎﻣﻠﺔ ﻛﻨﺒﻜﻲ .. ﺩﺧﻠﺖ ﻟﻠﺪﺍﺭ .. ﺣﺎﻭﻟﺖ ﻣﻨﺒﻴﻦ ﻟﻴﻬﻢ ﻭﺍﻟﻮ .. ﺩﺧﻠﺖ ﻟﺒﻴﺘﻲ ﺑﺪﻳﺖ ﻛﻨﺒﻜﻲ .. ﺟﺒﺪﺕ ﺍﻟﺘﻠﻔﻮﻥ ... ﻳﺘﺒﻊ
ﻗﺼﺔ #ﺇﻳﻤﺎﻥ_ﻭﻛﺤﻞ_ﺍﻟﻌﻒﻃﺔ ﺍﻟﺠﺰﺀ 12 ﺟﺒﺪﺕ ﺍﻟﺘﻠﻔﻮﻥ .. ﺑﺪﻳﺖ ﻛﻨﺸﻮﻑ ﻫﺪﻭﻙ ﺍﻟﺘﺼﺎﻭﺭ ﻟﻲ ﻛﻨﺖ ﺻﻮﺭﺗﻬﻢ ﻟﻴﻪ ﻣﻊ ﻫﺪﻭﻙ ﺧﻴﺎﺗﻲ.. ﻛﻨﺸﻮﻑ ﻓﻴﻬﻢ ﻭﻛﻨﺒﻜﻲ .. ﻣﺒﻘﻴﺖ ﻛﻨﺎﻛﻞ .. ﻭﻟﻴﺖ ﺣﺰﻳﻨﺔ ﻭﻏﻲ ﺳﺎﺩﺓ ﻋﻠﻴﺎ .. ﺩﺍﺯﺕ ﺷﻬﺮ ﻣﻨﻴﻦ ﻣﺸﺎ .. ﻗﻠﺖ ﻧﻤﺸﻲ ﻧﺴﻮﻝ ﻓﺎﻟﻘﻬﻮﺓ .. ﺣﻴﺖ ﻳﻘﺪﺭ ﻳﻜﻮﻥ ﻛﻴﻌﻴﻂ ﺑﺎﺵ ﻳﺴﻮﻝ ﻋﻠﻰ ﺍﻟﺨﺪﻣﺔ .. ﻳﻌﻄﻴﻮﻧﻲ ﻏﻲ ﻧﻤﺮﺗﻮ ﺃﻧﺎ ﻧﻌﻴﻂ ﻟﻴﻪ .. ﻭﻓﻌﻼ ﻣﺸﻴﺖ .. ﻭﺟﻴﺖ ﺩﺍﺧﻠﺔ ﺍﻟﻘﻬﻮﺓ .. ﻣﺸﻴﺖ ﻋﻨﺪ ﺍﻟﺴﺮﺑﺎﻱ .. ﺍﻟﺴﻼﻡ ﺑﻼ ﺷﻚ ﻋﻘﻠﺘﻲ ﻋﻠﻴﺎ.. ﻗﺎﻟﻲ ﺁﻩ ﺃﺧﺘﻲ .. ﺇﻳﻮﺍ ﺍﻟﺒﺎﺭﺍﻛﺎ ﻓﺮﺍﺳﻨﺎ ﺭﺍﻩ ﺗﻜﻮﻳﻨﺎ ﻛﺎﻣﻠﻴﻦ .. ﻣﺴﺘﻮﻋﺒﺘﺶ ﺷﻨﻮ ﻗﺎﻝ .. ﻗﺘﻠﻴﻪ .. ﻻ ﺃﻧﺎ ﻏﻲ ﺑﻐﻴﺖ ﻧﻤﺮﺗﻮ ﺩﻳﺎﻝ ﻓﺮﺍﻧﺴﺎ ﺑﺎﺵ ﻧﻌﻴﻄﻠﻮ .. ﺑﻘﺎ ﻛﻴﺸﻮﻑ ﻓﻴﺎ .. ﻗﺎﻟﻲ ﺃﺧﺘﻲ ﺭﺍﻩ ﺳﻲ ﺇﻳﺎﺩ ﺍﻟﻠﻪ ﻳﺮﺣﻤﻮ .. ﺑﺪﻳﺖ ﻛﻨﻀﺤﻚ ﻗﺘﻠﻴﻪ ﻫﺎ ﺿﺤﻚ ﺍﻟﺒﺎﺳﻞ .. ﻗﺘﻠﻴﻪ ﻛﻠﻢ ﻟﻴﺎ ﺍﻟﺸﺎﻑ ﺩﻳﺎﻟﻜﻢ ﻳﻌﻄﻴﻨﻲ ﻧﻤﺮﺓ .. ﺣﻂ ﺭﺍﺳﻮ ﻭ ﻣﺸﺎ ﻛﻠﻤﻮ .. ﺟﺎ ﻋﻨﺪﻱ ﺃﻭ ﻭﺟﻬﻮ ﺻﻔﺮ .. ﻗﺘﻠﻴﻪ ﺍﻟﻠﻪ ﻳﺨﻠﻴﻚ ﺍﻟﻨﻤﺮﺓ ﺩﻳﺎﻝ ﺇﻳﺎﺩ ﺿﺮﻭﺭﻱ .. ﻗﺎﻟﻲ ﺃﺧﺘﻲ ﺭﺍﻩ ﺳﻲ ﺇﻳﺎﺩ ﺍﻟﻠﻪ ﻳﺮﺣﻤﻮ ﺭﺍﻩ ﺩﺍﺭ ﻛﺴﻴﺪﺓ ﺧﻴﺒﺔ ﻓﻔﺮﻧﺴﺎ ﻭﺗﻮﻓﻰ .. ﺭﺍﻩ ﺟﻮﺝ ﺳﻴﻤﺎﻧﺎﺕ ﻫﺎﺩﻱ ﺑﺎﺵ ﻣﺎﺕ .. ﺑﺪﻳﺖ ﻛﻨﻀﺤﻚ .. ﻗﺘﻠﻴﻪ ﻭﻳﻠﻲ ﺍﻟﻠﻪ ﻳﻨﺠﻴﻪ ﻫﺎﺩﺷﻲ ﺑﺎﺵ ﻛﺘﻔﺎﻳﻠﻮ ﻋﻠﻴﻪ .. ﻗﺘﻠﻴﻪ ﻫﻮ ﻟﻲ ﻣﻮﺻﻴﻜﻢ ﻳﺎﻙ .. ﺷﻮﻑ ﻏﻲ ﻋﻴﻄﻠﻮ ﻧﺘﺎ ﻭﻗﻮﻟﻴﻪ ﻳﻌﻴﻂ ﻟﻴﺎ ﺿﺮﻭﺭﻱ .. ﻭﺩﺭﺕ ﻭ ﺟﻴﺖ ﻏﺎﺩﺍ .. ﻗﺎﻟﻲ ﺁﺧﺘﻲ ﻭﺑﺪﺍ ﻛﻴﺒﻜﻲ ﻭ ﺍﻟﺴﺮﺑﺎﻱ ﻛﻴﺒﻜﻲ .. ﺧﺘﻲ ﺳﻲ ﺇﻳﺎﺩ ﺭﺍﻩ ﻋﻄﺎﻧﺎ ﻋﻤﺮﻭ ﺭﺍﻩ ﺗﻮﻓﻰ .. ﻭﻣﺒﻘﻰ ﻟﻴﻨﺎ ﻏﻲ ﻧﺪﻋﻴﻮ ﻣﻌﺎﻩ ﺑﺎﻟﺮﺣﻤﺔ .. ﺑﺪﻳﺖ ﻛﻨﻀﺤﻚ ﻭ ﻛﻨﺒﻜﻲ .. ﻗﺎﻟﻴﺎ ﺍﻟﻠﻪ ﻳﺼﺒﺮﻧﺎ ﻛﺎﻣﻠﻴﻦ .. ﻗﺘﻠﻴﻪ ﻻ ﻣﻴﻤﻜﻨﺶ .. ﻻ ﻣﻴﻤﻜﻨﺶ ﻫﺎﺩﺷﻲ ﻳﺴﺎﻟﻲ ﻫﺎﻛﺎ .. ﻫﻮ ﻏﻲ ﻣﺴﺎﻓﺮ ﻭﻏﺎﺩﻱ ﻳﺮﺟﻊ .. ﻗﺎﻟﻲ ﻳﺎ ﺭﻳﻴﻴﻴﻴﺖ ﺃﺧﺘﻲ .. ﻭﻟﻜﻦ ﻗﺪﺭ ﺍﻟﻠﻪ ﻣﺎ ﺷﺎﺀ ﻓﻌﻞ .. ﺍﻟﻠﻪ ﻳﺼﺒﺮﻙ ﺃﺧﺘﻲ .. ﺩﻋﻲ ﻟﻴﻪ ﺑﺎﻟﺮﺣﻤﺔ .. ﺑﺪﻳﺖ ﻛﻨﻐﻮﺕ ﻭﻛﻨﺒﻜﻲ .. ﻭﻫﻤﺎ ﺷﺪﻭﻧﻲ ﻭ ﻛﻴﺮﺷﻮ ﻋﻠﻴﺎ ﺍﻟﻤﺎﺀ .. ﺑﺪﻳﺖ ﻛﻨﺘﻤﺮﻣﺪ ﻟﻴﻬﻢ ﺗﻤﺎ .. ﻭﻛﻨﺒﻜﻲ .. ﺷﻲ ﺳﺎﻋﺘﻴﻦ ﻭ ﻫﻤﺎ ﻛﺴﻜﺘﻮ ﻓﻴﺎ .. ﻫﺪﺍﻙ ﺍﻟﺸﺎﻑ ﻗﺎﻟﻲ ﻳﺎﻟﻠﻪ ﺃﺧﺘﻲ ﻧﻮﺻﻠﻚ ﻟﺪﺍﺭﻛﻢ .. ﺁﺭﻱ ﺍﻟﺴﻮﺍﺭﺕ .. ﻧﺘﻲ ﻣﺘﻘﺪﺭﻳﺶ ﺗﺴﻮﻗﻲ ﻓﻬﺎﺩ ﺍﻟﺤﺎﻟﺔ .. ﻣﺸﻴﺖ ﺭﻛﺒﺖ .. ﺗﺼﺪﻣﺖ ﺩﻣﻮﻋﻲ ﺣﺒﺴﻮ ..ﻣﻜﻨﻬﺪﺭﺵ .. ﺣﺪﻱ ﻛﻨﻬﺪﺭ ﻛﻨﻮﺭﻳﻪ ﺍﻟﻄﺮﻳﻖ ﺩﻣﻌﺔ ﻣﺒﻘﺎﺕ ﺑﻐﺎﺕ ﺗﻨﺰﻝ .. ﻭﺻﻠﻨﻲ ﻗﺎﻟﻲ ﺍﻟﻠﻪ ﻳﺼﺒﺮﻙ .. ﻋﻄﺎﻧﻲ ﺳﻮﺍﺭﺕ .. ﻭﻣﺸﺎ .. ﻃﻠﻌﺖ ﺍﻟﺪﺍﺭ .. ﺩﺧﻠﺖ ﻟﺒﻴﺘﻲ ﺟﺎﺕ ﻣﺎﻣﺎ ... ﻳﺘﺒﻊ
ﻗﺼﺔ #ﺇﻳﻤﺎﻥ_ﻭﻛﺤﻞ_ﺍﻟﻌﻒﻃﺔ ﺍﻟﺠﺰﺀ 13 ﻣﺎﻣﺎ ﺟﺎﺕ ﻋﻨﺪﻱ ﻣﺨﻠﻮﻋﺔ .. ﻗﺎﺗﻠﻲ ﻣﺎﻟﻚ ﺍ ﺇﻳﻤﺎﻥ .. ﻋﻨﻘﺘﻬﺎ ﻛﻨﺒﻜﻲ .. ﻣﺎﺕ ﺃ ﻣﺎﻣﺎ ﻣﺎﺍﺍﺍﺍﺍﺍﺕ .. ﺧﻼﻧﻲ ﺃﻣﺎﻣﺎ .. ﺷﻜﻮﻥ ﺃﺑﻨﺘﻲ .. ﺇﻳﺎﺩ ﺃﻣﺎﻣﺎ ﺇﻳﺎﺍﺍﺍﺍﺍﺍﺩ ﻣﺎﺍﺍﺍﺕ ﻭ ﺧﻼﻧﻲ .. ﺑﺪﻳﺖ ﻛﻨﻌﺎﻭﺩ ﻟﻴﻬﺎ ﺑﺎﻟﺘﻔﺎﺻﻴﻞ .. ﺣﻴﺖ ﻛﻨﺖ ﺷﺤﺎﻝ ﻣﻌﻮﺩﺕ ﻟﻴﻬﺎ .. ﺑﺪﺍﺕ ﻛﺘﺒﻜﻲ ﻭ ﻛﺘﺼﺒﺮ ﻓﻴﺎ .. ﺟﺎﺑﺖ ﻟﻴﺎ ﻭﺍﺣﺪ ﺍﻟﻤﻬﺪﺉ ﺷﺮﺑﺘﻮ ﻋﺎﺩ ﺟﺎﻧﻲ ﻧﻌﺎﺱ .. ﺑﺪﻳﺖ ﻛﻨﺤﻠﻢ ﺑﻴﻪ .. ﺟﺎﻱ ﻛﻴﻘﻮﻟﻲ ﻛﻨﺒﻐﻴﻚ ﻭ ﻣﻨﺴﺎﻛﺶ ﺃ ﺇﻳﻤﺎﻥ ﻭﺍﺧﺎ ﻧﻜﻮﻥ ﺗﺤﺖ ﺍﻟﺘﺮﺍﺏ .. ﻓﻘﺖ ﻛﻨﻐﻮﺕ ﺇﻳﺎﺩ ﺇﻳﺎﺩ .. ﺑﺪﻳﺖ ﻛﻨﺒﻜﻲ ﻋﻮﺗﺎﻧﻲ .. ﻣﺒﻘﻴﺖ ﻛﻨﺎﻛﻞ .. ﻣﺒﻘﻴﺖ ﻛﻨﻘﺮﻯ .. ﻏﻲ ﻛﻨﺨﺮﺝ ﻭﻧﻤﺸﻲ ﺷﻲ ﺑﻼﺻﺔ ﻭﻧﺒﻘﺎ ﺟﺎﻟﺴﺔ ﻭﻛﻨﺒﻜﻲ .. ﺑﺪﻳﺖ ﻛﻨﺘﺨﻴﻠﻮ ﺩﻳﻤﺎ .. ﻣﺸﻴﺖ ﻟﻠﻤﻘﺎﺑﺮ .. ﺑﻄﺒﻴﻌﺔ ﺍﻟﺤﺎﻝ ﻫﻮ ﻣﺘﻔﻨﺶ ﻫﻨﺎ .. ﻭﻟﻜﻦ ﻛﻨﻤﺸﻲ ﻭﻛﻨﺒﻘﻰ ﻧﻐﻮﺕ .. ﻋﻔﺎﺍﺍﻛﻢ ﻛﺎﻉ ﻟﻲ ﻣﻴﺘﻴﻦ ﻓﻬﺎﺩ ﺍﻟﻘﺒﺮ .. ﺳﻠﻤﻮ ﻟﻴﺎ ﻋﻠﻰ ﺇﻳﺎﺩ ﻭ ﻗﻮﻟﻮﻟﻮ ﻛﻨﺒﻐﻴﻪ ﻭ ﺭﺍﻩ ﺗﻮﺣﺸﺘﻮ . . ﻋﻔﺎﻛﻢ ﺳﻠﻤﻮ ﻋﻠﻴﻪ .. ﻭﺟﺎﻭ ﺍﻟﻨﺎﺱ ﺑﻘﺎﻭ ﻛﻴﺼﺒﺮﻭ ﻓﻴﺎ .. ﺩﺍﺯﺕ ﺷﻬﺮ ﻭﻟﻴﺖ ﺣﺎﻟﺘﻲ ﺣﺎﻟﺔ .. ﻭﻟﻴﺖ ﻣﺮﻳﻀﺔ .. ﻣﺒﻘﻴﺖ ﻧﻬﺪﺭ ﻣﻊ ﺣﺘﺎ ﺣﺪ .. ﻣﺎﻣﺎ ﻣﺴﻜﻴﻨﺔ ﻛﺎﻧﺖ ﺧﺎﻳﻔﺔ ﻟﻨﺪﻳﺮ ﻓﺮﺍﺳﻲ ﺷﻲ ﺣﺎﺟﺔ .. ﻭﻛﻮﻥ ﻣﻜﺎﻥ ﺧﻮﻓﻲ ﻣﻦ ﺍﻟﻠﻪ ﻛﻨﺖ ﻏﺎﺩﻱ ﻧﺪﻳﺮ ﻓﺮﺍﺳﻲ ﺷﻲ ﺣﺎﺟﺔ .. ﺧﺮﺟﺖ ﻛﻨﺘﻤﺸﻰ ﻭﻛﻨﺒﻜﻲ .. ﻃﺎﺡ ﻟﻴﺎ ﺍﻟﻄﻮﻧﺴﻴﻮﻥ .. ﻭﺳﺨﻔﺖ ﻭﻃﺤﺖ ﻓﻲ ﺍﻟﺰﻧﻘﺔ .... ﻳﺘﺒﻊ
ﻗﺼﺔ #ﺇﻳﻤﺎﻥ_ﻭﻛﺤﻞ_ﺍﻟﻌﻒﻃﺔ ﺍﻟﺠﺰﺀ 14 ماقبل الأخير ﻃﺤﺖ ﻓﺎﻟﺰﻧﻘﺔ .. ﻣﻌﻘﻠﺘﺶ ﻋﻠﻰ ﺭﺍﺳﻲ .. ﺣﻠﻴﺖ ﻋﻴﻨﻲ.. ﻟﻘﻴﺖ ﺭﺍﺳﻲ ﻓﺎﻟﻄﺒﻴﺐ .. ﻟﻘﻴﺖ ﺇﻳﺎﺩ ﻭﺍﻗﻒ ﻋﻠﻰ ﺭﺍﺳﻲ .. ﺣﻠﻴﺖ ﻋﻴﻨﻲ ﻭﺳﺪﻳﺘﻬﻢ .. ﻋﺎﻭﺩﺕ ﺣﻠﻴﺘﻬﻢ ﻭﺳﺪﻳﺘﻬﻢ .... ﺑﺪﻳﺖ ﻛﻨﺒﻜﻲ ﻋﻨﺪ ﺑﺎﻟﻲ ﻋﻮﺗﺎﻧﻲ ﻛﻨﺘﺨﻴﻠﻮ .. ﻭﻟﻜﻦ ﻻ ﻣﻜﻨﺘﺨﻴﻠﺶ ﻫﻮ .. ﺁﻩ ﻫﻮ .. ﺑﺪﺍ ﻛﻴﺒﻜﻲ ﻭ ﻛﻴﻘﻮﻟﻲ ﺳﻤﺤﻲ ﻟﻴﺎ .. ﻭﻛﻴﻤﺴﺢ ﻟﻴﺎ ﺩﻣﻮﻋﻲ .. ﻣﻘﺪﺭﺗﺶ ﻧﺸﺪ ﺭﺍﺳﻲ .. ﻧﻀﺖ ﻛﻨﻌﻨﻖ ﻓﻴﻪ ﻭﻛﻨﺒﻜﻲ .. ﻭﺣﺘﻰ ﻫﻮ ﻛﻴﺒﻜﻲ .. ﻗﺘﻠﻴﻪ ﻋﻼﺵ ﺃ ﺇﻳﺎﺩ ﺩﺭﺗﻲ ﻟﻴﺎ ﻫﺎﻛﺎ ﻋﻼﺵ ﻋﺬﺑﺘﻴﻨﻲ .. ﻋﻼﺵ .. ﻗﺎﻟﻲ ﻛﻨﺖ ﻣﻀﻄﺮ ﻧﺠﺮﺑﻚ .. ﺑﺎﺵ ﻧﻌﺮﻓﻚ ﻭﺍﺵ ﻓﻌﻼ ﻛﺘﺒﻐﻴﻨﻲ .. ﻭ ﺑﺎﺵ ﺣﺘﻰ ﻧﺘﻲ ﺗﺤﺴﻲ ﺑﺎﻟﺤﺐ ﺗﺠﺎﻫﻲ ﻭﺗﺄﻛﺪﻱ ﻣﻨﻮ .. ﺳﻤﺤﻲ ﻟﻴﺎ ﺃ ﺇﻳﻤﺎﻥ .. ﺻﺎﻓﻲ ﻭﺍﻟﻠﻪ ﻣﻨﻌﺎﻭﺩ ﻧﺨﻠﻴﻚ .. ﺃﻧﺎ ﻣﻌﺎﻙ ﻭ ﻏﺎﺩﻱ ﻧﺒﻘﻰ ﻣﻌﺎﻙ .. ﻛﻨﺒﻐﻴﻚ ﺍﻟﺒﻜﺎﻳﺎ ﺩﻳﺎﻟﻲ .. ﻛﻨﺒﻐﻴﻚ ﺃﻛﺤﻞ ﺍﻟﻌﻔﻄﺔ .. ﻳﺎﻻﻩ ﺃ ﺣﺒﻴﺒﺔ .. ﻧﻮﺿﻲ ﻧﻮﺻﻠﻚ ﺍﻟﺪﺍﺭ ﻗﺒﻞ ﻣﻴﺘﺨﻠﻌﻮ ﻋﻠﻴﻚ .. ﺃﻭ ﻭﺟﺪﻱ ﺭﺍﺳﻚ . ﻣﺎﻣﺎ ﻭ ﺧﻮﺍﺗﺎﺗﻲ ﺑﺎﻏﻴﻦ ﻳﺘﻠﻘﺎﻭ ﺑﻴﻚ ﻏﺪﺍ .. ﺻﺪﻣﻨﻲ .. ﻗﺎﻟﻲ ﺇﻳﻤﺎﻥ ﻗﺎﺑﻠﺔ ﺗﺰﻭﺟﻲ ﺑﻴﺎ .. ﺑﺪﻳﺖ ﻛﻨﺒﻜﻲ ﻋﻮﺗﺎﻧﻲ .. ﺁﻩ ﺁﻩ ﺁﻩ ﻗﺎﺑﻠﺔ .. ﻭﻣﺸﻴﺖ ﻟﻠﺪﺍﺭ ﻏﺎﺩﻱ ﻧﺘﺴﻄﻰ ﺑﺎﻟﻔﺮﺣﺔ .. ﺩﺍﺧﻠﺔ ﻛﻨﺰﻏﺮﺕ ﺑﺤﺎﻝ ﺍﻟﺤﻤﻘﺔ .. ﻣﺎﻣﺎ ﺷﺎﻓﺘﻨﻲ ﺑﺪﺍﺕ ﻛﺘﺒﻜﻲ ﻋﻨﺪ ﺑﺎﻟﻬﺎ ﺣﻤﺎﻗﻴﺖ .. ﻋﻨﻘﺘﻬﺎ .. ﻗﺘﻠﻴﻬﺎ ﻣﺎﻣﺎ ﺇﻳﺎﺩ ﻣﺎﻣﺎﺗﺶ ﻣﺎﻣﺎﺗﺶ .. ﺯﺍﺩﺕ ﻛﺘﺒﻜﻲ ﻭ ﺗﻐﻮﺕ .. ﺍﻟﻠﻪ ﻳﺎﺭﺑﻲ ﺍﻟﻠﻪ ﺑﻨﺘﻲ ﻣﺸﺎﺕ .. ﻭ ﺃﻧﺎ ﻛﻨﻀﺤﺎﻙ .. ﻗﺘﻠﻴﻬﺎ ﻭﺍﻟﻠﻪ ﺃﻣﺎﻣﺎ ﺣﺘﻰ ﻛﻨﻬﺪﺭ ﺑﺼﺢ .. ﺣﺎﻭﻟﺖ ﻧﻬﺪﻧﻬﺎ .. ﻭﺷﺮﺣﺖ ﻟﻴﻬﺎ .. ﻛﻠﺸﻲ .. ﻓﺮﺣﺎﺕ ﻭﻟﻜﻦ ﻗﺎﺗﻠﻴﺎ ﻭﺍﺧﺎ ﻓﻴﻪ ﻛﺎﻥ ﻏﺎﺩﻱ ﻳﺤﻤﻘﻚ .. ﻟﻴﻞ ﻛﺎﻣﻞ ﻭ ﺃﻧﺎ ﻛﻨﻬﺪﺭ ﻣﻌﺎﻩ ﻓﺎﻟﺘﻠﻔﻮﻥ .. ﻧﻌﺴﺖ ﻭ ﻓﻘﺖ ﺍﻟﺼﺒﺎﺡ ﺑﺎﺵ ﻧﺘﻼﻗﻰ ﺑﻤﺎﻣﺎﻩ ﻭ ﺧﻮﺍﺗﺎﺗﻮ ..ﺧﺮﺟﺖ ﻣﻦ ﺍﻟﺪﺍﺭ .... ﻳﺘﺒﻊ
ﻗﺼﺔ #ﺇﻳﻤﺎﻥ_ﻭﻛﺤﻞ_ﺍﻟﻌﻒﻃﺔ ﺍﻟﺠﺰﺀ 15 والأخير ﺧﺮﺟﺖ ﻣﻦ ﺍﻟﺪﺍﺭ ﻟﻘﻴﺖ ﻣﻮﻝ ﺍﻟﻮﺭﺩ ﻛﻴﺘﺴﻨﺎﻧﻲ .. ﻭﻛﻴﻀﺤﺎﺍﺍﺍﺍﺍﻙ .. ﻗﺎﻟﻲ ﻣﺒﺮﻭﻙ ﻋﻠﻴﻜﻢ .. ﻗﺘﻠﻮ ﺍﻟﻠﻪ ﻳﺒﺎﺭﻙ ﻓﻴﻚ .. ﻋﻴﻂ ﻟﻴﺎ ﺇﻳﺎﺩ .. ﻗﺎﻟﻲ ﺻﺒﺎﺡ ﺍﻟﺨﻴﺮ ﺃﻣﻮﻧﺘﻲ .. ﻭﻋﻄﺎﻧﻲ ﺍﻟﻌﻨﻮﺍﻥ ﻓﻴﻦ ﻏﺎﺩﻱ ﻧﺘﻼﻗﺎﻫﻢ .. ﻣﺸﻴﺖ ﺗﻼﻗﻴﺘﻬﻢ ﻓﻮﺍﺣﺪ ﺍﻟﻘﻬﻮﺓ .. 2 ﺧﻮﺍﺗﺎﺗﻮ ﻛﻴﺴﻠﻤﻮ ﻭﻛﻴﻌﻨﻘﻮ ﻓﻴﺎ .. ﻣﺎﻣﺎﻩ ﺣﺘﻰ ﻫﻲ .. ﻗﺎﺗﻠﻴﺎ ﺃﻭﻝ ﺣﺎﺟﺔ ﻏﺎﺩﻱ ﻧﻘﻮﻝ ﻟﻴﻚ ﺷﻜﺮﺍ .. ﺣﻴﺖ ﺑﺴﺒﺎﺑﻚ ﻭﻟﺪﻱ ﺩﺍﺭ ﻋﻘﻠﻮ .. ﻣﻬﻴﻢ ﺩﻭﺯﻧﺎ ﻧﻬﺎﺭ ﺯﻭﻳﻦ ﺧﺮﺟﻨﺎ ﺩﺭﻧﺎ ﻭ ﺿﺤﻜﻨﺎ ﻭ ﺗﻌﺮﻓﻨﺎ ﻭ ﺭﺗﺎﺣﻴﺖ ﻟﻴﻬﻢ ﻭ ﺭﺗﺎﺣﻮ ﻟﻴﺎ .. ﺣﺘﻰ ﻗﺮﺑﻨﺎ ﻧﺘﻔﺎﺭﻗﻮ ﺟﺎ ﺇﻳﺎﺩ ﻭ ﺑﺎﺑﺎﻩ .. ﻟﻘﺎﻭﻧﺎ ﻛﻨﻀﺤﻜﻮ .. ﺇﻳﺎﺩ ﻋﻴﻨﻴﻪ ﻏﺮﻏﺮﻭ .. ﻗﺎﻟﻴﻨﺎ ﺑﻮﻧﺴﻮﺍﺭ ﻋﺎﺋﻠﺘﻲ ﺍﻟﺰﻭﻳﻨﺔ .. ﻋﺮﻓﻨﻲ ﻋﻠﻰ ﺑﺎﺑﺎﻩ .. ﻭ ﻗﺎﻟﻲ ﺑﺎﺑﺎﻩ .. ﺑﻨﺘﻲ ﻋﻠﻤﻲ ﺩﺍﺭﻛﻢ ﺇﻥ ﺷﺎﺀ ﺍﻟﻠﻪ ﻏﺪﺍ ﻏﺎﺩﻱ ﻧﺠﻴﻮ ﻧﺠﻠﺴﻮ ﻣﻌﺎﻛﻢ ﺷﻮﻳﺔ .. ﻗﺘﻠﻮ ﻣﺮﺣﺒﺎ ﺃﻋﻤﻲ .. ﺻﺎﻓﻲ ﺳﻠﻤﺖ ﻋﻠﻴﻬﻢ ﻣﺸﺎﻭ .. ﺑﻘﻴﻨﺎ ﺃﻧﺎ ﻭ ﺇﻳﺎﺩ .. ﺑﻘﻴﻨﺎ ﻛﻨﻬﺪﺭﻭ ﺷﻮﻳﺔ .. ﻭ ﻧﻀﺖ ﻣﺸﻴﺖ .. ﻋﻠﻤﺖ ﺍﻟﺪﺍﺭ .. ﻋﻠﻰ ﻏﺪ ﻟﻴﻪ ﺟﺎﻭ ﻋﺎﺋﻠﺔ ﺩﻳﺎﻝ ﺇﻳﺎﺩ .. ﺩﺍﺯ ﻧﻬﺎﺭ ﺯﻭﻳﻦ .. ﻛﻠﺸﻲ ﺿﺎﺣﻚ ﻛﻠﺸﻲ ﻧﺎﺷﻂ .. ﻗﺮﺭﻧﺎ ﺃﻧﺎ ﻣﻦ ﺑﻌﺪ ﺷﻬﺮ ﻏﺎﺩﻱ ﻧﺪﻳﺮﻭ ﺧﻄﺒﺔ ﻭ ﻋﻘﺪ ﺍﻟﺰﻭﺍﺝ . ﻭ ﻣﻦ ﺑﻌﺪ ﺷﻬﺮﻳﻦ ﺍﻟﻌﺮﺱ .. ﺻﺎﻓﻲ ﺩﺍﺯ ﻛﻠﺸﻲ ﻣﺰﻳﺎﻥ .. ﺗﺰﻭﺟﻨﺎ ﻭﺩﺭﻧﺎ ﻋﺮﺱ ﻭﻻ ﻓﻲ ﺍﻷﺣﻼﻡ .. ﺳﺎﻓﺮﻧﺎ ﻟﻔﺮﻧﺴﺎ ﺷﻬﺮ ﺍﻟﻌﺴﻞ .. ﻭﻣﻨﻴﻦ ﺭﺟﻌﻨﺎ .. ﻣﺸﻴﻨﺎ ﺩﺭﻧﺎ ﻋﻤﺮﺓ ﺑﺎﺵ ﺭﺑﻲ ﻳﻴﺴﺮ ﻟﻴﻨﺎ ﻓﺤﻴﺎﺗﻨﺎ .. ﺍﻟﻨﻬﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻱﺓ
0 commentaires: